1 കൊരിന്ത്യഗാറാര് 14:4 - സാമി സേദി4 നെപ്പ് കെ്ഡേക്കാത്ത നായാത്ത്‌ല് നായ നൊഡിന്റവാന് തനാക്ക് സാമ്യോഡ ഇര്‌ക്കുവ ബക്‌തിന സേത്തി സേത്തി മാഡ്‌ന്റാന്. ആന സാമി നായന നേരെ കേ്ട്ട് സൊന്റവാന് ഏസ്സ്‌ഗാറാര് കൂട്ടാക്ക് ഒട്ടുക്കുമു സാമ്യോഡ ഇര്‌ക്കുവ ഉറാവുന സേത്തി മാഡ്‌ന്റാന്. အခန်းကိုကြည့်ပါ။ |
1 കൊരിന്ത്യഗാറാര് 14:4
12 ပူးပေါင်းရင်းမြစ်များ
ഒന്റൊരുത്താന്‌ക്ക് അദിസ്യുള്ള കാര്യഗാള് ഗേയ ബര കൊഡുക്കുന്റാന്. ഇന്ന്യൊന്റു ഒരുത്താന്‌ക്ക് സാമി നായന നേരെ കേ്ട്ട് സൊല്ലുവ ബര കൊഡുക്കുന്റാന്. ബേ്റെ ഒന്റൊരുത്താന്‌ക്ക് സാമിനിഗാല് സൊന്നാദൊ അല്ലാത്ത നിഗാല് സൊന്നാദൊ എന്റ് നെപ്പ് കെ്ഡേസുവാദ്‌ക്കുള്ള ബര കൊഡുക്കുന്റാന്. ഇന്ന്യൊന്റൊരുത്താന്‌ക്ക് പല ദിന്‌സ് നായഗാള്‌ല് നായ നൊഡിവാദ്‌ക്കുള്ള ബര കൊഡുക്കുന്റാന്. ബേ്റെ ഒന്റൊരുത്താന്‌ക്ക് അയി നായാത്ത്‌ല് സൊല്ലുവ കാര്യഗാള്‌ക്ക് ഇര്‌ക്കുവ അര്‌ത്ത എന്തെന്റ് സൊല്ലി കൊഡുക്കുവാദ്‌ക്കുള്ള ബര കൊഡുക്കുന്റാന്.
ക്‌റ്‌സ്‌ത്ത് സരിഗല ആയിര്‌ക്കുവ ഏസ്സ്‌ഗാറാര് കൂട്ടാത്ത്‌ല മൂട്ടുമുറിഗാളായി സാമി മുദാല് അപ്പോസുത്തലാര്‌നാമ്, റണ്ടാവാദ് സാമി സാമിദാസ്‌ഗാള്‌നാമ്, മൂണാവാദ് ബേദബാത്ത്യനാമ്‌ഗാള്‌നാമ് എ്ഡ്‌ത്ത് ബെത്തറ്‌ന്റാന്. പിന്നെ അദിസ്യുള്ള കാര്യഗാള് ഗേന്റവാര്‌നാമ്, നോയി തെ്ള്‌സുവ ബര ഇര്‌ക്ക്‌ന്റവാര്‌നാമ്, ഉദാവി ഗേവ ബര ഇര്‌ക്ക്‌ന്റവാര്‌നാമ്, ഏസ്സ്‌ഗാറാര് കൂട്ടന നഡാത്തുവ ബര ഇര്‌ക്ക്‌ന്റവാര്‌നാമ്, പല ദിന്‌സ് നായഗാള്‌ല് നായനൊഡിവ ബര ഇര്‌ക്ക്‌ന്റവാര്‌നാമ് എ്ഡ്‌ത്ത് ബെത്ത്‌റ്‌ന്റാന്.
സാമി നായന നേരെ കേ്ട്ട് സൊല്ലുവ ബര ഒന്റു സമ്യ എനാക്ക് ഇന്ത് നാന് മറേന്ത്‌റ്‌ക്കുവ എല്ലാ പൊറുളുഗാള്‌ഗാള്‌ന നെപ്പ് കെ്ഡേസ്‌ന്റവാന്‌മ് എല്ലാ ദിന്‌സ്‌ല അറുവുമു ഇര്‌ക്ക്‌ന്റവാന്‌മ് ആല. മലെഗാള്‌ന മറ്‌ക്കുവ ദിന്‌സ്‌ല നമ്പിക്കേമ് എനാക്ക് ഒന്റു സമ്യ ഇര്‌ക്ക്‌ല. എന്റാല്‌മ് എനാക്ക് സീവാന് ഇല്ലാദെ പോന നാന് ആര്‌മല്ല.
അദ്‌നാലെ ഏസ്സ്‌ഗാറാരെ, നാന് നിമാക്ക് സൊന്ന കാര്യാക്ക് ഇര്‌ക്കുവ അര്‌ത്ത ഇദ്‌ത്തെ. നിമ്മ ഒന്റായി കൂഡി സാമിന കുമ്മുഡുഗാട്ടി നിമ്മ് പട്ട്‌ല് പാഡ്‌ന്റവാര് ഇര്‌ക്കുവാര്, പഡ്‌സ്‌ന്റവാര് ഇര്‌ക്കുവാര്, സാമി കാട്ടി കൊഡുക്കുവ കാര്യഗാള്‌ന സൊല്ലുന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള് സൊന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള്‌ക്ക് അര്‌ത്ത സൊല്ലുന്റവാര് ഇര്‌ക്കുവാര്. ഇദെല്ല ഏസ്സ്‌ഗാറാര് കൂട്ടാക്ക് സാമ്യോഡ ഇര്‌ക്കുവ ബക്‌തിന സേത്തി സേത്തി മാഡ്യ ഉവഗരപഡുസുഡൊ.
നിമ്മ എല്ലാവാര്‌മ് നെപ്പ്കെ്ഡേക്കാത്ത നായഗാള്‌ല് നായ നൊഡിഡൊ എന്റ്‌മ് മുക്ക്യമായിമ് സാമി നായന നേരെ കേ്ട്ട് സൊല്ലുഡൊ എന്റ്‌മ് നാന് ആസെപഡ്‌ന്റെ. നെപ്പ് കെ്ഡേക്കാത്ത നായഗാള്‌ല് നായ നൊഡിന്റവാന് ഏ്സ്സ്‌ഗാറാര് കൂട്ടാക്ക് സാമ്യോഡ ഇര്‌ക്കുവ ബക്‌തിന സേത്തി മാഡ്യ താന് സൊല്ലുവ നായാക്ക് അര്‌ത്ത സൊല്ലുഡൊ. സൊല്ലാദെ പോന സാമി നായന നേരെ കേ്ട്ട് സൊല്ലുവാദ്‌ത്തെ ഏസ്സ്‌ഗാറാര് കൂട്ടന ബിലപഡിസ്യ ഉവഗരാമ്.
ကြော်ငြာတွေ