1 കൊരിന്ത്യഗാറാര് 15:51 - സാമി സേദി

⁵¹ നാന് നിമാക്ക് മറേന്ത്‌റ്‌ക്കുവ ഒന്റു സത്ത്യന സൊന്റെ, നമ്മ എല്ലാവാര്‌മ് സാഗമാട്ടാമ്. ആന നമ്മ ദ്‌ഡീരന ഉരുവ മാറ്‌ല.

1 കൊരിന്ത്യഗാറാര് 15:51 ပူးပေါင်းရင်းမြစ်များ

പിലിപ്പ്യഗാറാര് 3:21

ക്‌റ്‌സ്‌ത്ത് ബര്‌ഗാട്ടി അളിന്ത് പോവ നമ്മ് സരിഗലന അളിവില്ലാത്ത അദിസ്യപഡുവ തന്ന് സരിഗലന പാസെ മാഡുവാന്. എന്ത്‌ക്കെന്റ് സൊന്ന എല്ലാദ്‌നാമ് തന്ന് കാല്‌കഡി മാഡുവാദ്‌ക്കുള്ള അദിഗരാമ് ബിലാമ് ക്‌റ്‌സ്‌ത്ത്‌ക്ക് ഇര്‌ക്ക്‌ന്റ്.

1 കൊരിന്ത്യഗാറാര് 15:20

ആന സത്തവാര് ഉജുര്‌ളാഗുവാര് എന്നുവാദ്‌ക്ക് ഒറേപ്പ് കൊഡുത്തു കൊണ്ടു ക്‌റ്‌സ്‌ത്ത് സത്തവാര് പട്ട്‌ലിന്ത് മുമ്പാനായി ഉജുര്‌ളാഗ്‌നാന്.

എപസോസുഗാറാര് 1:9

ഈ ബുദ്ദിന സാമി ഇന്നമാട്ട്‌ക്ക് മറേസി ബെത്തിന്താന്. ഏസ്സ് ക്‌റ്‌സ്‌ത്ത്‌നാലെ നമ്മെല്ല ഇദ്‌ന തെരിഡൊ എന്റ് സാമിക്ക് പിര്യ ഇന്ത്‌ദ്.

1 കൊരിന്ത്യഗാറാര് 4:1

എമ്മ ക്‌റ്‌സ്‌ത്ത്‌ക്ക് പണ്ണ്യഗിലാസ ഗേന്റവാര് എന്റ്‌മ് സാമി മറേസി ബെത്ത്‌റ്‌ക്കുവ സത്ത്യഗാള്‌ന സൊല്ലി കൊഡുക്ക്യ എ്ഡ്‌ത്ത് ബെത്ത്‌റ്‌ക്കുവ ആള്‌ഗാള് എന്റ്‌മ് നിമ്മ എമാന നെനേക്കുഡൊ.

1 കൊരിന്ത്യഗാറാര് 15:6

പ്‌റ അയാള് തനാന നമ്പി നഡാന്തിന്ത അയിനൂറ്‌ക്ക്‌മ് അദിഗ ആള്‌ഗാള് ഒന്റായി കൂഡിര്‌ക്കാട്ടി അവാര് കണ്ണ്‌ക്ക് ഒന്റേ ബെപ്പ്‌ല് കാട്ട്‌നാന്. അവാര്‌ല് എഞ്ചോ ആള്‌ഗാള് ഇന്നാല്‌മ് ഉജുരോഡ ഇര്‌ക്ക്‌ന്റാര്, ലേസ ആള്‌ഗാള് സത്താര്.

1 കൊരിന്ത്യഗാറാര് 2:7

ആന ഉലഗാന ദ്‌ട്ട്‌സാത്ത മുദാല് നമ്മ് മദ്‌പ്പ്‌ക്ക് ബേ്ണ്ടി സാമി ബെത്തിന്ത അറുവുമു ബുദ്ദിമ് ഉള്ള നായനത്തെ എമ്മ നിമാക്ക് സൊല്ലുവാദ്. അദ്‌ന സാമി മുന്നുക്കുല കാലാത്ത്‌ല് ആള്‌ഗാള്‌ക്ക് കാട്ടി കൊഡുക്കാദെ മറേസി ബെത്തിന്താന്.

എപസോസുഗാറാര് 5:32

നാന് സൊല്ലി ബരുവാദ് ക്‌റ്‌സ്‌ത്ത്‌ന പറ്റിമ് ഏസ്സ്‌ഗാറാര് കൂട്ടന പറ്റിമ്‌ത്തെ. അദ്‌നാലെ ഈ സൊല്ലുസുലാക്കാത്ത്‌ല് സൊല്ലിര്‌ക്കുവ ഉറാവുന പറ്റി ഇന്നമാട്ട്‌ക്ക് ആര്‌ക്ക്‌മ് സൊക്കാന തെര്യാലെ.

എപസോസുഗാറാര് 3:3

സാമി ഇന്നമാട്ട്‌ക്ക് ബെ്ളിഗെ സൊല്ലാദെ ബെത്തിന്ത കാര്യഗാള്‌ന എനാക്ക് സൊല്ലി തന്താന്. അയി കാര്യഗാള്‌ന പറ്റി നാന് മുദാല് നിമാക്ക് സുരുക്കാത്ത്‌ല് എ്ള്‌ദിര്‌ന്റെ.

1 കൊരിന്ത്യഗാറാര് 15:18

അത്ത്യായിന്തദാന ക്‌റ്‌സ്‌ത്ത്‌ന നമ്പി പെ്ളേത്ത് സത്തവാര്‌മ് ഇല്ലാദ്യായി തള്ള്‌നാര്.

1 കൊരിന്ത്യഗാറാര് 13:2

സാമി നായന നേരെ കേ്ട്ട് സൊല്ലുവ ബര ഒന്റു സമ്യ എനാക്ക് ഇന്ത് നാന് മറേന്ത്‌റ്‌ക്കുവ എല്ലാ പൊറുളുഗാള്‌ഗാള്‌ന നെപ്പ് കെ്ഡേസ്‌ന്റവാന്‌മ് എല്ലാ ദിന്‌സ്‌ല അറുവുമു ഇര്‌ക്ക്‌ന്റവാന്‌മ് ആല. മലെഗാള്‌ന മറ്‌ക്കുവ ദിന്‌സ്‌ല നമ്പിക്കേമ് എനാക്ക് ഒന്റു സമ്യ ഇര്‌ക്ക്‌ല. എന്റാല്‌മ് എനാക്ക് സീവാന് ഇല്ലാദെ പോന നാന് ആര്‌മല്ല.

2 കൊരിന്ത്യഗാറാര് 5:2

ഇന്നാല് ഇര്‌ക്കുവ ഈ സരിഗലാത്ത്‌ല് എമ്മ മുക്കിമൊരേന്ത് കൊണ്ടുത്തെ ഇര്‌ക്കുവദാനാല്‌മ് മേലോഗാത്ത്‌ല സരിഗല കെ്ഡേസ്യ ബേ്ണ്ടി എമ്മ മ്‌ഗ്‌ന്ത ആസെപഡ്‌ന്റേമ്.

2 കൊരിന്ത്യഗാറാര് 5:4

ഈ ഉലഗാത്ത്‌ല് ഇര്‌ക്കാട്ടി എമ്മ അര്‌ക്കപട്ട് മുക്കിമൊരേന്ത് കൊണ്ടു ഇര്‌ക്ക്‌ന്റേമ്. ആന ഇന്നാല് എമ്മ ഇര്‌ക്കുവ ഈ സരിഗലന ഇല്ലാദെ മാഡ്യല്ല, അദ്‌ക്ക് ബദ്‌ല സാമി തരുവ സരിഗലന ഒന്റു ഉഡുപ്പു ഇക്കുവ പാസെ ഇക്ക്യാത്തെ എമ്മ ആസെപഡുവാദ്. അത്തെ അളിന്ത് പോഗാത്ത ഉജുരുന ഉദ്ദാക്ക് ഇക്ക്യാത്തെ എമ്മ ആസെപഡുവാദ്.