1 കൊരിന്ത്യഗാറാര് 1:30 - സാമി സേദി30 സാമി നിമാന ക്‌റ്‌സ്‌ത്ത് ഏസ്സോഡ ഒന്റാക്കി ബെത്ത്‌റ്‌ന്റാന്. ക്‌റ്‌സ്‌ത്ത്‌ത്തെ നമാക്ക് അറുവുവു ബുദ്ദിമ് ആയി തീന്താദ്. ക്‌റ്‌സ്‌ത്ത്‌ത്തെ നമാനാമ് സാമിനാമ് രാജി കൂഡുസുനാദ്. ക്‌റ്‌സ്‌ത്ത്‌ത്തെ നമാന സുത്താപ്പുള്ളവാര്‌മ് കുറ്റകൊറെ ഇല്ലത്തവാര്‌മ് മാഡ്‌നാദ്. ക്‌റ്‌സ്‌ത്ത്‌ത്തെ നമാന നമ്മ് പാവാത്ത്‌ലിന്ത് ബ്‌ഡ്‌സ്‌നാദ്. အခန်းကိုကြည့်ပါ။ |
1 കൊരിന്ത്യഗാറാര് 1:30
76 ပူးပေါင်းရင်းမြစ်များ
കൊരിന്ത്യ പട്ടണാത്ത്‌ല ഏസ്സ്‌ഗാറാര് കൂട്ടാക്ക് എ്ള്‌ദുവ എ്ള്‌ത്ത്. ക്‌റ്‌സ്‌ത്ത് ഏസ്സ്‌ന ബെത്ത് സാമി നിമാന സുത്താപ്പുള്ളവാര് മാഡി തനാക്ക് ബേ്ണ്ടി അലാക്ക പ്‌റ്‌ത്ത് ബെത്ത്‌റ്‌ന്റാന്. ഉലഗാത്ത്‌ല് എല്ലാ സാരിമ് ഏസ്സ് ക്‌റ്‌സ്‌ത്ത്‌ന പരേസുവ എല്ലാ ആള്‌ഗാളോഡൊപ്പത്തെ സാമി നിമാനാമ് തനാക്ക് സുത്താപ്പുള്ളവാര് ആയിര്‌ക്ക്യ ബേ്ണ്ടി തെരിന്തെ്ഡ്‌ത്താദ്. ഈ ഏസ്സ് ക്‌റ്‌സ്‌ത്ത് നമ്മ് ആണ്ടവാന്‌മ് അവാര് ആണ്ടവാന്‌മ്‌ത്തെ.
അദ്‌താനേമല്ല, ഏസ്സ് ക്‌റ്‌സ്‌ത്ത് സൊന്ന സൊല്ലുസുലാക്കാത്ത്‌ല് നിമാക്ക് ഇര്‌ക്കുവ അറുവുന ദൊഡ്ഡ അറുവായി എ്ഡ്‌ക്കുവാദ്‌നാലെ അയി അറുവുന ബെത്ത് സാമി നിമാന ഗവപഡുവാദ്‌ന പറ്റി പാഡുവ പാട്ട്‌ഗാള്‌മ് സാമിക്ക് നണ്ണി സൊല്ലുവ പാട്ട്‌ഗാള്‌മ് തെറ്റ്‌കുറ്റ ഗേഗാദിര്‌ക്ക്യ അഡ്‌ത്തവാര്‌ക്ക് ബുദ്ദി സൊല്ലുവ പാട്ട്‌ഗാള്‌മ് പാഡി സാമിന ഉജാത്ത്‌ന്.
അപ്പാന് സാമി മുന്നുക്കെ തെരിന്തിന്ത പാസെ സാമിനിഗാല്‌ന ബെത്ത് സാമിക്ക് പട്ടവാര് മാഡ്‌നവാര്‌മ് അയാള് സൊല്ലുപഡിക്ക് ഇര്‌ക്ക്യ ബേ്ണ്ടി ഏസ്സ് ക്‌റ്‌സ്‌ത്ത് സോരെന തളിത്ത് സുത്താപ്പുള്ളവാര് മാഡ്‌നവാര്‌മ്‌ത്തെ നിമ്മ. നിമാക്ക് സേത്തി സേത്തി സാമി പ്‌ണ്ണ്യാമ് കെ്ഡേക്കുഡൊ, നിമ്മ നല്ല നിമ്മ്‌ദ്യായിമ് ഇര്‌ക്കുഡൊ.
ഇവാര് പെ്ണ്ണ്‌മക്കാളോഡ ഉറാങ്കി തമാന കെ്ഡ്‌സാദെ കന്നി പെ്ണ്ണ്‌ഗാള്‌ന പാസെ ഇന്താര്. അവാര് കൊറ്യാഡ് കുട്ടി പിന്ന്‌മേലെ അദ് പോവ സാര്യെല്ല പോന്റാര്. മന്‌സാര്‌ഗാള്‌ലിന്ത് ബെലേക്ക് ബാങ്ക്‌നവാര്‌മ് അറ്‌ക്കാട്ടി മുദാല് കെ്ഡേക്കുവ ബെ്ള്ളാമെന സാമിക്ക് കൊഡുക്കുവ പാസെ സാമിക്ക്‌മ് കൊറ്യാഡ് കുട്ടിക്ക്‌മ് കൊഡുത്തവാര്‌മ്‌ത്തെ ഇവാര്.
അവാര് പുദ്യ ഒന്റു പാട്ട് പാഡ്‌നാര്, <<ബൊക്കുന എ്ഡ്‌ക്ക്യാമ് മുദ്ദുറെഗാള്‌ന പൊട്ടിസ്യാമ് തഗ്‌ദ്യുള്ളവാന് നീത്തെ. എന്ത്‌ക്കെന്റ് സൊന്ന നിനാന അറ്‌ത്ത് കൊന്റാര്. എല്ലാ കുലഗാള്‌ലിന്ത്‌മ്, എല്ലാ നായഗാറാര്‌ലിന്ത്‌മ്, എല്ലാ ബമ്മേസഗാള്‌ലിന്ത്‌മ്, എല്ലാ ജാദിഗാള്‌ലിന്ത്‌മ് ആള്‌ഗാള്‌ന നീ സാമിക്ക് ബേ്ണ്ടി നിന്ന് സോരെന കൊഡുത്തു ബാങ്ക്യെ്ഡ്‌ത്തായി.
ကြော်ငြာတွေ