1 കൊരിന്ത്യഗാറാര് 3:7 - സാമി സേദി

⁷ അദ്‌നാലെ നാട്ട്‌നവാനൊ, നീര് നലേസ്‌നവാനൊ ആര്‌മ് ദൊഡ്ഡവാരല്ല, സാമിത്തെ ദൊഡ്ഡവാന്. എന്ത്‌ക്കെന്റ് സൊന്ന സാമിത്തെ ബളാത്ത്‌നാദ്.

1 കൊരിന്ത്യഗാറാര് 3:7 ပူးပေါင်းရင်းမြစ်များ

ഓഗന്നാന് 15:5

നാന് മുന്തിരി കൊഡിമ് നിമ്മ സില്ല്‌ഗാള്‌മ്‌ത്തെ. ഒരുത്താന് എന്ന് കുള്ളുക്കുമു നാന് അവാന് കുള്ളുക്കുമു ഇന്തദാന അയാള് മൊത്തന കായി ബ്‌ഡുവാന്. എനാന തളളി നിമാക്ക് ഒന്റുമു ഗേയ മുഡ്യാമാട്ട.

1 കൊരിന്ത്യഗാറാര് 13:2

സാമി നായന നേരെ കേ്ട്ട് സൊല്ലുവ ബര ഒന്റു സമ്യ എനാക്ക് ഇന്ത് നാന് മറേന്ത്‌റ്‌ക്കുവ എല്ലാ പൊറുളുഗാള്‌ഗാള്‌ന നെപ്പ് കെ്ഡേസ്‌ന്റവാന്‌മ് എല്ലാ ദിന്‌സ്‌ല അറുവുമു ഇര്‌ക്ക്‌ന്റവാന്‌മ് ആല. മലെഗാള്‌ന മറ്‌ക്കുവ ദിന്‌സ്‌ല നമ്പിക്കേമ് എനാക്ക് ഒന്റു സമ്യ ഇര്‌ക്ക്‌ല. എന്റാല്‌മ് എനാക്ക് സീവാന് ഇല്ലാദെ പോന നാന് ആര്‌മല്ല.

1 കൊരിന്ത്യഗാറാര് 3:6

സാമി കാഡ്‌ന പാസെത്തെ നിമ്മ. അയി കാഡ്‌ക്ക് ബെദേന നാട്ട്‌നവാന്‌ന പാസെത്തെ നാന്, അദ്‌ക്ക് നീര് നലേസ്‌നവാന്‌ന പാസെത്തെ അപ്പലോസു, ആന അയി ബെദേന ബളാത്ത്‌നാദ് സാമിത്തെ.

1 കൊരിന്ത്യഗാറാര് 3:8

നാട്ട്‌ന്റവാന്‌മ് നീര് നലേസ്‌ന്റവാന്‌മ് ദൊഡ്ഡവാനൊ സ്‌ന്നവാനൊ എന്നുവ ബിത്ത്യാസ ഇല്ലെ, അവാര് ഒന്റേ പാസെത്തെ. ഒന്റൊന്റാള്‌ക്ക്‌മ് അവനവാന് ഗേന്ത ഗിലാസാക്ക് തഗ്‌ന്ത കൂലി കെ്ഡേക്ക്‌മ്.

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.

2 കൊരിന്ത്യഗാറാര് 12:9

ആന <<എന്ന് പ്‌ണ്ണ്യ നിനാക്ക് മദി, മുഡ്യാമാട്ട എന്റ് നീ സൊല്ലുവ ഗളിഗേക്ക് എന്ന് സക്‌തി തെഗേന്ത് ബന്റ്>> എന്റ്‌ത്തെ ആണ്ടവാന് എനാക്ക് സൊന്നാദ്. അദ്‌നാലെ എനാക്ക് ഇര്‌ക്കുവ കൊറേവുന പറ്റി അദിഗ പെരിമെപഡുവെ. എന്ത്‌ക്കെന്റ് സൊന്ന എന്ന് കൊറേവുനാലെ ക്‌റ്‌സ്‌ത്ത്‌ക്ക് അദിഗ സക്‌തി കാട്ട്യ മുഡിമ്.

ഗലാത്ത്യഗാറാര് 6:3

നിമ്മ് കൂട്ടാത്തല് താന് ദൊഡ്ഡവാന് അല്ലാദിന്ത് ഗുഡി താന് ദൊഡ്ഡവാന്‌ത്തെ എന്റ് നെനേക്ക്‌ന്റവാന് തനാന താനെ ബഞ്ചിക്ക്‌ന്റാന്.