1 കൊരിന്ത്യഗാറാര് 13:6 - സാമി സേദി

⁶ സീവാന് ഉള്ളവാന് കെ്ട്ട കാര്യാത്ത്‌ല് പിര്യപഡാദെ സത്ത്യമാന കാര്യാത്ത്‌ല് പിര്യപഡ്‌ന്റാന്.

1 കൊരിന്ത്യഗാറാര് 13:6 ပူးပေါင်းရင်းမြစ်များ

മത്തായി 18:13

പരാന്ത് കെ്ഡേസ്‌ന പ്‌റ, അലാന്ത് പോഗാത്ത തൊണ്ണൂറ്റ്യൊമ്പദ് കൊറ്യാഡ്‌ഗാള്‌ന ബ്‌ഡ അദിഗ അയി അലാന്ത് പോന ആഡ്‌ന പിര്യപഡുവാന് എന്റ് നാന് നിമാക്ക് സത്ത്യമായിമ് സൊന്റെ.

ലൂക്കോസു 22:5

അദുക്കുള അവാര് പിര്യപട്ട് നിനാക്ക് പണ തന്റേമ് എന്റ് സൊല്ലി അയാള്‌ക്ക് ബാക്ക് കൊഡുത്താര്.

റോമഗാറാര് 1:32

ഇത്തവ കാര്യഗാള് ഗേവ ഇത്തവാള്‌ഗാള് സാവുക്കു തഗ്‌ദ്യുള്ളവാര്‌ത്തെ എന്നുവ സാമിസട്ടന തെരിന്തിന്ത് ഗുഡി അവാര് ഇത്തവ കാര്യഗാള്‌ന ഗേവാദ് താനേമല്ല, ഇത്തവ കാര്യഗാള് ഗേന്റവാര്‌ന പിര്യാമ് പഡ്‌ന്റാര്.

റോമഗാറാര് 12:9

നിമ്മ മനേസ്സാറ സീവാന്‌പഡ്‌ന്റവാര് ആയിര്‌ക്കുഡൊ, കെ്ട്ട കാര്യഗാള്‌ന ബെ്റ്‌ത്ത് തള്ളി നല്ല കാര്യഗാള്‌ക്ക് കെ്ട്ട്‌പട്ട് നഡാന്.

പിലിപ്പ്യഗാറാര് 1:18

ആന ഇദൊന്റുമല്ല മുക്ക്യമാന കാര്യ? നല്ല നെനേവോഡ ആനാല്‌മ് സെരി കെ്ട്ട നെനേവോഡ ആനാല്‌മ് സെരി ക്‌റ്‌സ്‌ത്ത്‌ന പറ്റ്യല്ല സൊല്ലുവാദ്? അദ്‌ത്തെ എന്ന് പിര്യാമ്. നാന് ഇന്നിമ് പിര്യപഡുവെ.

പിലിപ്പ്യഗാറാര് 1:4

നിമ്മ ഏസ്സ്‌ന നമ്പ്‌ന നാള്‌ലിന്ത് ഇന്നാവരിദിക്ക് നാന് നല്ല സേദിന ആള്‌ഗാള്‌ക്ക് സൊല്ലി കൊഡുക്ക്യ ബേ്ണ്ടി നിമ്മ എനാന കയി താങ്ക്‌ന്‌റ്. അദ്‌നാലെ നിമാനൊട്ടുക്കു നെനേത്ത് പരേസ്‌ഗാട്ട്യെല്ല നാന് പിര്യപിര്യാത്ത്‌മ് പരേസ്‌ന്റെ.

പിലിപ്പ്യഗാറാര് 3:18

എന്ത്‌ക്കെന്റ് സൊന്ന ലേസ ആള്‌ഗാള് ക്‌റ്‌സ്‌ത്ത് കുരുസുലു സാഗാട്ടി അവാര്‌ക്ക് ബേ്ണ്ടി എന്ത് ഗേന്ത് കൊഡുത്താന് എന്നുവാദ്‌ന തെ്റിന്ത് തള്ളി കെ്ട്ട കാര്യഗാള് ഗേന്ത്‌കൊണ്ടുത്തെ പെ്ളേക്ക്‌ന്റാര്. അവാര്‌ന പറ്റി നിമാക്ക് എഞ്ചോ ജമ്പ് നാന് സൊല്ലിര്‌ക്ക്‌ന്റെ. അവാര്‌ന പറ്റി പിന്നേമ് നിമാക്ക് സൊല്ലുഗാട്ടി എനാക്ക് കേ്സിത്തെ ബന്റ്.

2 തെസെലോനിക്ക്യഗാറാര് 2:12

അത്തെ സത്ത്യാന നമ്പാദെ പാവ ഗേവാദ്‌ല് പിര്യപട്ട് നഡാന്തവാര്‌ന ഒട്ടുക്കു സാമിക്ക് ദെ്ണ്ടിക്ക്യ മുഡിമ്.

2 ഓഗന്നാന് 1:4

നിന്ന് മക്കാള്‌ഗാള്‌ല് ലേസ ആള്‌ഗാള് സാമി സൊന്ന പാസെ സത്ത്യാക്ക് കെ്ട്ട്‌പട്ട് നഡാക്ക്‌ന്റാര് എന്റ് കേ്ള്‌ക്ക്‌ഗാട്ടി നാന് മീ്റ്‌ന പിര്യപട്ടെ.