1 കൊരിന്ത്യഗാറാര് 13:10 - സാമി സേദി

¹⁰ ആന എല്ലാമ് തെഗേന്താദ് ബര്‌ഗാട്ടി തെഗേഗാദ ഇര്‌ക്കവാദെല്ല ഒയിന്ത് പോമു.

1 കൊരിന്ത്യഗാറാര് 13:10 ပူးပေါင်းရင်းမြစ်များ

1 കൊരിന്ത്യഗാറാര് 13:11

നാന് സ്‌ന്ന പ്‌ള്ളെ ആയിര്‌ക്കാട്ടി സ്‌ന്ന പിള്ളെന പാസെ നായനൊഡിന്തേന്, സ്‌ന്ന പ്‌ള്ളെ നെനേത്ത് നഡാക്കുവ പാസെ നെനേത്ത് നഡാന്തേന്, സ്‌ന്ന പ്‌ള്ളെന പാസെ ഓസണെ മാഡി നഡാന്തേന്. ആന ദൊഡ്ഡാദാന പ്‌റ മക്കാള് പളാക്കന ബ്‌ട്ട് തള്ള്‌നെ. അദേപാസെ നിമ്മാമ് സാമിനിഗാല് തരുവ ബരഗാള്‌ന പറ്റി സ്‌ന്ന പ്‌ള്ളെഗാള്‌ന പാസെ നെനേക്കുവാദ്‌ന ബ്‌ട്ട് തള്ള്‌ഡൊ.

1 കൊരിന്ത്യഗാറാര് 13:12

ഇന്നാല് നമ്മ കന്നാഡില് കാണുവ പാസെ മാഗെമാഗ്യ കാണ്‌ന്റാമ്, അയി നാള്‌ക്ക് നേരെ നേരെ കാണ്യാമ്. എനാക്ക് ഇന്നാല് ലേസ അളാവുലുത്തെ തെരിന്റ്, ആന തെഗേന്ത അളാവുലു സാമിക്ക് എനാന തെരിവ പാസെ അയി നാള്‌ല് എനാക്ക്‌മ് എല്ലാമ് സൊക്കാന തെരിമ്.

1 കൊരിന്ത്യഗാറാര് 13:9

എന്ത്‌ക്കെന്റ് സൊന്ന തെഗേന്ത അളാവുലു നമ്മ ഇന്നാല് നെപ്പ് കെ്ഡേസുവാദില്ലെ. സാമി നായന നേരെ കേ്ട്ട് സൊല്ലുവ ബരാത്ത്‌ല് തെഗേന്ത അളാവുലു നമാക്ക് കാര്യഗാള് ബെ്ളിപട്ട് കെ്ഡേക്കുവാദില്ലെ.

പിലിപ്പ്യഗാറാര് 3:12

ഈ കാര്യഗാളെല്ല എന്ന് പെ്ളേപ്പ്‌ല് നഡാന്ത്‌ദെന്റൊ നാന് എല്ലാ കാര്യാത്ത്‌ല്‌മ് ഒന്റു കൊറേവുമു ഇല്ലത്തവാനെന്റൊ അല്ല സൊല്ലുവാദ്. ആന ക്‌റ്‌സ്‌ത്ത് ഏസ്സ് എനാന തെരിന്തെ്ഡ്‌ത്താദ്‌നാലെ ക്‌റ്‌സ്‌ത്ത് ആസെപഡുവ ഒന്റാളായി തീര്യ ബേ്ണ്ടി നാന് എന്നാവാദ് ഓരാഡി കൊണ്ടു ഇര്‌ക്ക്‌ന്റെ.