1 കൊരിന്ത്യഗാറാര് 2:6 - സാമി സേദി6 ആന, ക്‌റ്‌സ്‌ത്തോഡ ബെത്ത്‌റ്‌ക്കുവ ബക്‌തില് നിമ്മ മ്‌ഗ്‌ന്ത്‌റ്‌ക്ക്‌ന്റവാരോഡ, എമ്മ അറുവുമ് ബുദ്ദിമ് ഉള്ള നായ സൊന്റേമ്. അയി അറുവുമു ബുദ്ദിമ് ഉള്ള നായ ഈ ഉലഗാക്ക് പട്ടാദൊ ഈ ഉലഗാന ആളുവ അളിന്ത് പോന്റവാര്‌ക്ക് പട്ടാദൊ അല്ല. အခန်းကိုကြည့်ပါ။ |
1 കൊരിന്ത്യഗാറാര് 2:6
36 ပူးပေါင်းရင်းမြစ်များ
എന്ന് ഏസ്സ്‌ഗാറാരെ, നാന് നിമ്മ് പട്ട്‌ല് ഇര്‌ക്കാട്ടി സാമിനിഗാല് നഡാത്ത്‌ന്റവാരോഡ നായനൊഡിവ പാസെ എനാക്ക് നിമ്മോഡ നായനൊഡ്യ മുഡ്യാലെ. അദ്‌ക്ക് ബദ്‌ല അവനവാന് ആസെപഡി പെ്ളേക്കുവ ഈ ഉലഗാത്ത്‌ല ആള്‌ഗാളോഡ നായനൊഡിവ പാസെത്തെ നിമ്മോഡ നായനൊഡിന്താദ്. അദ്‌താനേമല്ല ക്‌റ്‌സ്‌ത്ത്‌ന നമ്പി നഡാക്കുവ പെ്ളേപ്പ്‌ന പറ്റി ഇന്നാല്‌ത്തെ അറുവു ബെത്ത് ബരുവ ആള്‌ഗാളോഡ നായനൊഡിവ പാസേമ്‌ത്തെ നായ നൊഡിന്താദ്.
ഈ ഉലഗാത്ത്‌ല ആള്‌ഗാള് പട്ട്‌ല്, മുക്ക്യമായിമ് നിമ്മ് പട്ട്‌ല് പെ്ളേക്കാട്ടി സാമി എമാക്ക് തന്ത സുത്താപ്പുള്ള മനേസ്സോഡാമ് കവാഡില്ലാത്ത മനേസ്സോഡാമ്‌ത്തെ പെ്ളേത്തേമ്. ഈ ഉലഗാത്ത്‌ലിന്ത് കെ്ഡേത്ത അറുവുനാലെ അല്ല സാമി ഗേന്ത പ്‌ണ്ണ്യാത്ത്‌ല്‌ത്തെ എമാക്ക് അത്തെ പെ്ളേക്ക്യ മുഡിന്താദ്. ഇദ് നേര്‌ത്തെ എന്റ് എമ്മ് മനേസ്സ് ഒറേപ്പായിമ് സൊന്റു. ഇദ്‌നത്തെ എമ്മ പെരിമെപഡ്‌ന്റേമ്.
ഏസ്സ്‌ഗാറാരെ, നാന് ഈ എ്ള്‌ത്ത് എ്ള്‌ദി മുഡിക്കുവ സമ്യാത്ത്‌ല് നാന് നിമാക്ക് സൊല്ലുവാദ് എന്തെന്റ് സൊന്ന, നിമ്മ പിര്യപഡ്‌ന്, നിമ്മ് നമ്പിക്കേല് മ്‌ഗ്‌ന്തവാര് ആയ നിമ്മ ഓരാഡ്‌ന്, നിമ്മ ആങ്കീങ്ക് ദയിര സൊല്ലി നഡാന്, ഒന്റേ മനേസ്സോഡ ഇര്‌ന്, പിര്യപിര്യാത്തോഡ പെ്ളേന്, സീവാന്‌മ് നിമ്മ്‌ദിമ് ഉള്ള സാമി നിമ്മോഡ ഇര്‌ക്കുവാന്.
ကြော်ငြာတွေ