1 കൊരിന്ത്യഗാറാര് 1:27 - സാമി സേദി27 ആന അറിവാളിഗാള് എന്റ് നെനേക്ക്‌ന്റവാര്‌ന നാണഗെ്ഡിസ്യ ബേ്ണ്ടി സാമി മന്‌സാര് കണ്ണ്‌ക്ക് ബുദ്ദിഗെ്ട്ടാദ്‌മ് അറുവുഗെ്ട്ടാദ്‌മ് ആനാദ്‌ന തെരിന്തെ്ഡ്‌ത്താന്. സക്‌തി ഇര്‌ക്ക്‌ന്റവാര് എന്റ് നെനേക്ക്‌ന്റവാര്‌ന നാണഗെ്ഡിസ്യ ബേ്ണ്ടി മന്‌സാര് കണ്ണ്‌ക്ക് സക്‌തി ഇല്ലത്താദ്‌ന സാമി തെരിന്തെ്ഡ്‌ത്താന്. အခန်းကိုကြည့်ပါ။ |
1 കൊരിന്ത്യഗാറാര് 1:27
27 ပူးပေါင်းရင်းမြစ်များ
<<ഇവാര് സൊല്ലുവാദ്‌ന കേ്ള്‌ക്ക്‌ന്റായ?>> എന്റ് അവാര് അയാള്‌ന കേ്ട്ടാര്. അദ്‌ക്ക് ഏസ്സ് അവാര്‌ക്ക്: <<നാന് കേ്ള്‌ക്ക്‌ന്റെ, <മക്കാള്‌ഗാള്‌മ് പച്ചെപ്‌ള്ളെഗാള്‌മ് അവാര് ബായാലെ, നിനാന ദൊഡ്ഡവാന് എന്റ് സൊല്ല്യ ബേ്ണ്ടി നീ താനെ അവാര്‌ന ഒരിക്കി ബെത്ത്‌റ്‌ക്ക്‌ന്റായി> എന്നുവാദ്‌ന ഇന്നമാട്ട്‌ക്ക് പഡിത്ത് നോഡാലേഗ?>> എന്റ് കേ്ട്ടാന്.
എപ്പികൂര്യാര് എന്റ്‌മ് ഇസ്‌ത്തോയിഗാറാര് എന്റ്‌മ് സൊല്ലിന്ത ബാത്ത്യനാമ്‌ഗാള്‌ല് ലേസ ആള്‌ഗാള് പവുലോസോഡ തറ്‌ക്ക്‌നാര്. <<ഇയാള് സൊല്ലുവാദ് എന്തെന്റ് ഇയാള്‌ക്ക് താനെ തെരിവാദില്ലെ. ഇയാള് എന്ത്‌ന പറ്റി സൊല്ല്യ ഓരാഡ്‌ന്റാന്?>> എന്റ് അവാര്‌ല് ലേസ ആള്‌ഗാള് കേ്ട്ടാര്. ഏസ്സ്‌നാമ്, ഏസ്സ് ഉജുര്‌ളാഗുവാദ്‌നാമ് പറ്റിത്തെ അയാള് സൊന്റാന്. അദ്‌നാലെ <<അയാള് ബേ്റെ സാമിഗാള്‌ന പറ്റിത്തെ സൊന്റാനാര്‌ക്കൊ?>> എന്റ് അവാര്‌ല് ബേ്റെ ലേസ ആള്‌ഗാള് സൊന്നാര്.
തെപാനോസു പിന്നേമ് സൊന്നാന്, <<ഇസ്‌റവേല്‌ഗാറാര് തെ്റിന്ത് തള്ള്‌ന മോസെത്തെ ഇദ്. <നീ എമാക്ക് രാജാവ? നിനാക്ക് ഈ അദിഗര തന്താദ് ആര്?> എന്റ് അവാര് കേ്ട്ടിന്താര്. ആന ഈ മോസെനത്തെ സാമി ഇസ്‌റവേല്‌ഗാറാര്‌ക്ക് അദിഗാരിമ്, അവാര്‌ന കാപാറ്റ്‌ന്റവാന്‌മ് മാഡി സൊല്ലി ബ്ട്ടാദ്. കത്തികൊണ്ടു ഇര്‌ക്കുവ മുള്ളു ഗുമ്പുഗാള്‌ല് അയാള്‌ക്ക് ബെ്ളിപട്ട ദൂദാന്‌നത്തെ സാമി മോസേക്ക് തൊണെ സൊല്ലി ബ്ട്ടാദ്.
ကြော်ငြာတွေ