1 കൊരിന്ത്യഗാറാര് 3:1 - സാമി സേദി

¹ എന്ന് ഏസ്സ്‌ഗാറാരെ, നാന് നിമ്മ് പട്ട്‌ല് ഇര്‌ക്കാട്ടി സാമിനിഗാല് നഡാത്ത്‌ന്റവാരോഡ നായനൊഡിവ പാസെ എനാക്ക് നിമ്മോഡ നായനൊഡ്യ മുഡ്യാലെ. അദ്‌ക്ക് ബദ്‌ല അവനവാന് ആസെപഡി പെ്ളേക്കുവ ഈ ഉലഗാത്ത്‌ല ആള്‌ഗാളോഡ നായനൊഡിവ പാസെത്തെ നിമ്മോഡ നായനൊഡിന്താദ്. അദ്‌താനേമല്ല ക്‌റ്‌സ്‌ത്ത്‌ന നമ്പി നഡാക്കുവ പെ്ളേപ്പ്‌ന പറ്റി ഇന്നാല്‌ത്തെ അറുവു ബെത്ത് ബരുവ ആള്‌ഗാളോഡ നായനൊഡിവ പാസേമ്‌ത്തെ നായ നൊഡിന്താദ്.

1 കൊരിന്ത്യഗാറാര് 3:1 ပူးပေါင်းရင်းမြစ်များ

മത്തായി 16:23

ആന ഏസ്സ് തിരിഗി പത്ത്‌റോസുക്കു: <<എന്ന് പട്ട്‌ലിന്ത് കഡാന്ത് പൊ സെയിത്താനെ. നീത്തെ എനാക്ക് തഡേസായിര്‌ക്കുവാദ്. സാമി നെനേക്കുവ പാസെ അല്ല നീ നെനേക്കുവാദ്. മന്‌സാന്‌ക്ക് ഇര്‌ക്കുവ നെനേവാക്കു നിനാക്ക് ഇര്‌ക്കുവാദ്>> എന്റ് സൊന്നാന്.

റോമഗാറാര് 7:14

സാമി പട്ട്‌ലിന്ത് കെ്ഡേത്താദ്‌ത്തെ സാമിസട്ട എന്റ് നമാക്ക് തെരിന്റ്. ആന നാന് ബേ്റാള്‌ഗാള്‌ന പാസെ പാവ ഗേവ പളാക്ക ഉള്ളവാന്‌ത്തെ, പാവാക്ക് ആളായിര്‌ക്ക്‌ന്റവാന്‌മ്‌ത്തെ.

1 കൊരിന്ത്യഗാറാര് 14:20

ഏസ്സ്‌ഗാറാരെ, മക്കാള് നെനേക്കുവ പാസെ ഈ കാര്യഗാള്‌ന പറ്റി നെനേക്കുവാദ്‌ന തള്ള്‌ന്, തപ്പ് ഗേവ കാര്യാത്ത്‌ല് നിമ്മ അറ്യാത്ത പ്‌ള്ളെന പാസെ ആന്. ദൊഡ്ഡവാര് നെനേക്കുവ പാസെ നിമ്മ ഈ കാര്യന പറ്റി നെനേത്ത് നഡാന്.

1 കൊരിന്ത്യഗാറാര് 14:37

സാമിദാസ് എന്റൊ സാമിനിഗാല് തരുവ ബര കെ്ഡേത്തവാന് എന്റൊ ഒരുത്താന് നെനേക്കുവദാന അയാള് ഈ എ്ള്‌ദുവ കാര്യഗാള് ആണ്ടവാന് കല്‌പനെ എന്റ് തെരിന്ത്‌റ്‌ക്കുഡൊ.

1 കൊരിന്ത്യഗാറാര് 2:6

ആന, ക്‌റ്‌സ്‌ത്തോഡ ബെത്ത്‌റ്‌ക്കുവ ബക്‌തില് നിമ്മ മ്‌ഗ്‌ന്ത്‌റ്‌ക്ക്‌ന്റവാരോഡ, എമ്മ അറുവുമ് ബുദ്ദിമ് ഉള്ള നായ സൊന്റേമ്. അയി അറുവുമു ബുദ്ദിമ് ഉള്ള നായ ഈ ഉലഗാക്ക് പട്ടാദൊ ഈ ഉലഗാന ആളുവ അളിന്ത് പോന്റവാര്‌ക്ക് പട്ടാദൊ അല്ല.

ഗലാത്ത്യഗാറാര് 6:1

ഏസ്സ്‌ഗാറാരാന എന്ന് എ്ണേവുഗാറാരെ, നിമ്മ് കൂട്ടാത്ത്‌ല് ആരാറ്റ ഏദൊന്റു പാവാക്ക് സിക്കിന്തദാന സാമിനിഗാല് സൊല്ലുക്കു കെ്ട്ട്‌പട്ട് നഡാക്കുവ നിമ്മ താനെ അയാള്‌ക്ക് നിദാനത്തോഡ സൊല്ലി അയാള്‌ന പാവാത്ത്‌ലിന്ത് ബ്‌ഡിസി എ്ഡ്‌ക്കുഡൊ. ആന നീമ് പാവാക്ക് സിക്കാദിര്‌ക്ക്യ സൂസാരിത്ത് ഇര്‌ക്കുഡൊ.

എവുറായാര് 5:13

പാല്‌ന കുഡിത്ത് പെ്ളേക്ക്‌ന്റവാനെല്ല ഇന്നാല്‌മ് പച്ചെപ്‌ള്ളെന പാസെ സെരി ഏദ് തപ്പ് ഏദ് എന്റ് തെര്യാത്തവാന്‌ത്തെ.

1 ഓഗന്നാന് 2:12

പ്‌ള്ളെഗാളെ, ഏസ്സ് തനാന പലി കൊഡുത്താദ്‌നാലെ സാമി നിമ്മ് പാവാന പൊറുത്തു തന്ത്‌റ്‌ന്റാന്. അദ്‌നാലെ നാന് നിമാക്ക് ഇദ്‌ന എ്ള്‌ദ്‌ന്റെ.