1 കൊരിന്ത്യഗാറാര് 16:11 - സാമി സേദി

¹¹ അദ്‌നാലെ നിമ്മ ആര്‌മ് അയാള്‌ന ബെലെ ഇല്ലത്തവാനായി കണാക്കാക്കദേന്. അയാള് നിമ്മ്‌ദ്യായി എന്ന് പട്ട്‌ക്ക് ബന്ത് എജ്ജ്യ നിമ്മ അയാള്‌ന കയിതാങ്കുഡൊ. ബേ്റെ ഏസ്സ്‌ഗാറാരൊപ്പ അയാള് ബര്യ നാന് കാത്ത്‌കൊണ്ട് ഇര്‌ക്ക്‌ന്റെ.

1 കൊരിന്ത്യഗാറാര് 16:11 ပူးပေါင်းရင်းမြစ်များ

ലൂക്കോസു 10:16

എന്ന് സൊല്ലുപഡി നഡാക്ക്‌ന്റവാര് ആയിര്‌ക്കുവ നിമ്മ സൊല്ലുവ നായന കേ്ള്‌ക്ക്‌ന്റവാന് നാന് സൊല്ലുവ നായന കേ്ള്‌ക്ക്‌ന്റാന്. നിമാന ഗെരേഗത്തവാന് എനനാമ് ഗെരേവാദില്ലെ. എനാന ഗെരേഗത്തവാന് എനാന സൊല്ലി ബ്‌ട്ടവാന്‌നാമ് ഗെരേവാദില്ലെ.>>

അപ്പോസുത്തലാര് 15:3

പ്‌റ ഏസ്സ്‌ഗാറാര് കൂട്ട അവാര്‌ന എര്‌സലേമ് പട്ടണാക്ക് സൊല്ലി ബ്‌ട്ടാര്. അത്തെ അവാര് പൊയിനിക്ക്യ, സമര്യ ദേസമേലെ പോനാര്. അത്തെ പോഗാട്ടി അവാര് എഗുദാര് അല്ലാത്ത ജാദിഗാള് സാമിസാരി ബന്താദ്‌നെല്ല അയി ദേസാല ഏസ്സ്‌ഗാറാര്‌ക്ക് സൊന്നാര്. അയി സേദിന കേ്ട്ട് അവാര് ഒട്ടുക്കു എത്ത്‌റാഗോ പിര്യപട്ടാര്.

അപ്പോസുത്തലാര് 15:33

അവാര് റാഡാള് ഒന്റരെ ബാര അദ്‌ല് ഇന്താര്. അദ്‌ക്ക് പ്‌റ അന്തോക്ക്യാല ഏസ്സ്‌ഗാറാര് ജൂദാന്‌നാമ്, സീലാസ്‌നാമ് അവാര്‌ന അനിപ്പി ബ്‌ട്ടവാര് പട്ട്‌ക്ക് നിമ്മ്‌ദ്യോഡ സൊല്ലി ബ്‌ട്ടാര്.

1 കൊരിന്ത്യഗാറാര് 16:10

തിമിത്തോസു നിമ്മ് പട്ട്‌ക്ക് ബന്തദാന അയാള്‌ന മദ്‌സുവ ദിന്‌സ്‌ല് നിമ്മ അയാള് കാര്യഗാള്‌ന നോഡുഡൊ. എന്ത്‌ക്കെന്റ് സൊന്ന അയാള്‌മ് എനാന പാസെ ആണ്ടവാന് ഗിലാസ ഗേന്റവാന്‌ത്തെ.

1 കൊരിന്ത്യഗാറാര് 16:6

അദുക്കുള എനാക്ക് എഞ്ചോ നാള് നിമ്മ് പട്ട്‌ല് തങ്ക്യ മുഡിമെങ്കൊ. ഒന്റു സമ്യ സളിഗളിഗെ മുഡ്യാമാട്ട്‌ക്ക് അദ്‌ല് തങ്കുവേനെങ്കൊ. പ്‌റ നാന് അദ്‌ലിന്ത് പോഗാട്ടി എന്ന് ബട്ടെ സിലാവുക്കു ബേ്ഡ്‌മാനാദ് തന്ത് എനാന കയിതാങ്ക്യ നിമാക്ക് മുഡിമ്.

1 തെസെലോനിക്ക്യഗാറാര് 4:8

അദ്‌നാലെ ആരാറ്റ ഈ പഡുസുവ കാര്യഗാള്‌ന ബെലേക്കെ്ഡ്‌ക്കാദെ ഇന്തദാന അയാള് മന്‌സാന്‌ന അല്ല തന്ന് നിഗാല്‌ന നിമാക്ക് തരുവ സാമിനത്തെ ബെലേക്കെ്ഡ്‌ക്കാദെ ഇര്‌ക്കുവാദ്.

1 തിമിത്തോസു 4:12

നീ ബീ്ണാനായി ഇര്‌ക്കുവാദ്‌നാലെ നീ പഡുസുവ കാര്യഗാള്‌ന നെനേത്ത് ആര്‌മ് നിനാന മദ്‌സാദിര്‌ക്ക്യ പാങ്കില്ലെ. എത്തെ നായ നൊഡിഡൊ, എത്തെ ആള്‌ഗാളോഡ നഡാന്ത്‌പ്‌ഡിത്ത് ഗേഡൊ, എത്തെ സീവാന്‌ബെത്ത് നഡാക്കുഡൊ, എത്തെ ക്‌റ്‌സ്‌ത്ത്‌ന നമ്പുഡൊ, എത്തെ പാവ ഗേഗാദെ പെ്ളേക്കുഡൊ എന്റെല്ല നീ താനെ ഏസ്സ്‌ഗാറാര്‌ക്ക് കാട്ടി കൊഡുക്കുഡൊ.

തീത്തോസു 2:15

ഈ കാര്യഗാള്‌ന നീ പഡിസി കൊഡുക്കുഡൊ. എല്ലാ അദിഗരത്തോഡ അവാര്‌ന ദയിരപഡുസുഡൊ, എല്ലാ അദിഗരത്തോഡ അവാര്‌ന നൊഡിഡൊ. നിനാന ബെലെ ഇല്ലത്തവാനായി കാണ്യ ആര്‌നാമ് ബ്‌ഡാദെ.

3 ഓഗന്നാന് 1:6

അവാര് ഈങ്ക് ബന്ത് ഇദ്‌ല ഏസ്സ്‌ഗാറാര് കൂട്ടാത്ത്‌ല് ബെത്ത് നീ സീവാന്‌ബെത്ത് ഗേന്ത് കൊഡുത്ത കാര്യഗാള്‌ന പറ്റി സൊന്നാര്. ഇന്നിമ് അവാര് നിമ്മ് പട്ട്‌ക്ക് ബന്ത് പോഗാട്ടി സാമി മനേസ്സ്‌ക്ക് പ്‌ഡിക്കുവ പാസെ അവാര്‌ക്ക് നല്ല നല്ല കാര്യഗാള് ഗേന്ത് കൊഡുത്തു കയിതാങ്കി ബ്‌ഡ്‌ഡൊ എന്റ് നാന് നിനാക്ക് സൊല്ലുന്റെ.