1 കൊരിന്ത്യഗാറാര് 13:3 - സാമി സേദി

³ എനാക്ക് ഇര്‌ക്കുവാദ്‌ന ഒട്ടുക്കു ഏ്ളെഗാള്‌ക്ക് നാന് ദാന ഗേന്താല്‌മ് എന്ന് സരിഗലന സുഡ്യ ഒപ്പിസി കൊഡുത്താല്‌മ് എനാക്ക് സീവാന് ഇല്ലാദെ പോന എനാക്ക് ഒന്റു ഗുണാമില്ലെ.

1 കൊരിന്ത്യഗാറാര് 13:3 ပူးပေါင်းရင်းမြစ်များ

മത്തായി 23:5

തമ്മ ഗേവ ഗിലാസഗാളെല്ല മന്‌സാര് കാണ്യ ബേ്ണ്ടിത്തെ അവാര് ഗേവാദ്. സാമി സൊല്ലുസുലാക്കന എ്ള്‌ദി ഇക്കി ബെത്ത്‌റ്‌ക്കുവ പെ്ട്ടിന ദൊഡ്ഡാദ് മാഡി തലേക്ക് കെ്ട്ടി ബെക്ക്‌ന്റാര്. തമ്മ ഇക്കുവ ജൊഗേക്ക് കുത്തി മൂട്ടുവ താനെന നീ്ട്ട മാഡ്‌ന്റാര്.

ലൂക്കോസു 18:22

അദ്‌ന കേ്ട്ട് ഏസ്സ്: <<നിനാക്ക് ഇന്നി ഒന്റു കൊറേവു ഗുഡി ഇര്‌ക്ക്‌ന്റ്, നിനാക്ക് ഇര്‌ക്കുവാദ്‌ന ഒട്ടുക്കു ബിറ്റ്, പണാന ഒന്റുമില്ലാത്തവാര്‌ക്ക് ദാന ഗേഡൊ. അന്നാപ്പ് മേലോഗാത്ത്‌ല് നിനാക്ക് സൊത്തു കെ്ഡേക്കുവു. പ്‌റ എന്ന് പിന്ന്‌ക്ക് ബാ>> എന്റ് സൊന്നാന്.

ലൂക്കോസു 18:28

അദുക്കുള പത്ത്‌റോസു: <<നോഡു, എമ്മ എല്ലാദ്‌നാമ് ബ്‌ട്ട്‌തള്ളി നിന്ന് പിന്ന്‌മേലെ ബന്ത്‌റ്‌ന്റേമ്>> എന്റ് സൊന്നാന്.

ലൂക്കോസു 19:8

സക്കായി ഇ്ളാഗി നിന്റ് ആണ്ടവാന്‌ക്ക്: <<ഗുരുവെ, ഇദാ നാന് സമ്പാരിത്ത സൊത്തുലു പാദിന ഏ്ളെഗാള്‌ക്ക് കൊഡുക്ക്യ പോന്റെ, ആരാറ്റോഡിന്ത് ഏമാത്തി ബാങ്കിന്തദാന ഒന്റുക്കു ബ്‌ഡ നാക്കെ്ണ്ണ മാഡി കൊഡുക്കുവെ>> എന്റ് സൊന്നാന്.

ഓഗന്നാന് 12:43

സാമിലിന്ത് കെ്ഡേക്കുവ പേര്‌പെരിമെന ബ്‌ഡ മന്‌സാന്‌ലിന്ത് കെ്ഡേക്കുവ പേര്‌പെരിമെനാത്തെ അവാര് ദൊഡ്ഡാദെന്റ് നെനേത്താര്.

ഓഗന്നാന് 13:37

അദുക്കുള പത്ത്‌റോസു ഏസ്സ്‌ക്ക്: <<ആണ്ടവാനെ, ഇന്നാല് എനാക്ക് നിന്നോഡ ബര്യ മുഡ്യാത്താദ് എന്ത്‌ക്ക്? നാന് നിനാക്ക് ബേ്ണ്ടി സായ ഗുഡി ഒരിങ്കിര്‌ന്റെ>> എന്റ് സൊന്നാന്.

ഓഗന്നാന് 15:13

എ്ണേവുഗാറാര്‌ക്ക് ബേ്ണ്ടി ഉജുരുന കൊഡുക്കുവാദ്‌ത്തെ എല്ലാദ്‌ക്ക്‌മ് ബ്‌ഡ ദൊഡ്ഡ സീവാന്.

ഓഗന്നാന് 6:63

ഉജുരു തരുവാദ് സാമിനിഗാല്‌ത്തെ. മന്‌സാന് സരിഗല ഒന്റുക്കുമു ഉവഗരപഡുവാദില്ലെ. നാന് നിമാക്ക് സൊന്ന നായഗാള്‌ത്തെ നിമാക്ക് ഉജുരു തരുവ സാമിനിഗാല്.

അപ്പോസുത്തലാര് 21:13

അദുക്കുള പവുലോസു: <<നിമ്മ എന്ത്‌ക്ക് ഇത്തെ ഗേവാദ്? നിമ്മ എന്ത്‌ക്ക് ഇത്തെ കേ്യിന്ത് എന്ന് മനേസ്സ്‌ന ദുക്കപഡ്‌സ്‌ന്റ്‌റ്? എര്‌സലേമ്‌ല് എനാന കെ്ട്ടി ബെക്ക്യ താനെ അല്ല ആണ്ടവാന് ഏസ്സ്‌ക്ക് ബേ്ണ്ടി അദ്‌ല് സായ ഗുഡി നാന് ഒരിങ്കിര്‌ന്റെ>> എന്റ് സൊന്നാന്.

ഗലാത്ത്യഗാറാര് 5:26

നമ്മ ആങ്കീങ്ക് പോട്ടിക്ക് നിന്റ് കൊണ്ടുമു എര്‌സ്സ ബെത്ത് കൊണ്ടുമു നാന്‌ത്തെ ദൊഡ്ഡവാന് എന്റ് പെരിമെപഡ ബേ്ഡ.

പിലിപ്പ്യഗാറാര് 2:3

നിമ്മ ഒന്റു കാര്യ ഗേഗാട്ടി നിമാന താനെ ദൊഡ്ഡവാര് എന്റ് നെനേക്ക്യ ബേ്ണ്ടിമ് നിമ്മ ഗേവാദ്‌ന പറ്റി ഏസ്സി നഡാക്ക്യ ബേ്ണ്ടിമ് നിമ്മ ഗേഗാദേന്. അദ്‌ക്ക് ബദ്‌ല നിമ്മ തണിന്ത് നഡാക്ക്‌ന്റവാര് ആയിന്ത് അഡ്‌ത്തവാര്‌ന നിമാന ബ്‌ഡ ദൊഡ്ഡവാര് എന്റ് നെനേത്ത് കൊണ്ടു നിമ്മ ഗേഡൊ.

1 തിമിത്തോസു 4:8

ഉരുവുക്കു സാമാറ്‌ത്തി കെ്ഡേക്കുവ കാര്യഗാള് ഗേവാദ് സരിഗലാക്ക് മായ ഉവഗരപഡ്‌മ്. ആന സാമി ആസെപഡി പെ്ളേക്ക്യ ഉവഗരപഡുവ കാര്യഗാള് ഗേന്ത് പളാഗികൊണ്ടേ ഇര്‌ക്കുവാദ് എല്ലാ ദിന്‌സ്‌ല്‌മ് ഉവഗരപഡ്‌മ്. അദ് ഇന്നാല്‌ല പെ്ളേപ്പ്‌ക്ക്‌മ്, ഇന്നി ബര്യ പോവ പെ്ളേപ്പ്‌ക്ക്‌മ് ഉവഗരപഡ്‌മ്.

എവുറായാര് 13:9

നിമാക്ക് തെര്യാത്ത പല ദിന്‌സ്‌ല ബുദ്ദി നായഗാള്‌ന നിമാക്ക് സൊല്ലി നേരാന കാര്യാത്ത്‌ലിന്ത് നിമാന ഏമാത്ത്യ ആര്‌നാമ് ബ്‌ഡാദേന്. തീനി തിന്നുവ കാര്യഗാള്‌ന പറ്റി സൊല്ലിര്‌ക്കുവ സട്ടപഡി നഡാക്കാദേന്. അത്തെ നഡാക്ക്‌ന്റവാര്‌ക്ക് അദ് ഒന്റുക്കുമു ഉവഗരപഡുവാദ്‌മില്ലെ. അദ്‌നാലെ സാമി പ്‌ണ്ണ്യാത്ത്‌ല് നിമ്മ് മനേസ്സ്‌ന ബിലപഡ്‌സ്‌ന്.