1 കൊരിന്ത്യഗാറാര് 15:9 - സാമി സേദി

⁹ എല്ലാ അപ്പോസുത്തലാര്‌ന ബ്‌ഡ നാന് സ്‌ന്നവാന്‌ത്തെ, സാമിക്ക് പട്ട ഏസ്സ്‌ഗാറാര് കൂട്ടന കൊഡിമെപഡ്‌സ്‌നാദ്‌നാലെ അപ്പോസുത്തലാന് എന്റ് പേരെ്ഡ്‌ക്ക്യ എനാക്ക് തഗ്‌ദിമില്ലെ.

1 കൊരിന്ത്യഗാറാര് 15:9 ပူးပေါင်းရင်းမြစ်များ

അപ്പോസുത്തലാര് 8:3

ആന സവുലു ബീ്ഡ് ബീ്ഡ പോയി ഏസ്സ്‌ഗാറാര് കൂട്ടാത്ത്‌ല പെ്ണ്ണ്‌മക്കാള്‌നാമ്, ഗണ്ടാള്‌നാമ് ഇ്ള്‌ത്ത്‌ബലിത്ത് എ്ഡ്‌ത്ത് പോയി ജെയില്‌ക്ക് അഡേത്താന്. അയാള് അത്തെ ഗേന്ത് ഏസ്സ്‌ഗാറാര് കൂട്ടന കെ്ഡിസ്യ ഓരാഡ്‌നാന്.

1 കൊരിന്ത്യഗാറാര് 10:32

എഗുദാര്‌ക്കൊ എവനഗാറാര്‌ക്കൊ സാമിഗാറാര് കൂട്ടാക്കൊ തൊന്തറെ ബര്‌സ്സാത്ത ദിന്‌സ്‌ല് നിമ്മ പെ്ളേക്ക്‌ന്റവാര് ആയിര്‌ന്.

2 കൊരിന്ത്യഗാറാര് 11:5

<<ദൊഡ്ഡുദൊഡ്ഡ അപ്പോസുത്തലാര്>> എന്റ് സൊല്ലുവ ഈ കൂട്ടാര്‌ന ബെത്ത് നോഡുന നാന് സ്‌ന്നവാനല്ല എന്റ്‌ത്തെ നാന് നെനേക്ക്‌ന്റെ.

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.

ഗലാത്ത്യഗാറാര് 1:13

എഗുദാര് സട്ട്‌മെ്ട്ട്‌പഡി നാന് സാമിന കുമ്മുഡിന്ത ഗളിഗേല് നാന് എത്തെ പെ്ളേത്തിന്തേനെന്റ് നിമ്മ കേ്ട്ട്‌റ്‌ക്ക്‌ന്റ്‌റല്ല. അയി ഗളിഗേല് നാന് ഏസ്സ്‌ഗാറാര് കൂട്ടഗാള്‌ന മ്‌ഗ്‌ന്ത കൊഡിമേമ് പഡ്‌സ്‌നെ, അവാര്‌ന അളിക്ക്യാമ് ഓരാഡ്‌നെ.

ഗലാത്ത്യഗാറാര് 1:23

<<മുദാല് നമാന കൊഡിമെപഡിസി ഏസ്സോഡ ബെത്ത്‌റ്‌ക്കുവ നമ്പിക്കേന ഇല്ലാദെ മാഡ്യ അയാള് ഓരാഡിന്താന്. ആന അയാള് ഇന്നാല് ഏസ്സ്‌ന നമ്പ്യ ആള്‌ഗാള്‌ക്ക് സൊല്ലുന്റാന്>> എന്റ് ബേ്റാള് സൊല്ലുവാദ്‌നത്തെ അവാര് കേ്ട്ടിന്താദ്.

പിലിപ്പ്യഗാറാര് 3:6

അദ്‌താനേമല്ല എഗുദ മദാത്ത്‌ല സട്ടപഡി നഡാന്ത് സാമിന ഉജാത്തുഡൊ എന്റ് നാന് ആസെപട്ടിന്തെ. അത്തെ നാന് ആസെപട്ടിന്താദ്‌നാലെ ഏസ്സ്‌ഗാറാര് കൂട്ടന ദൊഡ്ഡ കൊഡിമെപഡ്‌സ്‌നെ. ആര്‌ക്ക്‌മ് എനാന പറ്റി കുറ്റ സൊല്ല്യ മുഡ്യാത്ത ദിന്‌സ്‌ല് മോസെ ബെത്ത എല്ലാ സാമി സട്ടപഡിമ് നാന് നഡാന്തെ.