1 കൊരിന്ത്യഗാറാര് 2:15 - സാമി സേദി

¹⁵ സാമിനിഗാല് ഇര്‌ക്ക്‌ന്റവാന് സാമി മനേസ്സ്‌ല് ആസെപഡുവ നെനേവുഗാള്‌ന ഒട്ടുക്കു നെപ്പ്കെ്ഡേസ്‌ന്റാന്. ആന സാമിനിഗാല് ഇല്ലത്തവാന്‌ക്ക് സാമിനിഗാല് ഇര്‌ക്ക്‌ന്റവാന് നെനേവുഗാള്‌ന നെപ്പ്‌കെ്ഡേസ്യ മുഡിവാദില്ലെ.

1 കൊരിന്ത്യഗാറാര് 2:15 ပူးပေါင်းရင်းမြစ်များ

ഓഗന്നാന് 7:17

സാമി പിര്യപഡുവാദ്‌ന ഗേയ ആസെപഡ്‌ന്റവാന് ഈ ബുദ്ദിനായ സാമിലിന്ത് ബരുവാദൊ ഇല്ലെ നാനാഗ സൊല്ലുവാദൊ എന്റ് നെപ്പ്‌കെ്ഡേസുവാന്.

അപ്പോസുത്തലാര് 16:3

പവുലോസു അയാള്‌നാമ് തന്നോഡൊപ്പ കൂട്ടി പോഡൊ എന്റ് ആസെപട്ടാന്. തിമിത്തോസു അപ്പനച്ചാന് എവന നാഡ്‌ഗാറാന് എന്റ് അയി ദേസഗാള്‌ല് ഇര്‌ക്കുവ എഗുദാര്‌ക്ക് ഒട്ടുക്കു തെരിന്തിന്ത്‌ദ്. അദ്‌നാലെ പവുലോസു തിമിത്തോസുന പരിസേദനെ സാത്ത്‌റ ഗേസ്‌നാന്.

1 കൊരിന്ത്യഗാറാര് 14:37

സാമിദാസ് എന്റൊ സാമിനിഗാല് തരുവ ബര കെ്ഡേത്തവാന് എന്റൊ ഒരുത്താന് നെനേക്കുവദാന അയാള് ഈ എ്ള്‌ദുവ കാര്യഗാള് ആണ്ടവാന് കല്‌പനെ എന്റ് തെരിന്ത്‌റ്‌ക്കുഡൊ.

1 കൊരിന്ത്യഗാറാര് 3:1

എന്ന് ഏസ്സ്‌ഗാറാരെ, നാന് നിമ്മ് പട്ട്‌ല് ഇര്‌ക്കാട്ടി സാമിനിഗാല് നഡാത്ത്‌ന്റവാരോഡ നായനൊഡിവ പാസെ എനാക്ക് നിമ്മോഡ നായനൊഡ്യ മുഡ്യാലെ. അദ്‌ക്ക് ബദ്‌ല അവനവാന് ആസെപഡി പെ്ളേക്കുവ ഈ ഉലഗാത്ത്‌ല ആള്‌ഗാളോഡ നായനൊഡിവ പാസെത്തെ നിമ്മോഡ നായനൊഡിന്താദ്. അദ്‌താനേമല്ല ക്‌റ്‌സ്‌ത്ത്‌ന നമ്പി നഡാക്കുവ പെ്ളേപ്പ്‌ന പറ്റി ഇന്നാല്‌ത്തെ അറുവു ബെത്ത് ബരുവ ആള്‌ഗാളോഡ നായനൊഡിവ പാസേമ്‌ത്തെ നായ നൊഡിന്താദ്.

1 കൊരിന്ത്യഗാറാര് 4:5

അദ്‌നാലെ ആണ്ടവാന് ബന്ത് ബിദിക്കുവ ഗളിഗെ ബരമാട്ട്‌ക്ക് ആര്‌നാമ് ബിദിക്കാദേന്. അന്നമാട്ട്‌ക്ക് കാത്ത്‌റ്‌ന്. ഇ്റ്‌ട്ട്‌ല് മറേന്ത്‌റ്‌ക്കുവാദ്‌ന ബെ്ള്‌സാക്ക് കഡാത്തുവ പാസെ മന്‌സാര് ഒളിസിമറേസി ബെത്ത കാര്യഗാള്‌ന അയാള് എദ്‌ക്ക മാഡുവാന്. അദല്ലാദെ താനെ ആള്‌ഗാള് മനേസ്സ്‌ല് നെനേത്ത് ബെത്ത്‌റ്‌ക്കുവ നെനേവുഗാള്‌നാമ് എദ്‌ക്ക മാഡുവാന്. അയി ഗളിഗെ ഒന്റൊന്റാള്‌ക്ക്‌മ് അവനവാന്‌ക്ക് തഗ്‌ന്ത പേര്‌പെരിമെ സാമിലിന്ത് കെ്ഡേക്ക്‌മ്.

ഗലാത്ത്യഗാറാര് 6:1

ഏസ്സ്‌ഗാറാരാന എന്ന് എ്ണേവുഗാറാരെ, നിമ്മ് കൂട്ടാത്ത്‌ല് ആരാറ്റ ഏദൊന്റു പാവാക്ക് സിക്കിന്തദാന സാമിനിഗാല് സൊല്ലുക്കു കെ്ട്ട്‌പട്ട് നഡാക്കുവ നിമ്മ താനെ അയാള്‌ക്ക് നിദാനത്തോഡ സൊല്ലി അയാള്‌ന പാവാത്ത്‌ലിന്ത് ബ്‌ഡിസി എ്ഡ്‌ക്കുഡൊ. ആന നീമ് പാവാക്ക് സിക്കാദിര്‌ക്ക്യ സൂസാരിത്ത് ഇര്‌ക്കുഡൊ.

പിലിപ്പ്യഗാറാര് 1:10

അത്തെ നിമ്മ് പെ്ളേപ്പ്‌ല് മുക്ക്യമാന കാര്യ ഏദൊ അദ്‌ന തെരിന്തെ്ഡ്‌ക്ക്യാമ് നിമാക്ക് മുഡിമ്. അന്നാപ്പ് ക്‌റ്‌സ്‌ത്ത് ബരുവ നാള് നിമ്മ കവാഡില്ലാത്ത മനേസ്സ്‌ഗാറാര്‌മ് നിമാന പറ്റി ഒന്റു കുറ്റാമ് സൊല്ല്യ മുഡ്യാത്ത ദിന്‌സ്‌ല് പെ്ളേക്ക്‌ന്റവാര്‌മ് ആയി കാണ്യ മുഡിമ്.

കൊലേസ്യഗാറാര് 1:9

അദ്‌നാലെ ഈ കാര്യഗാള്‌ന കേ്ട്ട നാള്‌ലിന്തേ സാമി പിര്യാന പറ്റി തെരിവ അറുവുലു നിമ്മ ദൊഡ്ഡവാരായ ബേ്ണ്ടിമ് നിമ്മ് നിഗാല് കുട്ടിക്ക് ബേ്ഡ്‌മാന എല്ലാ അറുവുലു നിമ്മ ദൊഡ്ഡവാരായ ബേ്ണ്ടിമ് എമ്മ ഒപ്പ പരേസ്‌ന്റേമ്.

1 തെസെലോനിക്ക്യഗാറാര് 5:21

എല്ലാദ്‌നാമ് സോദണെ ഗേന്ത് നല്ല കാര്യഗാള്‌ന ഒറേപ്പായിമ് തങ്കാരിക്കുഡൊ.

എവുറായാര് 5:14

ആന ദൊഡ്ഡവാര് തിന്നുവ തീനി ദൊഡ്ഡുനവാര്‌ക്ക്‌ത്തെ. അവാര് നല്ലാദ് കെ്ട്ടാദ് എന്തെന്റ് നെപ്പ്‌കെ്ഡേസ്യ പഡിത്ത് പളാഗ്‌നവാര്‌ത്തെ.

1 ഓഗന്നാന് 2:20

ആന ക്‌റ്‌സ്‌ത്ത് തന്ത സാമിനിഗാല്‌ല് നിമ്മ സാമിപ്‌ള്ളെഗാള് ആയിര്‌ക്കുവാദ്‌നാലെ നിമാക്ക് ഇദെല്ല തെരിന്റ്.

1 ഓഗന്നാന് 4:1

എനാക്ക് മെച്ച്‌പ്‌ഡിത്തവാരെ, സാമിനിഗാല് സൊന്റെന്റ് ഉറുട്ടു സൊല്ലുവ എഞ്ചോ ആള്‌ഗാള് ഇന്നാല് ഉലഗാത്ത്‌ല് തുമ്പിര്‌ന്റാര്. അദ്‌നാലെ സാമിനിഗാല് സൊല്ലിത്തെ സൊല്ലുവാദ് എന്റ് സൊല്ലുന്റവാര്‌ന ഒട്ടുക്കു നമ്പാദെ അവാരോഡ ഇര്‌ക്കുവ നിഗാല്‌ഗാളെല്ല സാമി നിഗാല്‌ത്തേഗ അല്ലാഗ എന്റ് സോദണെ ഗേന്ത് കണ്ട്‌പ്‌ഡിക്കുഡൊ.