1 കൊരിന്ത്യഗാറാര് 14:11 - സാമി സേദി

¹¹ എനാക്ക് തെര്യാത്ത നായാത്ത്‌ല് ഒരുത്താന് നായനൊഡിവാദ് എനാക്ക് നെപ്പ് കെ്ഡേക്കാദെ പോന അയാള് എനാക്ക് ബെ്ളുജുരുഗാറാന് ആയിര്‌ക്കുവാന്. നാന്‌മ് അയാള്‌ക്ക് ബെ്ളുജുരുഗാറാന് ആയിര്‌ക്കുവേന്.

1 കൊരിന്ത്യഗാറാര് 14:11 ပူးပေါင်းရင်းမြစ်များ

അപ്പോസുത്തലാര് 28:2

അദ്‌ലിന്തവാര്‌ക്ക് എമാന കാണ്‌ഗാട്ടി തീയായി ബേ്റ്‌വെന്ത്‌ദ്. അയി ഗളിഗെ മഗെ കാല ആയിന്താദ്‌നാലെ എമാക്ക് നല്ല സളി പ്‌ഡിത്തിന്ത്‌ദ്. അദ്‌നാലെ അവാര് എമാന ബ്‌ളിത്ത് തീബെ്ണ്ടിക്കി കുക്കാസ്‌നാര്.

അപ്പോസുത്തലാര് 28:4

അയി പാമ്പ് അയാള് കയില് നേന്റ്‌ര്‌ക്കുവാദ്‌ന അയി നാഡ്‌ലവാര് കണ്ടാര്. അദുക്കുള അവാര്: <<ഇയാള് ഒന്റു കൊലെഗാറാന്‌ത്തെ, അദ്‌ക്ക്‌ത്തെ കഡാല്‌ലിന്ത് തപ്പിസി കഡാന്ത് ഗുഡി ആള്‌ഗാള് ഗേവ പാവഗാള്‌ക്ക് ദെ്ണ്ടണെ കൊഡുക്കുവ അമ്മ സാമി ഇയാള്‌ന പെ്ളേക്ക്യ ബ്‌ഡമാട്ടെന്റ്‌ര്‌ന്റ>> എന്റ് തമ്മ തമ്മ സൊന്നാര്.

റോമഗാറാര് 1:14

അറുവിര്‌ക്കുവ എവനഗാറാര്‌ക്ക്‌മ് അറുവില്ലാത്ത ബറ്‌ബറ ജാദിഗാറാര്‌ക്ക്‌മ് പഡിപ്പുള്ളവാര്‌ക്കമ് പഡിപ്പില്ലത്തവാര്‌ക്ക്‌മ് നല്ല സേദിന സൊല്ല്യ നാന് കഡാമെ പട്ടവാന്‌ത്തെ.

1 കൊരിന്ത്യഗാറാര് 14:10

ഉലഗാത്ത്‌ല് പല നായഗാള് ഇര്‌ക്ക്‌ന്റ്, അയി നായഗാള് ഒന്റുമു നെപ്പ്കെ്ഡേക്കത്താദല്ല.

1 കൊരിന്ത്യഗാറാര് 14:21

<<നെപ്പ് കെ്ഡേക്കാത്ത നായഗാള്‌ല്‌മ് ബെ്ളുജുരുഗാറാര് ബായില്‌മ് നാന് എന്ന് ആള്‌ഗാളോഡ നായനൊഡിവെ. എന്റാല്‌മ് അവാര് എന്ന് നായന കാദ്‌ക്കിക്കമാട്ടാര് എന്റ് ആണ്ടവാന് സൊല്ലുന്റാന്>> എന്റ് മോസെ ബെത്ത സാമി സട്ടാത്ത്‌ല് സൊല്ലിര്‌ക്ക്‌ന്റാനല്ല.

കൊലേസ്യഗാറാര് 3:11

അത്തെ അയാള് നാഡ്‌ല് എവന നാഡ്‌ഗാറാനൊ എഗുദാര് നാഡ്‌ഗാറാനൊ എന്നുവ ജാദി വിത്ത്യാസില്ലെ. പരിസേദനെ സാത്ത്‌റ ഗേന്തവാരൊ, പരിസേദനെ ഗേഗാത്തവാരൊ എന്നുവ മദ വിത്ത്യാസില്ലെ. പഡിത്തവാനൊ പഡിക്കത്തവാനൊ എന്നുവ അറുവു വിത്ത്യാസാമ് ഇല്ലെ. അഡിമേഗൊ മുദലാള്യൊ എന്നുവ സൊത്തു വിത്ത്യാസാമ് ഇല്ലെ. അദ്‌ല് എല്ലാര്‌ക്ക്‌മ് എല്ലാദ്‌ക്ക്‌മ് ഉജാന്തവനാന ക്‌റ്‌സ്‌ത്ത് താനെത്തെ ഇര്‌ക്കുവാന്.