1 കൊരിന്ത്യഗാറാര് 2:5 - സാമി സേദി

⁵ അത്തെ സാമി സക്‌തിന തെരിന്ത്‌ത്തെ നിമ്മ നമ്പ്‌ന്റവാര് ആഡൊ, അല്ലാദെ മന്‌സാര് ബുദ്ദിനാമ് അറുവുനാമ് ബെത്തല്ല നമ്പുവാദ്.

1 കൊരിന്ത്യഗാറാര് 2:5 ပူးပေါင်းရင်းမြစ်များ

അപ്പോസുത്തലാര് 16:14

തയിതിര്യ എന്നുവ എ്ഡേല് ഇര്‌ക്കുവ ലുദിയ എന്നുവ ഒന്റൊരുത്തി എമ്മ സൊന്നാദ്‌ന കേ്ട്ടാള്. സാമിന കുമ്മുഡി നഡാന്തിന്ത അവാള് ബെലെപ്‌ഡിപ്പുള്ള പട്ട് സീലെ ബിറ്റ് നഡാന്തിന്താള്. പവുലോസു സൊല്ലുവാദ്‌ന കേ്ള്‌ക്ക്യ ആണ്ടവാന് അവാള്‌ക്ക് മനേസ്സ് കൊഡുത്താന്.

1 കൊരിന്ത്യഗാറാര് 1:17

ക്‌റ്‌സ്‌ത്ത് എനാന സൊല്ലി ബ്‌ട്ടാദ് നീര്‌ക്ക് മുളുഗുസ്യല്ല, നല്ല സേദിന പറ്റി സൊല്ല്യാത്തെ സൊല്ലി ബ്‌ട്ടാദ്. കുരുസുലു സത്ത ക്‌റ്‌സ്‌ത്ത്‌ന പറ്റ്യുള്ള സേദിക്ക് ആള്‌ഗാള്‌ന കാപാറ്റുവ സക്‌തി ഇര്‌ക്ക്‌ന്റ്. അയി സക്‌തി ഇല്ലാദാഗാദെ ഇര്‌ക്ക്യ ബേ്ണ്ടി നല്ല നായഗാറാന് എന്നുവ തിരമേല് അല്ല നാന് അയി നല്ല സേദിന സൊന്നാദ്.

1 കൊരിന്ത്യഗാറാര് 3:6

സാമി കാഡ്‌ന പാസെത്തെ നിമ്മ. അയി കാഡ്‌ക്ക് ബെദേന നാട്ട്‌നവാന്‌ന പാസെത്തെ നാന്, അദ്‌ക്ക് നീര് നലേസ്‌നവാന്‌ന പാസെത്തെ അപ്പലോസു, ആന അയി ബെദേന ബളാത്ത്‌നാദ് സാമിത്തെ.

2 കൊരിന്ത്യഗാറാര് 12:9

ആന <<എന്ന് പ്‌ണ്ണ്യ നിനാക്ക് മദി, മുഡ്യാമാട്ട എന്റ് നീ സൊല്ലുവ ഗളിഗേക്ക് എന്ന് സക്‌തി തെഗേന്ത് ബന്റ്>> എന്റ്‌ത്തെ ആണ്ടവാന് എനാക്ക് സൊന്നാദ്. അദ്‌നാലെ എനാക്ക് ഇര്‌ക്കുവ കൊറേവുന പറ്റി അദിഗ പെരിമെപഡുവെ. എന്ത്‌ക്കെന്റ് സൊന്ന എന്ന് കൊറേവുനാലെ ക്‌റ്‌സ്‌ത്ത്‌ക്ക് അദിഗ സക്‌തി കാട്ട്യ മുഡിമ്.

2 കൊരിന്ത്യഗാറാര് 4:7

എന്റാല്‌മ് ഈ ദൊഡ്ഡ സക്‌തി എമ്മ് സൊന്തല്ല, സാമിത്ത്‌ത്തെ എന്റ് കാട്ടി കൊഡുക്ക്യ ബേ്ണ്ടി ഈ സൊത്തു ബില ഇല്ലാത്ത മണ്ണ് സട്ടിന പാസെ ഇര്‌ക്കുവ എമ്മ് നെഞ്ച് കുള്ളുക്കുത്തെ തന്ത്‌റ്‌ക്കുവാദ്.

2 കൊരിന്ത്യഗാറാര് 6:7

എമ്മ സത്ത്യനത്തെ പഡ്‌സ്‌ന്റേമ്, സാമി സക്‌തില്‌ത്തെ എമ്മ എല്ലാ കാര്യഗാള്‌മ് ഗേന്റേമ്. പട്ടളഗാറാര്‌ക്ക് ഒന്റു കയില് ബാള്‌മ് ഒന്റു കയില് തഡ്‌ക്കുവ ജാദിമ് ഇര്‌ക്കുവ പാസെ എമ്മ് ഇ്ഡ കയില്‌മ് ബല കയില്‌മ് നേര്‌മെ എന്നുവ ബാള്‌മ് തഡ്‌ക്കുവ ജാദിമ് പ്‌ഡിത്ത്‌കൊണ്ടു പെ്ളേക്ക്‌ന്റേമ്.