1 കൊരിന്ത്യഗാറാര് 13:4 - സാമി സേദി4 സീവാന് ഉള്ളവാന് നല്ല പൊറിമുള്ളവാന് ആയിര്‌ക്കുവാന്, ഗവപഡ്‌ന്റവാന് ആയിര്‌ക്കുവാന്, എര്‌സ്സ ഇല്ലത്തവാന് ആയിര്‌ക്കുവാന്. സീവാന് ഉള്ളവാന് മേനാമ്പ് കാട്ടുവാദില്ലെ, താന് ഗേവാദ്‌ന പറ്റി പെരിമെപഡുവാദിമില്ലെ. အခန်းကိုကြည့်ပါ။ |
1 കൊരിന്ത്യഗാറാര് 13:4
53 ပူးပေါင်းရင်းမြစ်များ
അവാര് എല്ലാ ദിന്‌സ്‌ല നേര്‌മല്ലാത്ത കാര്യഗാള്‌മ് കെ്ട്ട കാര്യഗാള്‌മ് പേരാസെപട്ട് ഗേവ കാര്യഗാള്‌മ് ആങ്കീങ്ക് ഗേവ മോസ കാര്യഗാള്‌മ് ഗേന്റവാര്‌ത്തെ. അവാര് കണ്ണ്‌കഡി നെനേവുലേ നഡാക്ക്‌ന്റവാര്‌മ്, കൊലെ ഗേയ ആസെപഡുവ നെനേവുലേ നഡാക്ക്‌ന്റവാര്‌മ്, മല്ല്‌പ്‌ഡിക്ക്‌ന്റവാര്‌മ്, സദിക്കുവ നെനേവു ബെത്ത് കൊണ്ടു നഡാക്ക്‌ന്റവാര്‌മ്, പഗേത്ത് നഡാക്ക്‌ന്റവാര്‌മ്, നൊണ്ടു സൊല്ലി നഡാക്ക്‌ന്റവാര്‌മ്‌ത്തെ.
എന്ത്‌ക്കെന്റ് സൊന്ന ഇന്നാല്‌മ് നിമ്മ അവനവാന് ആസെപഡി പെ്ളേക്കുവ ഈ ഉലഗാത്ത്‌ലവാര്‌ന പാസെത്തെ പെ്ളേക്ക്‌ന്റ്‌റ്. നിമ്മ് പട്ട്‌ല് കണ്ണ്‌കഡിമ് ആങ്കീങ്ക് മല്ല്‌മ് ഇര്‌ക്കുവാദ്‌നാലെ അവനവാന് ആസെപഡി പെ്ളേക്കുവ ഈ ഉലഗാത്ത്‌ലവാര്‌ന പാസേമ് സാമിന തെര്യാത്ത ആള്‌ഗാള്‌ന പാസേമ്‌ത്തെ നിമ്മ പെ്ളേക്ക്‌ന്റ്‌റ് എന്നുവാദ്‌ന കാട്ട്‌ന്റ്.
എന്ന് ഏസ്സ്‌ഗാറാരെ, നിമാക്ക് ഉവഗരപഡ്യ ബേ്ണ്ടി എനനാമ് അപ്പലോസുനാമ് പറ്റിത്തെ നാന് ഈ കാര്യഗാള്‌ന ഒട്ടുക്കു നിമാക്ക് സൊന്നാദ്. അത്തെ <<എ്ള്‌ദി ബെത്ത്‌റ്‌ക്കുവാദ്‌ക്ക് മീ്റി നിമ്മ ഗേയ പാങ്കില്ലെ>> എന്നുവ മുന്തെലവാര് സൊല്ലുക്കു ഇര്‌ക്കുവ അര്‌ത്ത എമാന ബെത്ത് നിമാക്ക് പഡിക്ക്യ മുഡിമ്. അത്തെ നിമ്മ ഒരുത്താന്‌ന തള്ളി ബേ്റൊന്റാള്‌ന പെരിമെപഡമാട്ട്‌റ്.
നാന് അദ്‌ക്ക് ബര്‌ഗാട്ടി നാന് ആസെപഡാത്ത ദിന്‌സ്‌ല് നിമാന കാണുവേന് എന്റ്‌മ് നിമ്മ ആസെപഡാത്ത ദിന്‌സ്‌ല് നിമ്മ എനാന കാണുവുറു എന്റ്‌മ് നാന് അഞ്ച്‌ന്റെ. ആങ്കീങ്ക് മല്ല്, കണ്ണ്‌കഡി, മുട്ടുമൊനെ, അവനവാന് കാര്യ താനെ നോഡുവാദ്, അഡ്‌ത്തവാര്‌ന നാണഗെ്ഡ്‌സുവാദ്, നൊണ്ടു സൊല്ലുവാദ്, ആര്‌ക്ക്‌മ് ഒദുങ്കാദെ ഇര്‌ക്കുവാദ്, കലമ്പാല് മാഡിര്‌ക്കുവാദ് എല്ലാ നിമ്മ് പട്ട്‌ല് ഇര്‌ക്കുമൊ എന്റ് നാന് അഞ്ച്‌ന്റെ.
നേര്‌മായിമ് ലേസ ആള്‌ഗാള് ക്‌റ്‌സ്‌ത്ത്‌ന പറ്റി ആള്‌ഗാള്‌ക്ക് തെരിഡൊ എന്റ് ആസെപട്ട് ക്‌റ്‌സ്‌ത്ത്‌ന പറ്റി സൊന്റാര്. സാമി എനാന ഈങ്ക് എ്ഡ്‌ത്ത് ബന്ത് ബെത്ത്‌റ്‌ക്കുവാദ് നല്ല സേദിന പൊയി എന്റ് സൊന്റവാരോഡ ബാദാഡി നല്ല സേദി നേരെന്റ് കാട്ടി കൊഡുക്ക്യാത്തെന്റ് തെരിന്ത് ഇവാര് എന്നോഡ സീവാന്‌ബെത്ത്‌റ്‌ക്കുവാദ്‌നാലെ ക്‌റ്‌സ്‌ത്ത്‌ന പറ്റി സൊന്റാര്. ആന ലേസ ആള്‌ഗാള് എന്നോഡിര്‌ക്കുവ കണ്ണ്‌കഡിക്ക്‌മ്, തമ്മ എനാന ബ്‌ഡ ദൊഡ്ഡവാരാഡൊ എന്റ് നെനേത്ത്‌മ് ക്‌റ്‌സ്‌ത്ത്‌ന പറ്റി സൊന്റാര്. ജെയില്‌ല് എനാക്കിര്‌ക്കുവ ബുദ്ദിമുട്ടുന ബ്‌ഡ സേത്തി ബുദ്ദിമുട്ടു മാഡ്യ ബേ്ണ്ടിമ് കെ്ട്ട നെനേവോഡ അവനവാന് കാര്യ നഡാക്ക്യ ബേ്ണ്ടിമ് ഇവാര് ക്‌റ്‌സ്‌ത്ത്‌ന പറ്റി സൊന്റാര്.
അദ്‌നാലെ ഒന്റു സരിഗല തലേക്ക് എ്ണേന്ത് അദ്‌ക്കിര്‌ക്കുവ പല മൂട്ടുമുറിഗാള് ഒട്ടുക്കുമു ഒന്റായി ദൊഡ്ഡുവ പാസെ സത്ത്യമാന ഏസ്സ് ക്‌റ്‌സ്‌ത്ത്‌ന തലെ മാഡി സാമ്യോഡ എ്ണേന്ത് ദൊഡ്ഡുനു. അദ്‌ന തള്ളി ഒന്റുക്കുമു ഉവഗരപഡാത്ത താന്‌താനെ നെനേക്കുവ നെനേവുഗാള്‌ന ബെത്ത്‌മ് താന് കണ്ട കാര്യഗാള്‌ന ബെത്ത്‌മ് തണിമോഡ പെ്ളേക്ക്‌ന്റേന് എന്റ് നെനേത്ത് പെരിമെപട്ട്‌കൊണ്ടു സാമിന കുമ്മുഡാദെ, ദൂദാര്‌ഗാള്‌ന കുമ്മുഡി നഡാക്ക്‌ന്റവാരോഡ എ്ണേന്ത സാമി നിമാക്ക് ബേ്ണ്ടി ബെത്ത്‌റ്‌ക്കുവ സൊത്തു നിമാക്ക് കെ്ഡേക്കമാട്ട.
ആന നാന് എന്ത്‌ന പഡ്‌സ്‌നേന് എന്റ്‌മ്, നാന് എത്തെ പെ്ളേത്തിന്തേന് എന്റ്‌മ്, നാന് എന്ത് ഗേയ ബേ്ണ്ടി ആസെപട്ടിന്തേന് എന്റ്‌മ്, നാന് എത്ത്‌റാക്ക് സാമിന നമ്പിന്തേന് എന്റ്‌മ്, നാന് എത്ത്‌റ പൊറിമെഗാറാന് ആയിന്തേന് എന്റ്‌മ്, അഡ്‌ത്തവാരോഡ എത്ത്‌റാക്ക് സീവാന്‌ബെ്ത്ത് നഡാന്തേന് എന്നുവാദ്‌നാമ്, നാന് എന്ത്‌നെല്ല താങ്കിന്തേന് എന്റ്‌മ്,
മുന്നുക്കു നമ്മാമ് ബുദ്ദില്ലത്തവാര്‌മ് സൊല്ലുപേസ് കേ്ള്‌ക്കത്തവാര്‌മ്, ആള്‌ഗാള്‌ന ഏമാത്ത്‌ന്റവാര്‌മ് ആയിന്താമ്. അദേപാസെ നമാന പിര്യപഡുസുവ എല്ലാ ദിന്‌സ് കെ്ട്ട കാര്യഗാള്‌ക്ക്‌മ് നമ്മ ആളായിന്താമ്. നമ്മ ഒപ്പ കെ്ട്ട കാര്യഗാള് ഗേന്തവാര്‌മ് കണ്ണ്‌കഡിഗാറാര്‌മ് ആയിന്താമ്. നമ്മ ആള്‌ഗാള്‌ന തൊറേന്ത് നഡാന്താമ്, ആള്‌ഗാള്‌മ് നമാന തൊറേന്ത് നഡാന്താര്.
ကြော်ငြာတွေ