1 കൊരിന്ത്യഗാറാര് 16:3 - സാമി സേദി

³ നാന് ബന്ത പ്‌റ നിമ്മ സേത്തി ബെത്ത്‌റ്‌ക്കുവ പണന എര്‌സലേമ്‌ക്ക് എ്ഡ്‌ത്ത പോയ നിമ്മ ബ്‌ഡ്യ നെനേക്കുവ ആള്‌ഗാള് കയിക്ക് കൊഡുക്കുന്റെ, ഒന്റു എ്ള്‌ത്ത്‌മ് എ്ള്‌ദി അവാര് കയിക്ക് കൊഡുത്തു അവാര്‌ന നാന് എര്‌സലേമ്‌ക്ക് സൊല്ലി ബ്‌ഡ്‌വെ.

1 കൊരിന്ത്യഗാറാര് 16:3 ပူးပေါင်းရင်းမြစ်များ

1 കൊരിന്ത്യഗാറാര് 11:34

നിമ്മ ഒന്റായി കൂഡ്യ ബര്‌ഗാട്ടി സാമി ദെ്ണ്ടണേക്ക് എ്ഡെ ആഗാദെ ഇര്‌ക്ക്യ ബേ്ണ്ടി ആര്‌ക്കാറ്റ പജിപ്‌ഡിത്തിന്തദാന അയാള് ബീ്ഡ്‌ല് താനെ തിന്റ് ബരുഡൊ. ഇന്ന്യുള്ള കാര്യഗാള്‌ന നാന് ബന്ത് സെരി മാഡ്‌ന്റെ.

1 കൊരിന്ത്യഗാറാര് 16:4

നാന് ഗുഡി പോവാദ്‌ത്തെ നല്ലാദ് എന്റ് നിമ്മ നെനേക്കുവദാന അവാര്‌മ് എന്നോഡൊപ്പ ബരുഡൊ.

2 കൊരിന്ത്യഗാറാര് 3:1

ബേ്റെ ആള്‌ഗാള് ഗേവ പാസെ എമ്മ നിമ്മ് പട്ട്‌ക്ക് ബര്‌ഗാട്ടി എമാന പറ്റി ഉജാത്തി കാട്ടുവ എ്ള്‌ത്ത് ആരാറ്റോഡ ബാങ്കി ബരുഡൊ എന്റ്‌റ്‌ന്റ? അല്ല ബേ്റെ ആള്‌ഗാള് പട്ട്‌ക്ക് എമ്മ പോഗാട്ടി നിമ്മോഡിന്ത് അത്തവ എ്ള്‌ത്ത് ബാങ്കി പോഡൊ എന്റ്‌റ്‌ന്റ?

2 കൊരിന്ത്യഗാറാര് 8:4

എഗുദ നാഡ്‌ല സാമിക്ക് പട്ടവാര്‌ക്ക് ദറ്‌മ്മ കൊഡുക്കുവ കാര്യാക്ക് തമാന പങ്ക്‌ഗാറാര് മാഡ്യ ബേ്ണ്ടി അവാര് എമാന ബേ്ണ്ടി കൊണ്ടു കേ്ട്ടാര്.

2 കൊരിന്ത്യഗാറാര് 8:6

അദ്‌നാലെ നിമ്മ കൊഡുക്ക്യ നെനേത്ത്‌റ്‌ക്കുവ ദറ്‌മ്മന സേത്തി മുഡിക്ക്യ എമ്മ തീത്തോസുക്കു സൊന്നേമ്. തീത്തോസുത്തെ ഈ കാര്യഗാള് ഗേയ പ്‌ഡിത്താദ്.