1 കൊരിന്ത്യഗാറാര് 10:19 - സാമി സേദി

¹⁹ നാന് സൊല്ലുവാദ് എന്ത്? സെലേക്ക് മേല്‌സ ബെത്ത ജാദിനഗൊ ഇല്ലെ സെലെഗാള്‌നാഗൊ നാന് മുക്ക്യമാനാദ് എന്റേന?

1 കൊരിന്ത്യഗാറാര് 10:19 ပူးပေါင်းရင်းမြစ်များ

അപ്പോസുത്തലാര് 19:26

ആന മന്‌സാന് കയില് മാഡ്‌നാദ് സാമിഗാള് അല്ല എന്റ് പവുലോസു എന്റവാന് സൊല്ലുവാദ്‌ന നിമാക്ക് താനെ കാണ്യാമ് കേ്ള്‌ക്ക്യാമ് മുഡിമ്. അത്തെ സൊല്ലി അയാള് എപസോസുല പട്ടണാത്ത്‌ല് താനെ അല്ല ആസ്യ നാഡ്‌ല് ഒട്ടുക്കുമു എഞ്ചോ ആള്‌ഗാള്‌ക്ക് സൊല്ലി അദ് നേര്‌ത്തെ എന്റ് അവാര്‌ന നമ്പ്യ ബെത്ത്‌റ്‌ന്റാന്.

1 കൊരിന്ത്യഗാറാര് 1:28

മന്‌സാര് കണ്ണ്‌ക്ക് മ്‌ഗ്‌ന്താദ് എന്റ് നെനേക്കുവാദ്‌ന ഒന്റുമല്ലത്താദ് മാഡ്യ ബേ്ണ്ടി സാമി ആര്‌മ് ഗെരേഗാത്തവാര്‌നാമ് ആള്‌ഗാള് സറ്‌പ്പ്‌ഗാള് എന്റ് നെനേക്ക്‌ന്റവാര്‌നാമ് ഒന്റു ബെലേമ് ഇല്ലാത്ത ആള്‌ഗാള്‌നാമ് തെരിന്തെ്ഡ്‌ത്താന്.

1 കൊരിന്ത്യഗാറാര് 10:14

അദ്‌നാലെ എനാക്ക് മെച്ച്‌പ്‌ഡിത്തവാരെ, സെലെഗാള്‌ന കുമ്മുഡുവാദ്‌ന തള്ളി ഓഡുനു.

1 കൊരിന്ത്യഗാറാര് 13:2

സാമി നായന നേരെ കേ്ട്ട് സൊല്ലുവ ബര ഒന്റു സമ്യ എനാക്ക് ഇന്ത് നാന് മറേന്ത്‌റ്‌ക്കുവ എല്ലാ പൊറുളുഗാള്‌ഗാള്‌ന നെപ്പ് കെ്ഡേസ്‌ന്റവാന്‌മ് എല്ലാ ദിന്‌സ്‌ല അറുവുമു ഇര്‌ക്ക്‌ന്റവാന്‌മ് ആല. മലെഗാള്‌ന മറ്‌ക്കുവ ദിന്‌സ്‌ല നമ്പിക്കേമ് എനാക്ക് ഒന്റു സമ്യ ഇര്‌ക്ക്‌ല. എന്റാല്‌മ് എനാക്ക് സീവാന് ഇല്ലാദെ പോന നാന് ആര്‌മല്ല.

1 കൊരിന്ത്യഗാറാര് 3:7

അദ്‌നാലെ നാട്ട്‌നവാനൊ, നീര് നലേസ്‌നവാനൊ ആര്‌മ് ദൊഡ്ഡവാരല്ല, സാമിത്തെ ദൊഡ്ഡവാന്. എന്ത്‌ക്കെന്റ് സൊന്ന സാമിത്തെ ബളാത്ത്‌നാദ്.

1 കൊരിന്ത്യഗാറാര് 8:4

അദ്‌നാലെ സെലേക്ക് മേല്‌സ ബെക്കുവ തീനിന പറ്റി നാന് സൊല്ലുന്റെ, ഉലഗാത്ത്‌ല സെലെഗാള് ഉജുരുപ്‌റാണി ഇല്ലാത്ത ജാദിഗാള് എന്റ്‌മ് സാമി ഒരുവാനല്ലാദെ ബേ്റൊന്റു സാമി ഇല്ലെ എന്റ്‌മ് നമാക്ക് തെരിമ്.

2 കൊരിന്ത്യഗാറാര് 12:11

നിമ്മാത്തെ എനാന ഒന്റു ബുദ്ദിഗെ്ട്ടവാന്‌ന പാസെ ഗേയ ബെത്താദ്. നിമ്മ എനാന പെരിമെപട്ടിന്ത്‌റ്‌ക്കുഡൊ. എന്ത്‌ക്കെന്റ് സൊന്ന നാന് ഒന്റുമല്ലത്തവാന് ആനാല്‌മ് ദൊഡ്ഡുദൊഡ്ഡ അപ്പോസുത്തലാര് എന്റ് സൊല്ലുന്റവാര്‌ന ബ്‌ഡ നാന് സ്‌ന്നവാനല്ല.