1 കൊരിന്ത്യഗാറാര് 13:9 - സാമി സേദി

⁹ എന്ത്‌ക്കെന്റ് സൊന്ന തെഗേന്ത അളാവുലു നമ്മ ഇന്നാല് നെപ്പ് കെ്ഡേസുവാദില്ലെ. സാമി നായന നേരെ കേ്ട്ട് സൊല്ലുവ ബരാത്ത്‌ല് തെഗേന്ത അളാവുലു നമാക്ക് കാര്യഗാള് ബെ്ളിപട്ട് കെ്ഡേക്കുവാദില്ലെ.

1 കൊരിന്ത്യഗാറാര് 13:9 ပူးပေါင်းရင်းမြစ်များ

മത്തായി 11:27

എന്ന് അപ്പാന് എല്ലാദ്‌നാമ് എന്ന് കയിക്ക് തന്ത്‌റ്‌ന്റാന്. അപ്പാന്‌ക്കല്ലാദെ ആര്‌ക്ക്‌മ് മഗാന്‌ന തെരിവാദില്ലെ, മഗാന്‌ക്ക്‌മ് മഗാന് ആര്‌ക്ക് കാട്ടി കൊഡുക്ക്യ ആസെപഡ്‌ന്റാനൊ അവാന്‌ക്ക്‌മ് അല്ലാദെ ആര്‌ക്ക്‌മ് അപ്പാന്‌ന തെരിവാദില്ലെ.

റോമഗാറാര് 11:34

സാമി ബൊക്കുലു സൊല്ലിര്‌ക്കുവ പാസെ: <<ആണ്ടവാന് മനേസ്സ്‌ല് ഇര്‌ക്കുവാദ് എന്തെന്റ് ആര്‌ക്ക്‌മ് തെര്യാമാട്ട. അയാള്‌ക്ക് ബുദ്ദി സൊല്ലി കൊഡുക്ക്യ ആര്‌ക്ക്‌മ് മുഡ്യാമാട്ട.>>

1 കൊരിന്ത്യഗാറാര് 13:10

ആന എല്ലാമ് തെഗേന്താദ് ബര്‌ഗാട്ടി തെഗേഗാദ ഇര്‌ക്കവാദെല്ല ഒയിന്ത് പോമു.

1 കൊരിന്ത്യഗാറാര് 13:12

ഇന്നാല് നമ്മ കന്നാഡില് കാണുവ പാസെ മാഗെമാഗ്യ കാണ്‌ന്റാമ്, അയി നാള്‌ക്ക് നേരെ നേരെ കാണ്യാമ്. എനാക്ക് ഇന്നാല് ലേസ അളാവുലുത്തെ തെരിന്റ്, ആന തെഗേന്ത അളാവുലു സാമിക്ക് എനാന തെരിവ പാസെ അയി നാള്‌ല് എനാക്ക്‌മ് എല്ലാമ് സൊക്കാന തെരിമ്.

1 കൊരിന്ത്യഗാറാര് 2:9

അദ്‌നാലെത്തെ സാമി സൊല്ലുസുലാക്ക്‌ത്ത്‌ല്: <<തനാന സീവാന്‌പഡ്‌ന്റവാര്‌ക്ക് ബേ്ണ്ടി സാമി ഒരിക്കി ബെത്ത്‌റ്‌ക്കുവാദ്‌ന ആര്‌മ് എന്നാല്‌മ് കാണഗേ ഇല്ലെ, കേ്ള്‌ക്കാമില്ലെ, അദ് എന്ത് ആയിര്‌ക്ക്‌മ് എന്റ് ആര്‌മ് എന്നാല്‌മ് നെനേക്കാഗേ ഇല്ലെ>> എന്റ് എ്ള്‌ദിര്‌ക്കുവാദ്.

1 കൊരിന്ത്യഗാറാര് 8:2

തനാക്ക് പലാദെല്ല തെരിമെന്റ് ഒരുത്താന് നെനേത്തദാന അയാള് തെരിവ ദിന്‌സ്‌ല് ഇന്നിമ് ഒന്റുമു തെര്യാദിര്‌ക്ക്‌ന്റാന്.

എപസോസുഗാറാര് 3:8

ക്‌റ്‌സ്‌ത്ത്‌ന ബെത്ത് ഇന്നമാട്ട്‌ക്ക് സൊല്ലി തരാദിന്ത അയി അറുവു എത്ത്‌റ ദൊഡ്ഡാദ്? ക്‌റ്‌സ്‌ത്ത്‌ന ബെത്ത് സാമിക്ക് ബേ്ണ്ടി പ്‌റ്‌ത്ത് ബെത്ത്‌റ്‌ക്കുവ എഞ്ചോ ആള്‌ഗാള് കൂട്ടാത്ത്‌ല് നാന് ദൊഡ്ഡവാനല്ല. അത്തിന്ത് ഗുഡി അയി നല്ല സേദിന സൊല്ലുവ ഗിലാസാന ഗേയ സാമി എനാക്ക് പ്‌ണ്ണ്യ ഗേന്താന്.

1 ഓഗന്നാന് 3:2

എനാക്ക് മെച്ച്‌പ്‌ഡിത്തവാരെ, നമ്മ ഇന്നാല് സാമി പ്‌ള്ളെഗാള്‌ത്തെ. നമ്മ എത്തെ ആവാമെന്റ് ഇന്നിമ് പുരുപ്പില്ലെ. അയാള് എല്ലാര് കണ്ണ്‌ക്ക് എദ്‌ക്ക കാട്ട്‌ഗാട്ടി നമ്മ അയാള് തനി ഉരുവാന കാണുവാദ്‌നാലെ നമ്മ അയാള്‌ന പാസെ ആവാമെന്റ് നമാക്ക് തെരിമ്.