1 കൊരിന്ത്യഗാറാര് 3:8 - സാമി സേദി

⁸ നാട്ട്‌ന്റവാന്‌മ് നീര് നലേസ്‌ന്റവാന്‌മ് ദൊഡ്ഡവാനൊ സ്‌ന്നവാനൊ എന്നുവ ബിത്ത്യാസ ഇല്ലെ, അവാര് ഒന്റേ പാസെത്തെ. ഒന്റൊന്റാള്‌ക്ക്‌മ് അവനവാന് ഗേന്ത ഗിലാസാക്ക് തഗ്‌ന്ത കൂലി കെ്ഡേക്ക്‌മ്.

1 കൊരിന്ത്യഗാറാര് 3:8 ပူးပေါင်းရင်းမြစ်များ

മത്തായി 16:27

മന്‌സാനായി പ്‌റാന്തവാന് തന്ന് അപ്പാന് സാമിക്ക് ഇര്‌ക്കുവ മദ്‌പ്പ്‌ല് തന്ന് ദൂദാര്‌ഗാളോഡ ബരുവാന്. അദുക്കുള ഒന്റൊന്റാള് ഗേന്ത കാര്യഗാള്‌ക്ക് തഗ്‌ന്ത കൂലി അയാള് കൊഡുക്കുവാന്.

ലൂക്കോസു 19:19

അദുക്കുള അയി പണ്ണാഡി: <അന്നാപ്പ് നീ അയിദ് പട്ടണഗാള്‌ക്ക് തലെവാനായിര്> എന്റ് അയി ഗിലാസഗാറാന്‌ക്ക് സൊന്നാന്.

റോമഗാറാര് 2:6

സാമി <<ഒന്റൊന്റാള്‌ക്ക്‌മ് അവനവാന് ഗേവ ഗിലാസാക്ക് തഗ്‌ന്ത കൂലി കൊഡുക്കുവാന്.>>

1 കൊരിന്ത്യഗാറാര് 15:58

അദ്‌നാലെ ഏസ്സ്‌ഗാറാരെ, എനാക്ക് മെച്ച്‌പ്‌ഡിത്ത്‌റ്‌ക്കുവ നിമ്മ നമ്പിക്കേല് ഒറേപ്പുള്ളവാരായി അജ്‌ങ്കാദെ ഇര്‌ന്. ആണ്ടവാന്‌ക്ക് ബേ്ണ്ടി പാഡ്‌പഡുവാദ് ബെ്റ്‌ദ്യല്ല എന്റ് തെരിന്ത് ആണ്ടവാന്‌ക്ക് ബേ്ണ്ടി ഗേവ ഗിലാസാന സേത്തി സേത്തി ഗേന്റവാരാന്.

1 കൊരിന്ത്യഗാറാര് 3:14

ഒരുത്താന് കെ്ട്ട്‌ന കെ്ട്ട് ബെന്ത് പോഗാദെ അത്തേഗേ ഇന്തദാന അയാള്‌ക്ക് കൂലി കെ്ഡേക്ക്‌മ്.

1 കൊരിന്ത്യഗാറാര് 3:7

അദ്‌നാലെ നാട്ട്‌നവാനൊ, നീര് നലേസ്‌നവാനൊ ആര്‌മ് ദൊഡ്ഡവാരല്ല, സാമിത്തെ ദൊഡ്ഡവാന്. എന്ത്‌ക്കെന്റ് സൊന്ന സാമിത്തെ ബളാത്ത്‌നാദ്.

1 കൊരിന്ത്യഗാറാര് 3:9

നിമ്മാത്തെ സാമി കാഡ്, എമ്മ അദ്‌ല് സാമിക്ക് ബേ്ണ്ടി ഗിലാസ ഗേവ ബെ്റ് ഗിലാസഗാറാര്‌ത്തെ. നിമ്മാത്തെ സാമിബീ്ഡ്.

1 കൊരിന്ത്യഗാറാര് 4:15

ക്‌റ്‌സ്‌ത്ത്‌ന നമ്പി പെ്ളേക്കുവ പെ്ളേപ്പ്‌ല് നിമാന പഡ്‌സ്‌ന്റവാര് പത്തായിര കണാക്ക് ഇര്‌ക്കുവാര്. എന്റാല്‌മ് നിമാക്ക് അപ്പാന് ഒരുത്താന്‌ത്തെ. അദ് നാന്‌ത്തെ. എന്ത്‌ക്കെന്റ് സൊന്ന ക്‌റ്‌സ്‌ത്ത് ഏസ്സ്‌ന നമ്പ്യ ബേ്ണ്ടി നിമാക്ക് നല്ല സേദിന സൊല്ലി തന്താദ് നാന്‌ത്തെ.

1 കൊരിന്ത്യഗാറാര് 9:7

സൊന്ത സിലാവുലു ജുദ്ദ ഗേയ നില്ലുവ പട്ടളഗാറാന് ഇര്‌ക്ക്‌ന്റാന? മുന്തിരി ദോട്ട ഗേന്ത് അയി ബെ്ള്ളാമെന തിന്നത്തവാന് ഇര്‌ക്ക്‌ന്റാന? ആഡ് കൂട്ടന മേസി അയി ആഡ്‌ഗാള്‌ന ബെത്ത് പെ്ളേക്കാത്ത മാട്ട്യാന് ഇര്‌ക്ക്‌ന്റാന?

ഗലാത്ത്യഗാറാര് 6:4

ഒന്റൊന്റാള്‌മ് അവനവാന്‌ക്ക് ഇര്‌ക്കുവ ഗുണന നല്ലാദ കെ്ട്ടാദ എന്റ് അവനവാന് താനെത്തെ നോഡുഡൊ. അദ് നലമായിന്തദാന അദ്‌ന പിര്യപഡുഡൊ. അല്ലാദെ ബേ്റൊന്റൊരുത്താന്‌ക്ക് ഇര്‌ക്കുവ ഗുണാക്ക് എ്ണേത്ത് നോഡ ബേ്ഡ.

ഗലാത്ത്യഗാറാര് 6:5

എന്ത്‌ക്കെന്റ് സൊന്ന ഒന്റൊന്റാള്‌ക്ക്‌മ് ഇര്‌ക്കു ഗുണാക്കുള്ള കണാക്ക് ഒന്റൊന്റാള്‌ക്ക്‌മ് കൊഡുക്ക്യ ഇര്‌ക്ക്‌ന്റ്.

എവുറായാര് 6:10

നിമ്മ ഗേന്ത കാര്യഗാള്‌നാമ് സാമ്യോഡ നിമ്മ ബെത്ത സീവാന്‌നാമ് മറാന്ത് തള്ള്യ സാമി നേര്‌മല്ലത്തവാന് അല്ല. സാമ്യോഡ സീവാന്‌ബെത്താദ്‌നാലെ സാമിക്ക് പട്ടവാര്‌ന നിമ്മ കയി താങ്കിര്‌ക്ക്‌ന്റ്‌റ്. ഇന്നാല്‌മ് അവാര്‌ന കയിതാങ്കി കൊണ്ടു ഇര്‌ക്ക്‌ന്റ്‌റ്.

1 പത്ത്‌റോസു 5:4

അത്തെ പെ്ളേത്തദാന നോഡി നഡാത്ത്‌ന്റവാര്‌ക്ക് തലെവാന് ആയിര്‌ക്ക്‌ന്റവാന് ബര്‌ഗാട്ടി എന്നാല്‌ക്ക്‌മ് മദ്‌പ്പിര്‌ക്കുവ ഗിര്യാഡ നിമാക്ക് കെ്ഡേക്ക്‌മ്.

2 ഓഗന്നാന് 1:8

അദ്‌നാലെ നിമ്മ സൂസാരിത്തിര്‌ന്. ഇല്ലാദെ പോന നിമ്മ സാമിക്ക് ബേ്ണ്ടി പാഡ്‌പട്ടാദ്‌ക്ക് കെ്ഡേക്കുവ കൂലി ബീ്ണാലെ പോമു.

ബെ്ളിപട്ട കാര്യ 2:23

നാന് അവാള് സൊല്ലുക്കു കെ്ട്ട്‌പട്ട് നഡാക്ക്‌ന്റവാര്‌നാമ് കൊന്റു തള്ളുവെ. അദുക്കുള എല്ലാവാര് മനേസ്സ്‌നാമ് നെഞ്ച്‌നാമ് സോദണെ ഗേന്റവാന്‌ത്തെ നാന് എന്റ് എല്ലാ ഏസ്സ്‌ഗാറാര് കൂട്ടഗാള്‌ക്ക്‌മ് തെരിമ്. നിമ്മ ഒന്റൊന്റാള്‌ക്ക്‌മ് നിമ്മ ഗേവാദ്‌ക്ക് തഗ്‌ന്ത പാസെ നാന് നിമാക്ക് കൂലി തരുവേന്.

ബെ്ളിപട്ട കാര്യ 22:12

<<ഇദാ നോഡുനു, നാന് സട്ടന ബന്റെ, ഒന്റൊന്റാള്‌ക്ക്‌മ് അവനവാന് ഗേന്താദ്‌ക്ക് തഗ്‌ന്ത പാസെ കൊഡുക്കുവ കൂലി എന്നോഡ ഇര്‌ക്ക്‌ന്റ്.