1 കൊരിന്ത്യഗാറാര് 10:13 - സാമി സേദി

¹³ പൊദുവുലു മന്‌സാര്‌ഗാള്‌ക്ക് ബരുവ സോദണെഗാള്‌ത്തെ നിമാക്ക് ബന്ത്‌ദ്. നിമാക്ക് താങ്ക്യ മുഡ്യാത്തത്ത്‌റ സോദണെ ബര്യ സാമി ബ്‌ഡമാട്ടാന്. എന്ത്‌ക്കെന്റ് സൊന്ന സാമി നമ്പ്യ മുഡിന്റവാന്‌ത്തെ. നിമാക്ക് സോദണെ ബര്‌ഗാട്ടി അദ്‌ന താങ്കി തപ്പിസി കഡാക്ക്യ സാമി നിമാന ബിലപഡുസുവാന്.

1 കൊരിന്ത്യഗാറാര് 10:13 ပူးပေါင်းရင်းမြစ်များ

മത്തായി 6:13

പാവ ഗേവ ആസേക്ക് എമാന സിക്ക്‌സാദെ കെ്ട്ടവാന് കയിലിന്ത് എമാന കാപാറ്റുഡോമെ. എന്ത്‌ക്കെന്റ് സൊന്ന എന്നാല്‌ക്ക്‌മ് എല്ലാ നാഡ്‌ന ആള്‌ന്റവാന്‌മ് മ്‌ഗ്‌ന്ത ബില ഇര്‌ക്ക്‌ന്റവാന്‌മ് മ്‌ഗ്‌ന്ത മദ്‌പ്പിര്‌ക്ക്‌ന്റവാന്‌മ് നീത്തെ, ആമേന്.>

ലൂക്കോസു 11:4

ബേ്റാള് എമാക്ക് പാവ ഗേഗാട്ടി എമ്മ പൊറുത്ത പാസെ എമ്മ ഗേന്ത പാവാനാമ് പൊറുക്കുഡോമെ, പാവ ഗേവ ആസേക്ക് സിക്ക്‌സാദെ എമാന കാക്കുഡോമേ> >> എന്റ് പരേസ്യ സൊന്നാന്.

ലൂക്കോസു 16:26

ഇദല്ലാദെ നിനാക്ക്‌മ് എമാക്ക്‌മ് നഡ്‌ക്കെ എന്നാല്‌ക്ക്‌മ് ഇര്‌ക്കുവ സെര്യാന ഒന്റു ബങ്ക്‌ബരെ ഇര്‌ക്ക്‌ന്റ്, അദ്‌നാലെ ഇദ്‌ലിന്ത് നിമ്മ് പട്ട്‌ക്ക് ബര്യാഗൊ, അദ്‌ലിന്ത് എമ്മ് പട്ട്‌ക്ക് ബര്യാഗൊ ആര്‌ക്ക്‌മ് മുഡ്യാമാട്ട> എന്റ് സൊന്നാന്.

ലൂക്കോസു 22:46

<<നിമ്മ എന്ത്‌ക്ക് ഉറാങ്കുവാദ്? സോദണേക്ക് സിക്കാദിര്‌ക്ക്യ ഇ്ളാഗി പരേസ്‌ന്>> എന്റ് സൊന്നാന്.

അപ്പോസുത്തലാര് 27:44

നീസ്യ തെര്യാത്തവാര് പലാഗെഗാള്‌നഗൊ, ഒഡേന്ത് തള്ള്‌ന കപ്പാല് പൊളിപ്പ്‌ഗാള്‌നഗൊ പ്‌ഡിത്ത് ഏ്ട്ടിക്ക് ഏ്റ്‌ന്>> എന്റ് സൊന്നാന്. അത്തെ എമ്മ ഒട്ടുക്കു ഒന്റുമാഗാദെ ഏ്ട്ടിക്ക് ഏ്റ്‌നേമ്.

1 കൊരിന്ത്യഗാറാര് 1:9

തന്ന് മഗാന്‌മ് നമ്മ് ആണ്ടവാന്‌മ് ആയിര്‌ക്കുവ ഏസ്സ് ക്‌റ്‌സ്‌ത്ത്‌ക്ക് എ്ണേന്ത് അയാള്‌ക്ക് ഇര്‌ക്കുവ എല്ലാദ്‌ക്ക്‌മ് പങ്ക്‌ഗാറാര് ആയ ബേ്ണ്ടി നിമാന ബ്‌ളിത്ത്‌റ്‌ക്കുവ സാമി നമ്പ്യ മുഡിന്റവാന്‌ത്തെ.

2 കൊരിന്ത്യഗാറാര് 1:10

ഉജുരുക്കു ബന്ത ഇത്ത്‌റ ദൊഡ്ഡ ആവാത്ത്‌ഗാള്‌ലിന്ത്‌ത്തെ സാമി എമാന കാപാറ്റ്‌നാദ്. സാമി എമാന കാപാറ്റുവാന്. ഇന്നിമ് എമാന കാപാറ്റുവാന് എന്റ് എമ്മ സാമിന നെഞ്ചഡെ ബെത്ത്‌റ്‌ക്ക്‌ന്റേമ്.

1 തെസെലോനിക്ക്യഗാറാര് 5:24

നിമാന തെരിന്തെ്ഡ്‌ത്ത സാമി നമ്പ്യ മുഡിന്റവാന്‌ത്തെ, അയാള് അദ്‌ന ഗേന്ത് മുഡിക്കുവാന്.

2 തെസെലോനിക്ക്യഗാറാര് 3:3

ആന ആണ്ടവാന് നമ്പ്യ മുഡിന്റവാന്‌ത്തെ. അയാള് നിമാന ഒറേപ്പുള്ളവാര് മാഡി കെ്ട്ടവാന് കയിലിന്ത് നിമാന സൂസാരിത്ത് ബെക്കുവാന്.

2 തിമിത്തോസു 4:18

എനാന കെ്ഡ്‌സുവ എല്ലാ കാര്യഗാള്‌ക്ക്‌മ് സിക്ക്‌സാദെ പാദ്‌ഗാപ്പോഡ സാമി ആള്യ പോവ നാഡ്‌ക്ക് ആണ്ടവാന് എത്തുസുവാന്. അയി ആണ്ടവാന്‌ക്ക് പേര്‌പെരിമെ എന്നാല്‌ക്ക്‌മ് ഇര്‌ക്കുഡൊ. ആമേന്.

എവുറായാര് 10:23

നമ്മ എദ്‌ക്ക സൊല്ലുവ നമ്മ് നെഞ്ചഡേല് ഒറേത്ത് നില്ല്‌ഗാന്. എന്ത്‌ക്കെന്റ് സൊന്ന നമാക്ക് ബാക്ക് തന്ത്‌റ്‌ക്കുവ സാമി അദ്‌ന നഡാത്തി തരുവാന് എന്റ് സാമിന നമാക്ക് നമ്പ്യ മുഡിമ്.

എവുറായാര് 11:11

സാറ ബറാഡി ആയിന്ത്‌മ് അവുറഗാമ് ഒന്റേപെ്ട്ട് പേറാള് ആയിന്ത്‌മ് ഗുഡി നമ്പിക്കെ ഇന്താദ്‌നാലെ അവുറഗാമ്‌ക്ക് പ്‌ള്ളെഗാറാനായ മുഡിന്ത്‌ദ്. സാമി ബാക്ക് തന്താദ്‌ന അയാള് ഗേന്ത് തരുവാന് എന്റ് അവുറഗാമ് നമ്പ്‌നാന്.

എവുറായാര് 12:4

നിമ്മ പാവ ഗേഗാദെ ഇര്‌ക്ക്യ ബേ്ണ്ടി മല്ല് കെ്ട്ടികൊണ്ടേ ഇര്‌ക്ക്‌ന്റ്‌റ്. എന്റാല്‌മ് നിമ്മ ഉജുരു പോവ മാട്ട്‌ക്ക് മല്ല് കെ്ട്ടാലെ.

എവുറായാര് 6:18

സാമി ബാക്ക് കൊഡുത്താദ്‌മ് സത്ത്യ ഗേന്താദ്‌മ് മാറ്റ്യ മുഡ്യാത്ത റാഡ് കാര്യഗാള്‌ത്തെ. എന്ത്‌ക്കെന്റ് സൊന്ന സാമിക്ക് പൊയി സൊല്ല്യ മുഡ്യാമാട്ട. അദ്‌നാലെ പാദ്‌ഗാപ്പ്‌ക്ക് ബേ്ണ്ടി സാമി പട്ട്‌ക്ക് പോവ നമാക്ക് ഈ റാഡ് കാര്യഗാള് നമ്മ ബെത്ത്‌റ്‌ക്കുവ നെഞ്ചഡേല് ഒറേത്ത് നില്ല്യ ദയിരപഡ്‌സ്‌ന്റ്.

1 പത്ത്‌റോസു 4:19

അദ്‌നാലെ സാമി പിര്യാക്ക് കജട്ട പഡുവാദ്‌ന താങ്ക്‌ന്റവാര് നല്ലാദ് ഗേന്ത് കൊണ്ടു സൊന്ന പാസെ ഗേന്റവാനായി ദ്‌ട്ട്‌സ്‌നവാന് കയിക്ക് തമ്മ് നിഗാല് കുട്ടിന ഒപ്പുസുഡൊ.

2 പത്ത്‌റോസു 2:9

ഈ കാര്യഗാളെല്ല നമാക്ക് കാട്ടി തരുവാദ് എന്തെന്റ് സൊന്ന, സാമി ബക്‌തിഗാറാര്‌ന എത്തെ കജട്ടാത്ത്‌ലിന്ത് കാപാറ്റുഡൊ എന്റ്‌മ് കേ്ഡ്‌ഗെ്ട്ടവാര് ഇന്നാല് ദെ്ണ്ടണെ പട്ട്‌കൊണ്ടു ഇര്‌ക്കാട്ടിതാനെ കഡേസി നാള്‌ല ബിദിക്ക് അവാര്‌ന എത്തെ എ്ഡ്‌ത്ത് പോഡൊ എന്റ്‌മ് ആണ്ടവാനാന സാമിക്ക് തെരിന്റ്.

1 ഓഗന്നാന് 1:9

നമ്മ ഗേന്ത പാവാന നേരെ സാമിക്ക് സൊന്നദാന സാമി നമ്മ് പാവാന മനേസ്സാറാമ് നായപലഗരാമ് പൊറുത്തു തന്ത് നമ്മ ഗേന്ത എല്ലാ പാവനാമ് ഇല്ലാദെ മാഡുവാന്.

ബെ്ളിപട്ട കാര്യ 19:11

അദ്‌ക്ക് പ്‌റ മേലോഗ ത്‌റാന്ത്‌റ്‌ക്കുവാദ്‌ന നാന് കണ്ടെ. നാന് നോഡുഗാട്ടി ഒന്റു ബെ്ള്ള കുദുറെന കണ്ടെ. അയി കുദുറെ കുദ്ദാക്ക് കുക്കാന്ത് ഇര്‌ന്റവാന്‌ന നമ്പ്യ മുഡിന്റവാന് എന്റ്‌മ് സത്ത്യമുള്ളവാന് എന്റ്‌മ്‌ത്തെ ബ്‌ളിത്തിന്താദ്. നേര്‌മോഡാത്തെ അയാള് ആള്‌ഗാള്‌ന ബിദിക്കുവാദ്‌മ് പോട്ടിഗാറാരോഡ ജുദ്ദ ഗേവാദ്‌മ്.

ബെ്ളിപട്ട കാര്യ 2:10

നീ കജട്ടപഡ്യ പോവാദ്‌ന പറ്റി നീ അഞ്ചബേ്ഡ. നിമാന സോദണെ ഗേയ ബേ്ണ്ടി സെയിത്താന് നിമാത്ത്‌ല് പഗ്‌ദ്യാള്‌ന ജെയില്‌ക്ക് അഡേക്കുവാന്. പത്ത് നാള് നിമാക്ക് കജട്ട ഇര്‌ക്ക്‌മ്. നിമാന കൊല്ലുവദാനാല്‌മ് എനാന നമ്പുവാദ്‌ന തള്ളദേന്. എന്റദാന, നാന് നിമാക്ക് എന്നാല്‌ക്ക്‌മ് ഇര്‌ക്കുവ ഉജുരുന ഗിര്യാഡായി തരുവേന്.

ബെ്ളിപട്ട കാര്യ 3:10

പൊറിമോഡ താങ്കുവാദ്‌ന പറ്റ്യുള്ള എന്ന് ബുദ്ദിനായന നീ കേ്ട്ട് നഡാന്തായി. അദ്‌നാലെ ബൂമിലിര്‌ന്റവാര്‌ന ഒട്ടുക്കു സോദണെ ഗേയ ബേ്ണ്ടി ബൂമില് ഒട്ടുക്കുമു ബര്യ ഇര്‌ക്കുവ കജട്ട കാല ഗളിഗേക്ക് നാന് നിനാന പാദ്‌ഗാക്കുവെ.