1 കൊരിന്ത്യഗാറാര് 16:2 - സാമി സേദി

² നിമ്മ ഒന്റൊന്റാള്‌ക്ക്‌മ് നിമാക്ക് മുഡിന്തളാവുക്കുള്ള പണ ബാരബാര മുദാല് നാള് എ്ഡ്‌ത്ത് സേത്തി ബെയിന്. അത്തെ സേത്തി ബെത്തദാന നാന് ബര്‌ഗാട്ടി പണ പിരിക്കുവ തേവി ബരമാട്ട.

1 കൊരിന്ത്യഗാറാര് 16:2 ပူးပေါင်းရင်းမြစ်များ

മര്‌ക്കോസു 14:8

ഇവാള് തനാക്ക് ഗേയ മുഡിന്താദ്‌ത്തെ ഗേന്ത്‌റ്‌ന്റാള്. എന്ന് സാവുന പാത്ത്യ ബേ്ണ്ടി എന്ന് സാവുക്കു എ്ണ്ണെ പൂസി ഒരുക്കുവ കാര്യന മുദാല് താനെ അവാള് ഗേന്ത്‌റ്‌ന്റാള്.

ലൂക്കോസു 16:10

സ്‌ന്ന കാര്യ ഗേവാദ്‌ല് നമ്പ്യ മുഡിന്റവാന് ദൊഡ്ഡ കാര്യ ഗേവാദ്‌ല്‌മ് നമ്പ്യ മുഡിന്റവാന് ആയിര്‌ക്കുവാന്. സ്‌ന്ന കാര്യ ഗേവാദ്‌ല് നേരെമൊറെ ഗേഗാത്തവാന് ദൊഡ്ഡ കാര്യ ഗേവാദ്‌ല്‌മ് നേരെമൊറെ ഗേഗാത്തവാന് ആയിര്‌ക്കുവാന്.

ലൂക്കോസു 24:1

ബാരാത്ത്‌ല് ഒണ്ണാവാദ് നാള് റാവെ താനെ അയി പെ്ണ്ണ്‌മക്കാള് തമ്മ ഒരിക്കി ബെത്തിന്ത ബാഡെ അഡിക്കുവ ജാദിഗാള്‌നാമ് എ്ഡ്‌ത്ത് കല്ലളെ പട്ട്‌ക്ക് പോനാര്.

ഓഗന്നാന് 20:19

ബാരാത്ത്‌ല് ഒണ്ണാവാദ് നാള് സന്ത്യോഡ ഏസ്സ് സൊല്ലുപഡി നഡാക്ക്‌ന്റവാര് ഒന്റായി ബീ്ഡ്‌ല് ഇര്‌ക്കാട്ടി എഗുദാര്‌ക്ക് അഞ്ചി അവാര് ബാസന അഡേത്ത് ഇന്താര്. അദുക്കുള ഏസ്സ് അവാര് പട്ട്‌ക്ക് ബന്ത് നിന്റ്: <<നിമ്മ നിമ്മ്‌ദ്യായി ഇര്‌ന്>> എന്റ് സൊന്നാന്.

ഓഗന്നാന് 20:26

എ്ട്ട് നാള് കളിന്ത പ്‌റ സൊല്ലുപഡി നഡാക്ക്‌ന്റവാര് പിന്നേമ് ബീ്ഡ്‌കുളാക്ക് കൂഡിന്താര്. അദുക്കുള തോമാസ്‌മ് അവാരോഡൊപ്പ ഇന്തിന്താന്. ബാസ അഡേത്ത്‌റ്‌ക്കാട്ടി ഏസ്സ് ബന്ത് അവാര്‌ക്ക് നഡ്‌ക്കെ നിന്റ് കൊണ്ടു: <<നിമ്മ നിമ്മ്‌ദ്യായി ഇര്‌ന്>> എന്റ് സൊന്നാന്.

അപ്പോസുത്തലാര് 20:7

സനി ക്‌ളാമെ നാള് സന്ത്യോഡ എമ്മ അഡേന ആങ്കീങ്ക് പങ്കിപജ്‌ന്ത് തിന്ന്യ ബേ്ണ്ടി ഒന്റുക്കു എജേന്തേമ്. മറ്‌നാള് പോഡൊ എന്റ് ഇന്താദ്‌നാലെ നഡ്‌ജാമ മാട്ട്‌ക്ക് പവുലോസു ആള്‌ഗാള്‌ക്ക് നായ സൊന്നാന്.

2 കൊരിന്ത്യഗാറാര് 8:10

പോന ബര്‌സ്സ താനെ ദറ്‌മ്മ ഗേയ പ്‌ഡിത്ത കാര്യന ഇന്നാല് ഗേന്ത് മുഡിക്കുവാദ് നല്ലാദ് ആയിര്‌ക്ക്‌മ് എന്റ്‌ത്തെ നാന് സൊല്ലുവ നായ. എല്ലാ ഏസ്സ്‌ഗാറാര് കൂട്ടഗാള്‌ക്ക് മുദാല് ദറ്‌മ്മ ഗേയാമ് അത്തെ ഗേയ ആസെപട്ട് ബന്താദ്‌മ് നിമ്മാത്തെ.

ബെ്ളിപട്ട കാര്യ 1:10

ആണ്ടവാന്‌ന കുമ്മുഡുവ നാള് സാമിനിഗാല് നഡാത്തുവാദ്‌ക്ക് നാന് ഒന്റേപെ്ട്ട് കെ്ട്ട്‌പട്ട് ഇന്തേന്. അദുക്കുള എന്ന് പിന്ന് സാരി കൊമ്പൂദുവ ജദ്ദന പാസെ ദൊഡ്ഡൊന്റു ജദ്ദന നാന് കേ്ട്ടേന്.