1 കൊരിന്ത്യഗാറാര് 11:17 - സാമി സേദി

¹⁷ ഇന്നി സൊല്ല്യ പോവ കാര്യാത്ത്‌ല് നാന് നിമാന പെരിമെപഡമാട്ടെ. എന്ത്‌ക്കെന്റ് സൊന്ന നിമ്മ ഒന്റായി കൂഡുഗാട്ടി നല്ലാദ് ബരുവാദ്‌ക്കുള്ള കാര്യല്ല കെ്ട്ടാദ് ബരുവാദ്‌ക്കുള്ള കാര്യത്തെ നഡാക്ക്‌ന്റ്.

1 കൊരിന്ത്യഗാറാര് 11:17 ပူးပေါင်းရင်းမြစ်များ

റോമഗാറാര് 13:3

നല്ല കാര്യഗാള് ഗേന്റവാര്‌ക്ക് ആള്‌ന്റവാര്‌ന അഞ്ചുവ തേവില്ലെ. ആന കെ്ട്ട കാര്യഗാള് ഗേന്റവാര് ആള്‌ന്റവാന്‌ന അഞ്ചുഡൊ. ആള്‌ന്റവാര്‌ക്ക് അഞ്ചാദിര്‌ക്ക്യ ആസെപഡ്‌ന്റായ? അത്ത്യാന നല്ല കാര്യഗാള് ഗേഗ്, അന്നാപ്പ് അയാള് നിനാന പിര്യപഡുവാന്.

1 കൊരിന്ത്യഗാറാര് 11:2

നിമ്മ എനാന ഒപ്പ നെനേത്ത് കൊണ്ടുമു നാന് നിമാക്ക് സൊല്ലി തന്ത സട്ട്‌മെ്ട്ട്‌ക്ക് കെ്ട്ട്‌പട്ട് കൊണ്ടുമു നഡാക്ക്‌ന്റ്‌റ്. അദ്‌നാലെ നാന് നിമാന പെരിമെപഡ്‌ന്റെ.

1 കൊരിന്ത്യഗാറാര് 11:20

നിമ്മ കൂട്ട കൂഡി ബര്‌ഗാട്ടി ആണ്ടവാന് ബിര്‌ന്തല്ല നിമ്മ തിന്നുവാദ്.

1 കൊരിന്ത്യഗാറാര് 11:22

തിന്ന്യാമ് കുഡിക്ക്യാമ് നിമാക്ക് ബീ്ഡില്ലേഗ? ഇല്ലേ, സാമിഗാറാര് കൂട്ടാക്ക് ബെലെ ഇല്ലെന്റ് നെനേത്ത് ഏ്ളെഗാള്‌ന മാനഗെ്ഡ്‌സ്‌ന്റ്‌റ? ഈ കാര്യാത്ത്‌ല് നാന് നിമാന പറ്റി എന്ത് സൊല്ല്യ? നിമാന പറ്റി പെരിമെപഡ്‌ന്റെ എന്റ് സൊല്ല്യാഗ? ഇല്ലെ, ഈ കാര്യാത്ത്‌ല് നാന് നിമാന പറ്റി പെരിമെപഡാഗേ മാട്ടെ.

1 കൊരിന്ത്യഗാറാര് 11:34

നിമ്മ ഒന്റായി കൂഡ്യ ബര്‌ഗാട്ടി സാമി ദെ്ണ്ടണേക്ക് എ്ഡെ ആഗാദെ ഇര്‌ക്ക്യ ബേ്ണ്ടി ആര്‌ക്കാറ്റ പജിപ്‌ഡിത്തിന്തദാന അയാള് ബീ്ഡ്‌ല് താനെ തിന്റ് ബരുഡൊ. ഇന്ന്യുള്ള കാര്യഗാള്‌ന നാന് ബന്ത് സെരി മാഡ്‌ന്റെ.

1 കൊരിന്ത്യഗാറാര് 14:23

ഏസ്സ്‌ഗാറാര് കൂട്ട ഒട്ടുക്കുമു ഒന്റായി കൂഡി എല്ലാര്‌മ് നെപ്പ് കെ്ഡേക്കാത്ത നായഗാള്‌ല് നായനൊഡിവദാന സാമിനിഗാല് ബര കെ്ഡേക്കത്തവാരൊ ഏസ്സ്‌ഗാറാര് അല്ലത്തവാരൊ ഉളാക്ക് ബന്ത നിമാക്ക് പിരാന്ത് പ്‌ഡിത്ത്‌റ്‌ന്റ് എന്റ് സൊല്ലമാട്ടാര?

1 കൊരിന്ത്യഗാറാര് 14:26

അദ്‌നാലെ ഏസ്സ്‌ഗാറാരെ, നാന് നിമാക്ക് സൊന്ന കാര്യാക്ക് ഇര്‌ക്കുവ അര്‌ത്ത ഇദ്‌ത്തെ. നിമ്മ ഒന്റായി കൂഡി സാമിന കുമ്മുഡുഗാട്ടി നിമ്മ് പട്ട്‌ല് പാഡ്‌ന്റവാര് ഇര്‌ക്കുവാര്, പഡ്‌സ്‌ന്റവാര് ഇര്‌ക്കുവാര്, സാമി കാട്ടി കൊഡുക്കുവ കാര്യഗാള്‌ന സൊല്ലുന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള് സൊന്റവാര് ഇര്‌ക്കുവാര്, നെപ്പ് കെ്ഡേക്കാത്ത നായഗാള്‌ക്ക് അര്‌ത്ത സൊല്ലുന്റവാര് ഇര്‌ക്കുവാര്. ഇദെല്ല ഏസ്സ്‌ഗാറാര് കൂട്ടാക്ക് സാമ്യോഡ ഇര്‌ക്കുവ ബക്‌തിന സേത്തി സേത്തി മാഡ്യ ഉവഗരപഡുസുഡൊ.

എവുറായാര് 10:25

ഏസ്സ്‌ഗാറാര് കൂട്ടഗാള്‌ക്ക് ഒന്റായി കൂഡുവാദ്‌ന പഗ്‌ദ്യാള്‌ഗാള് തെ്റിന്ത് തള്ളുവ പാസെ നിമ്മാമ് തള്ളദേന്. അദ്‌ക്ക് ബദ്‌ല് ആണ്ടവാന് ബരുവ നാള് അഡ്‌ത്ത്‌റ്‌ക്കുവാദ്‌നാലെ നിമ്മ ആങ്കീങ്ക് അദിഗ രുജ കൂട്ടി കൊഡുക്കുഡൊ.

1 പത്ത്‌റോസു 2:14

കെ്ട്ട കാര്യഗാള് ഗേന്റവാര്‌ന ദെ്ണ്ടിക്ക്യാമ് നല്ല കാര്യഗാള് ഗേന്റവാര്‌ന പെരിമെപഡ്യാമ് ബേ്ണ്ടി രാജാവു സൊല്ലി ബ്‌ഡുവ നാഡ് തലെവാര്‌ഗാള് ആനാല്‌മ് സെരി, നിമ്മ അവാര്‌ക്ക് കെ്ട്ട്‌പട്ട് നഡാന്.