1 കൊരിന്ത്യഗാറാര് 2:12 - സാമി സേദി

¹² ഈ ഉലഗാത്ത്‌ല നെനേവുഗാള്‌ന തരുവ നിഗാലല്ല നമാക്ക് കെ്ഡേത്ത്റ്‌ക്കുവാദ്. അദ്‌ക്ക് ബദ്‌ല സാമി തന്ന് പ്‌ണ്ണ്യാത്ത്‌ല് നമാക്ക് തന്ത്‌റ്‌ക്കുവാദ്‌ന ഒട്ടുക്കു നമാക്ക് തെര്യ സാമിലിന്ത് കെ്ഡേത്ത നിഗാല്‌ത്തെ നമാക്ക് ഇര്‌ക്കുവാദ്.

1 കൊരിന്ത്യഗാറാര് 2:12 ပူးပေါင်းရင်းမြစ်များ

റോമഗാറാര് 8:1

അദ്‌നാലെ ഇന്നാല് ക്‌റ്‌സ്‌ത്ത് ഏസ്സോഡ ഒന്റായി പെ്ളേക്ക്‌ന്റവാര്‌ക്ക് പാവാക്ക് കെ്ഡേക്കുവ ദെ്ണ്ടണെ ഇല്ലെ.

റോമഗാറാര് 8:32

തന്ന് സൊന്തമഗാന് എന്റ്‌ഗുഡി നോഡാദെ അയാള്‌ന നമാക്ക് എല്ലാവാര്‌ക്ക് ബേ്ണ്ടി ഒപ്പിസി കൊഡുത്ത സാമി അയാളോഡൊപ്പ തനാക്കിര്‌ക്കുവാദ് എന്ത്‌നാമ് നമാക്ക് തരാദിര്‌ക്കുവാന?

1 കൊരിന്ത്യഗാറാര് 1:27

ആന അറിവാളിഗാള് എന്റ് നെനേക്ക്‌ന്റവാര്‌ന നാണഗെ്ഡിസ്യ ബേ്ണ്ടി സാമി മന്‌സാര് കണ്ണ്‌ക്ക് ബുദ്ദിഗെ്ട്ടാദ്‌മ് അറുവുഗെ്ട്ടാദ്‌മ് ആനാദ്‌ന തെരിന്തെ്ഡ്‌ത്താന്. സക്‌തി ഇര്‌ക്ക്‌ന്റവാര് എന്റ് നെനേക്ക്‌ന്റവാര്‌ന നാണഗെ്ഡിസ്യ ബേ്ണ്ടി മന്‌സാര് കണ്ണ്‌ക്ക് സക്‌തി ഇല്ലത്താദ്‌ന സാമി തെരിന്തെ്ഡ്‌ത്താന്.

1 കൊരിന്ത്യഗാറാര് 2:6

ആന, ക്‌റ്‌സ്‌ത്തോഡ ബെത്ത്‌റ്‌ക്കുവ ബക്‌തില് നിമ്മ മ്‌ഗ്‌ന്ത്‌റ്‌ക്ക്‌ന്റവാരോഡ, എമ്മ അറുവുമ് ബുദ്ദിമ് ഉള്ള നായ സൊന്റേമ്. അയി അറുവുമു ബുദ്ദിമ് ഉള്ള നായ ഈ ഉലഗാക്ക് പട്ടാദൊ ഈ ഉലഗാന ആളുവ അളിന്ത് പോന്റവാര്‌ക്ക് പട്ടാദൊ അല്ല.

1 കൊരിന്ത്യഗാറാര് 3:22

പവുലോസുമു, അപ്പലോസുമു, പത്ത്‌റോസുമു, ഈ ഉലഗാമ്, ഉജുരോഡ ഇര്‌ക്കുവാദ്‌മ്, സാവാദ്‌മ്, ഇന്നാലിര്‌ക്കുവാദ്‌മ്, ബര്യ ഇര്‌ക്കുവാദ്‌മ് എല്ലാമ് നിമാക്ക് ബേ്ണ്ടിത്തെ.

2 കൊരിന്ത്യഗാറാര് 4:4

ഏസ്സ്‌ന നമ്പാത്തവാര് മനേസ്സ്‌ന ഈ ഉലഗാത്ത്‌ല സാമ്യാന സെയിത്താന് കുറുഡു മാഡിര്‌ന്റാന്. അദ്‌നാലെ സാമി ഉരുവ ആയിര്‌ക്കുവ ക്‌റ്‌സ്‌ത്ത്‌ന പറ്റി സൊല്ലുവ നല്ല സേദിത്ത് മദ്‌പ്പ്‌ന അവാര്‌ക്ക് കാണ്യ മുഡിവാദില്ലെ.

എപസോസുഗാറാര് 2:2

അയി ഗളിഗേല് നിമ്മ ഉലഗാത്ത്‌ല് ബേ്റെ ആള്‌ഗാള്‌ന പാസെ സാമി സൊല്ലുപഡിക്ക് നഡാക്കാദെ പെ്ളേത്തിന്ത്‌റ്. എന്ത്‌ക്കെന്റ് സൊന്ന സാമി സൊല്ലുപഡിക്ക് നഡാക്കാത്തവാര്‌ന ഇന്നാല്‌മ് നഡാത്തുവാദ് മാഗെലോഗന ആണ്ട്‌റ്‌ക്കുവ ഗരഗഗാള്‌ത്തെ. ഈ ഗരഗഗാള്‌ത്തെ മുന്നുക്കു നിമ്മ് പെ്ളേപ്പ്‌നാമ് നഡാത്തിന്താദ്.

ആക്കോവു 4:5

അല്ല പോന നിമ്മ സാമി സൊല്ലുസുലാക്കാത്ത്‌ല് സൊല്ലിര്‌ക്കുവാദ് ബെ്റ്‌ദേത്തെന്റ് നെനേക്ക്‌ന്റ്‌റ? അദ് ഇത്തേത്തെ: <<സാമി നമാക്ക് തന്ന് നിഗാല്‌ന തന്ത്‌റ്‌ക്ക്‌ന്റാന്. അയി നിഗാല് നമ്മ സാമിന ബ്‌ട്ട് പ്‌റ്‌ന്ത് പോഗാഗേ ബേ്ഡ എന്റ് ആസെപഡ്‌ന്റ്.>>

1 ഓഗന്നാന് 2:20

ആന ക്‌റ്‌സ്‌ത്ത് തന്ത സാമിനിഗാല്‌ല് നിമ്മ സാമിപ്‌ള്ളെഗാള് ആയിര്‌ക്കുവാദ്‌നാലെ നിമാക്ക് ഇദെല്ല തെരിന്റ്.

1 ഓഗന്നാന് 2:27

ക്‌റ്‌സ്‌ത്ത് നിമാക്ക് സാമിനിഗാല്‌ന തന്ത് നിമാന സാമിപ്‌ള്ളെഗാള് മാഡിര്‌ന്റാന്. അത്തെ തനാന പറ്റ്യുള്ള നേരാന കാര്യ ഏദെന്റ്‌മ് പൊയ്യാന കാര്യ ഏദെന്റ്‌മ് നിമാക്ക് തെരിമ്. അദ്‌നാലെ ആര്‌ക്ക്‌മ് നിമാന ഏമാത്ത്യ മുഡ്യാമാട്ട.

ബെ്ളിപട്ട കാര്യ 12:9

പിജാദ് എന്റ്‌മ് സെയിത്താന് എന്റ്‌മ് സൊല്ലുവ ബൂമില് ഇര്‌ക്കുവ എല്ലാ ആള്‌ഗാള്‌ന ഏമാത്തുവ അയി ദൊഡ്ഡ പാമ്പ് പള്യ പാമ്പ്‌ത്തെ. അയാള്‌നാമ് അയാളോഡൊപ്പ അയാള് ദൂദാര്‌നാമ് അഡി ബൂമിക്ക് എ്റിന്ത് തള്ള്‌നാര്.

ബെ്ളിപട്ട കാര്യ 22:6

അയി ദൂദാന് എനാക്ക്, <<ഈ നായഗാള് സത്ത്യാമ് നമ്പ്യ മുഡിവാദ്‌മ്‌ത്തെ. സാമിദാസ്‌ഗാള് എന്ത് സൊല്ലുഡൊ എന്റ് സൊല്ല്യ ബെക്കുവ ആണ്ടവാനാന സാമി ഇന്നി സട്ടന നഡാക്ക്യ പോവ കാര്യഗാള്‌ന തന്ന് ഗിലാസഗാറാര്‌ക്ക് കാട്ടി കൊഡുക്ക്യ തന്ന് ദൂദാന്‌ന സൊല്ലി ബ്‌ട്ട്‌റ്‌ന്റാന്>> എന്റ് സൊന്നാന്.