1 കൊരിന്ത്യഗാറാര് 14:3 - സാമി സേദി3 സാമി നായന നേരെ കേ്ട്ട് സൊന്റവാന് മന്‌സാനോഡത്തെ നായനൊഡിന്റാന്. ഏസ്സ്‌ഗാറാര്‌ക്ക് സാമ്യോഡ ഇര്‌ക്കുവ ഉറാവുന ഒറേപ്പ് മാഡ്യ ബേ്ണ്ടിമ് ദയിരപഡിസ്യ ബേ്ണ്ടിമ് പിരാക്ക്യ ബേ്ണ്ടിമ് അവാര് നായനൊഡിന്റാര്. အခန်းကိုကြည့်ပါ။ |
1 കൊരിന്ത്യഗാറാര് 14:3
42 ပူးပေါင်းရင်းမြစ်များ
അദുക്കുള മോസെ സട്ടഗാള്‌നാമ്, സാമിദാസ്‌ഗാള് സൊല്ലു സുലാക്കഗാള്‌നാമ് അവാര് പഡിത്ത് കാട്ട്‌നാര്. അദ്‌ക്ക് പ്‌റ സാമിബീ്ഡ്‌ല അദിഗാരിഗാള് പവുലോസാമ്‌ക്ക് ഇത്തെ സേദി സൊല്ലി ബ്‌ട്ടാര്: <<അണ്ണനാമെ തമ്പ്യാമെ, ഇദ്‌ലവാര്‌ക്ക് ദയിര കെ്ഡേക്കുവാദുക്കുള്ള എന്താറ്റ സേദി സൊല്ല്യ നിമാക്ക് ഇര്‌ക്കുവദാന സൊല്ലുനു>> എന്റ് സൊന്നാര്.
അദ്‌നാലെ ഏസ്സ്‌ഗാറാരെ, നാന് നിമാക്ക് സൊന്ന കാര്യാക്ക് ഇര്‌ക്കുവ അര്‌ത്ത ഇദ്‌ത്തെ. നിമ്മ ഒന്റായി കൂഡി സാമിന കുമ്മുഡുഗാട്ടി നിമ്മ് പട്ട്‌ല് പാഡ്‌ന്റവാര് ഇര്‌ക്കുവാര്, പഡ്‌സ്‌ന്റവാര് ഇര്‌ക്കുവാര്, സാമി കാട്ടി കൊഡുക്കുവ കാര്യഗാള്‌ന സൊല്ലുന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള് സൊന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള്‌ക്ക് അര്‌ത്ത സൊല്ലുന്റവാര് ഇര്‌ക്കുവാര്. ഇദെല്ല ഏസ്സ്‌ഗാറാര് കൂട്ടാക്ക് സാമ്യോഡ ഇര്‌ക്കുവ ബക്‌തിന സേത്തി സേത്തി മാഡ്യ ഉവഗരപഡുസുഡൊ.
സാമി തന്ന് നാഡ്‌ക്ക്‌മ് തന്ന് മദ്‌പ്പ്‌ക്ക്‌മ് പങ്ക്‌ഗാറാര് ആയ ബേ്ണ്ടി നിമാന ബ്‌ളിത്ത്‌റ്‌ന്റാന്. അയി സാമിക്ക് തഗ്‌ന്ത പഡി നിമ്മ പെ്ളേക്ക്യ ബേ്ണ്ടി ഒന്റപ്പാന്‌ഗാറാന് തന്ന് മക്കാള്‌ഗാള്‌ന നോഡുവ പാസെ എമ്മ നിമാക്ക് ബുദ്ദിനായ സൊന്നേമ്, എമ്മ നിമാന ദയിരപഡ്‌സ്‌നേമ്, എമ്മ നിമാന രുജ കൂട്ടുനേമ് എന്റ് നിമാക്ക് തെരിമല്ല.
ഏസ്സ്‌ഗാറാരെ, കഡേഗല നാന് ഒന്റുഗുഡി സൊല്ലുവാദ് എന്തെന്റ് സൊന്ന: സാമി മെച്ചുവാദ്‌ക്ക് തഗ്‌ന്ത ദിന്‌സ്‌ല് എത്തെ പെ്ളേക്കുഡൊ എന്നുവാദ്‌ന നിമ്മ എമ്മോഡിന്ത് പഡിത്ത്‌റ്‌ന്റ്‌റ്. അദേപാസെത്തെ നിമ്മ ഇന്നാല് പെ്ളേക്ക്‌ന്റ്‌റ്. ആന ഇന്നിമ് സേത്തി സേത്തി സാമിക്ക് മെച്ച്‌പ്‌ഡിക്കുവാദ്‌ക്ക് തഗ്‌ന്ത ദിന്‌സ്‌ല് നിമ്മ പെ്ളേക്കുഡൊ എന്റ് ആണ്ടവാന് ഏസ്സ് അദിഗരാത്ത്‌ല് എമ്മ നിമാക്ക് ബുദ്ദി സൊല്ലി ബേ്ണ്ടി കൊള്ളുന്റേമ്.
നേരല്ലാത്ത കദെഗാള്‌നാമ് മൂട്ടുമുറില്ലാത്ത കാല്‌കെ്ളെഗാള്‌നാമ് പറ്റി സൊല്ലുവാദ്‌ത്തെ അവാര്‌ക്ക് കാര്യ. ഇദെല്ല ആള്‌ക്കാള്‌ക്ക് തറ്‌ക്ക ബര്യാത്തെ എ്ഡെ ആമ്. അല്ലാദെ ഏസ്സ് ക്‌റ്‌സ്‌ത്തോഡെ ബെത്ത്‌റ്‌ക്കുവ നമ്പിക്കേല് ഗേവ സാമി ഗിലാസഗാളൊന്റുമല്ല. അദ്‌നാലെ അത്തവ കാര്യഗാള്‌ന സൊല്ലുവ നായഗാള്‌ന നീ പഡിസ്യാഗേ ബ്‌ഡാദെ.
ഏദാറ്റ പണ്ണ്യഗിലാസ ഗേവ ഏസ്സ്‌ഗാറാന്‌ക്ക് ഏസ്സ്‌ഗാറാനായിര്‌ക്കുവ പണ്ണാഡി ഇന്തദാന നമ്മെല്ല ഏസ്സ്‌ഗാറാര്‌ത്തെന്റ് സൊല്ലി പണ്ണാഡി സൊല്ലുപഡിക്ക് നഡാക്കാദിര്‌ക്കാദേന്. അദ്‌ക്ക് ബദ്‌ല താന് ഗിലാസ ഗേവാദ്‌ക്കുള്ള ഉവഗര ഏസ്സ്‌ഗാറാനായിര്‌ക്കുവ തന്ന് പണ്ണാഡിക്ക് കെ്ഡേക്കുവാദ്‌നാലേമ് അയി പണ്ണാഡി തനാക്ക് മെച്ച്‌പ്‌ഡിത്തവാന് ആയിര്‌ക്കുവാദ്‌നാലേമ് അയാള്‌ക്ക് ബേ്ണ്ടി നലമായി ഗിലാസ ഗേഡൊ. ഈ കാര്യഗാള്‌ന നീ അവാര്‌ക്ക് കണ്ടിപ്പായി പഡിസിമ് കൊഡുക്കുഡൊ, സൊല്ലിമ് കൊഡുക്കുഡൊ.
അയാള് ഏസ്സ്‌ന പറ്റി പഡിത്ത്‌റ്‌ക്കുവ ബുദ്ദിനായന താന് പഡിത്ത്‌റ്‌ക്കുവ പാസെ താനെ ഒറേപ്പായി നമ്പി നഡാക്കുഡൊ. അയി ബുദ്ദിനായഗാള് നമ്പ്യ മുഡിവ ബുദ്ദിനായത്തെ. അത്തെ ആള്‌ഗാള്‌ക്ക് നേര് എന്തെന്റ് പഡിസി കൊഡുക്ക്യാമ് അവാര്‌ന ദയിരപഡിസ്യാമ് അയാള്‌ക്ക് മുഡിമ്. അദോഡൊപ്പ ഈ നായാക്ക് മുട്ടി നോഡ്യ ബന്റവാര്‌ക്ക് ബന്ത്‌റ്‌ക്കുവ തപ്പ് എന്തെന്റ് സൊല്ലി കൊഡുക്ക്യാമ് മുഡിമ്.
ഏസ്സ്‌ഗാറാന്‌മ് എനാക്ക് നമ്പ്യ മുഡിന്റവാന്‌മ് ആന സീലാസ്‌ന ബെത്ത് ഈ എ്ള്‌ത്ത് നാന് സുരുക്കാത്ത്‌ല് എ്ള്‌ദിര്‌ക്ക്‌ന്റെ. നിമാന ദയിരപഡിസ്യാമ് ഇന്നാല് നിമ്മ പെ്ളേക്കുവാദ് സാമി നിമ്മോഡ ബെത്ത്‌റ്‌ക്കുവ നേര്‌മാന ഗവനാലെത്തെന്റ് നിമാക്ക് നാന് സൊല്ല്യാമ്‌ത്തെ ഈ എ്ള്‌ത്ത് എ്ള്‌ദുവാദ്. അദ്‌ല് നിമ്മ ഒറേപ്പുള്ളവാരായിര്‌ക്കുഡൊ.
ကြော်ငြာတွေ