1 കൊരിന്ത്യഗാറാര് 11:30 - സാമി സേദി

³⁰ ഇത്തെ ഗേന്താദ്‌നാലെത്തെ നിമ്മ് കൂട്ടാത്ത്‌ല എഞ്ചോ ആള്‌ഗാള് ഉജുരുപ്‌റാണി ഇല്ലത്തവാര്‌മ് നോയിഗാറാര്‌മ് ആവാദ്‌മ് എഞ്ചോ ആള്‌ഗാള് സാവാദ്‌മ്.

1 കൊരിന്ത്യഗാറാര് 11:30 ပူးပေါင်းရင်းမြစ်များ

അപ്പോസുത്തലാര് 13:36

ദാവീദ് താന് പെ്ളേത്തിന്ത കാലാത്ത്‌ല് താന് എന്ത് ഗേഡൊ എന്റ് സാമി നെനേത്താനൊ അദ്‌ന ഗേന്ത പ്‌റ സത്താന്. തന്ന് പാട്ടനാമോഡ അയാള്‌നാമ് പാത്ത്‌നാര്. അത്തെ അയാള് സാവു മഡേല് നാറി തള്ള്‌നാന്.

അപ്പോസുത്തലാര് 7:60

അയാള് സന്ത്‌ന ഊന്റികൊണ്ടു ദൊഡ്ഡാദ്‌ക്ക് അഗാറി സൊന്നാന്, <<ആണ്ടവാനെ! അവാര് ഗേന്ത ഈ പാവഗാള്‌ക്ക് അവാര്‌ന നീ ദെ്ണ്ടിക്കാദെ ഇര്‌ക്കുഡോമെ>> എന്റ് സൊന്ന പ്‌റ അയാള് സത്താന്.

1 കൊരിന്ത്യഗാറാര് 11:29

എന്ത്‌ക്കെന്റ് സൊന്ന ആണ്ടവാന് സരിഗലാക്ക് മദ്‌പ്പ് കൊഡുക്കാദെ ആരാറ്റ ഈ അഡെനാമ് മുന്തിരി സാരനാമ് തിന്റ്‌കുഡിത്ത് ഗേന്തദാന തനാക്ക് കെ്ഡേക്കുവ ദെ്ണ്ടണെനത്തെ തിന്റ്‌കുഡിത്ത് ഗേന്റാന്.

1 കൊരിന്ത്യഗാറാര് 11:31

നമ്മ നമാന താനെ സോദണെ ഗേന്ത് കുറ്റ ഇല്ലത്തവാര് എന്റ് മുഡിവു മാഡ്‌ന ആണ്ടവാന് നമാന ദെ്ണ്ടിക്കമാട്ടാന്.

1 കൊരിന്ത്യഗാറാര് 11:32

ഇത്തെ ആണ്ടവാന് നമാന ദെ്ണ്ടിത്ത് അഡിത്ത് പഡുസുവാദ് ഉലഗാത്ത്‌ല ആള്‌ഗാള്‌ന ആണ്ടവാന് ദെ്ണ്ടിക്കാട്ടി നമാനാമ് ദെ്ണ്ടിക്കാദിര്‌ക്ക്യ ബേ്ണ്ടിത്തെ.

1 കൊരിന്ത്യഗാറാര് 15:51

നാന് നിമാക്ക് മറേന്ത്‌റ്‌ക്കുവ ഒന്റു സത്ത്യന സൊന്റെ, നമ്മ എല്ലാവാര്‌മ് സാഗമാട്ടാമ്. ആന നമ്മ ദ്‌ഡീരന ഉരുവ മാറ്‌ല.

1 തെസെലോനിക്ക്യഗാറാര് 4:14

എന്ത്‌ക്കെന്റ് സൊന്ന ഏസ്സ് സത്തിന്ത് ഉജുര്‌ളാഗ്‌നാന് എന്റ് നമ്മ നമ്പ്‌ന്റാമ്. അത്തെ നമ്പ്‌നദാന ഒറേപ്പായി സാമി സത്തവാര്‌നാമ് ഏസ്സ്‌ന ബെത്ത് ഉജുര്‌ളാക്കി അയാളോഡ ബരുസ്സുവാന് എന്റ് നമ്മ നെഞ്ചഡെ ബെത്ത്‌റ്‌ക്ക്‌ന്റാമ്.

ബെ്ളിപട്ട കാര്യ 3:19

നാന് സീവാന്‌ബെത്ത്‌റ്‌ന്റവാര്‌ന നൊഡിവെ, അവാര്‌ന ബുദ്ദി സൊല്ലിമ് തിരുത്തുവെ. അദ്‌നാലെ നിമ്മ സുറുസുറുപ്പോഡ ഇര്‌ക്കുഡൊ. നിമ്മ ഗേവ പാവഗാള്‌ന തള്ളി സാമിസാരി തിര്‌ഗുഡൊ.