1 കൊരിന്ത്യഗാറാര് 15:52 - സാമി സേദി

⁵² കഡേസില ആലാപ്പ് ജദ്ദ കേ്ള്‌ക്ക്‌ഗാട്ടി ഇന്തമായാത്ത്‌ല് താനെ അദ് നഡാക്ക്‌മ്. സത്തവാര് അളിവില്ലാത്തവാരായി ഉജുര്‌ളാഗുവാര്, നമ്മ ഉരുവാമ് മാറ്‌ല.

1 കൊരിന്ത്യഗാറാര് 15:52 ပူးပေါင်းရင်းမြစ်များ

മത്തായി 24:31

മന്‌സാനായി പ്‌റാന്തവാന് തന്ന് ദൂദാര്‌ഗാള്‌ന ദൊഡ്ഡ ആലാപ്പോഡ ഊദുവ കൊമ്പൂദത്തോഡ സൊല്ലി ബ്‌ഡുവാന്. അവാര് സാമി തെരിന്തെ്ഡ്‌ത്തവാര്‌ന ബൂമിക്ക് നാക്ക് സാരിന്ത്‌മ് എല്ലാ എ്ഡെഗാള്‌ലിന്ത്‌മ് കൂട്ടി ഒന്റുക്കു സേത്തുവാര്.>>

ഓഗന്നാന് 5:25

നാന് സത്ത്യമായിമ് നിമാക്ക് സൊന്റെ, സത്തവാര് സാമിമഗാന് നായ ജദ്ദന കേ്ള്‌ക്കുവാര്. കേ്ള്‌ക്ക്‌ന്റവാര് പെ്ളേക്കുവ ഗളിഗെ ബന്റ്. ഇന്നാല് ബന്ത്‌മിര്‌ന്റ്.

ഓഗന്നാന് 5:28

അദ്‌നാലെ നിമ്മ അദിസ്യപഡാദേന്. എന്ത്‌ക്കെന്റ് സൊന്ന സുഡാലേല് ഇര്‌ന്റവാരൊട്ടുക്കു അയാള് നായ ജദ്ദന കേ്ട്ട്, തമ്മ് സുഡലെഗാള്‌ലിന്ത് ബെ്ളിഗെ ബരുവ ഗളിഗെ ബന്റ്. നല്ലാദ് ഗേന്തവാര് ഉജുര്‌ളാഗി എന്നാല്‌ക്ക്‌മ് പെ്ളേക്കുവാര്. കെ്ട്ടാദ് ഗേന്തവാര് ഉജുര്‌ളാഗി ദെ്ണ്ടണേക്ക് സിക്കുവാര്.>>

1 കൊരിന്ത്യഗാറാര് 15:23

ആന എല്ലാര്‌മ് ഒന്റേ ബെപ്പ്‌ല് അല്ല ഉജുര്‌ളാഗുവാദ്. ആദ്യ ക്‌റ്‌സ്‌ത്ത്‌ത്തെന്റ, പിന്നെ അയാള് ബര്‌ഗാട്ടി അയാള്‌ക്കുള്ളവാര് ഉജുര്‌ളാഗുവാര്,

1 കൊരിന്ത്യഗാറാര് 15:42

അദ്‌നാലെ സത്തവാര് ഉജുര്‌ളാഗുവാദ്‌മ് ഇദേപാസെത്തെ ആയിര്‌ക്ക്‌മ്. അളിവ സരിഗലന മണ്ണ്‌ക്ക് പാത്ത്‌ന്റാമ്, അദ് അളിവില്ലാത്ത സരിഗലായി ഉജുര്‌ളാഗ്‌ന്റ്.

1 കൊരിന്ത്യഗാറാര് 15:50

ഏസ്സ്‌ഗാറാരെ, കറിസദേല്‌മ് സോരേല്‌മ് ഉണ്ടാക്കിര്‌ക്കുവ സരിഗലാക്ക് സാമി ആള്യ പോവ നാഡ്‌ല് പങ്ക് കെ്ഡേക്കമാട്ട. അളിവില്ലാത്ത പെ്ളേപ്പ്‌ന സൊന്ത മാഡ്യ ഈ അളിന്ത് പോവ സരിഗലാക്ക് മുഡ്യാമ്‌മാട്ട എന്റ് നാന് നിമാക്ക് സൊന്റെ.

1 തെസെലോനിക്ക്യഗാറാര് 4:15

ഏസ്സ്‌ന നമ്പി സത്തവാര്‌ത്തെ ആണ്ടവാന് ബരുവ നാള്‌ല് ഉജുരോഡ ഇര്‌ക്കുവ നമാക്ക് മുദാല് അയാള് പട്ട്‌ക്ക് പോവാദ് എന്റ് ആണ്ടവാന് സൊന്ന നായന എമ്മ നിമാക്ക് ഇന്നാല് സൊന്റേമ്.

2 പത്ത്‌റോസു 3:10

ആണ്ടവാന് തിരിഗി ബരുവ നാള് ഒന്റു ത്‌റ്‌ട്ടാന് ബരുവ നാള് പാസെ ബര്‌മ്. അയി നാള്‌ക്ക് ബാന് ദൊഡ്ഡ ജദ്ദോഡ കാണദ്യായി തള്ള്‌മ്. ബാന്‌ലിര്‌ക്കുവ ജാദിഗാള് ഒട്ടുക്കു തീ ബെന്ത് ഉരുഗി പോമു. അദേപാസെ ബൂമിമ് അദ്‌ലിര്‌ക്കുവാദ് ഒട്ടുക്കുമു ബെന്ത് അളിന്ത് തള്ള്‌മ്.

ബെ്ളിപട്ട കാര്യ 8:13

പ്‌റ നാന് നോഡുഗാട്ടി എത്ത്‌റാഗോ ഉജരാത്ത്‌ല് ബാന്‌ല് പറാക്കുവ ഒന്റു പാറ്‌ന കണ്ടെ. <<ഇന്ന്യുള്ള മൂറു ദൂദനാമ് ഊദ്യ പോവ കൊമ്പൂദുവ ജദ്ദാത്ത്‌ല് ബൂമില് ഇര്‌ക്ക്‌ന്റവാര്‌ക്ക് കജട്ട, കജട്ട, കജട്ട>> എന്റ് അയി പാറ് ദൊഡ്ഡാക്ക് ആലാക്കുവാദ്‌ന നാന് കേ്ട്ടെ.

ബെ്ളിപട്ട കാര്യ 8:2

അദുക്കുള സാമി മുന്നുക്കു ഏ്ള് ദൂദാന്‌മ് നിന്റ്‌റ്‌ക്കുവാദ്‌നാമ് അവാര്‌ക്ക് കൊമ്പൂദുവ ഏ്ള് ജാദിഗാള് കെ്ഡേത്ത്‌റ്‌ക്കുവാദ്‌നാമ് നാന് കണ്ടെ.