1 കൊരിന്ത്യഗാറാര് 1:23 - സാമി സേദി23 ആന എമ്മാഗൊ, കുരുസുലു സത്ത ക്‌റ്‌സ്‌ത്ത്‌ന പറ്റിത്തെ സൊല്ലുവാദ്. അയി സേദി എഗുദാര്‌ക്ക് തൊന്തറെ മാഡുവാദ്‌മ് എഗുദാരല്ലാത്ത ജാദിഗാള്‌ക്ക് ബുദ്ദിഗെ്ട്ട നായാമ്‌ത്തെ. အခန်းကိုကြည့်ပါ။ |
1 കൊരിന്ത്യഗാറാര് 1:23
22 ပူးပေါင်းရင်းမြစ်များ
അവാര്‌ന: <<നിമ്മ നലമായി ഇര്‌ന്>> എന്റ് സൊന്ന പ്‌റ സിമ്മ്യോനു മറിയാക്ക് ഇത്തെ സൊന്നാന്: <<ഇസ്‌റവേല് ആള്‌ഗാള്‌ല് എഞ്ചോ ആള്‌ഗാള് തനാന നമ്പി തപ്പിസി കഡാക്ക്യാമ് നമ്പാത്തവാര് കെ്ട്ട് പോയാമ് സാമി ഈ മഗാന എ്ഡ്‌ത്ത് ബെത്ത്‌റ്‌ന്റാന്. ഈ മഗ സാമി ബെത്ത്‌റ്‌ക്കുവ ഒന്റു അഡ്യാള ആയിര്‌ക്കുവാന്. എഞ്ചോ ആള്‌ഗാള് അയാള്‌ന ബേ്ഡ എന്റ് തള്ളുവാര്.
ആന സാമിനിഗാല് ഇല്ലാത്ത മന്‌സാന് സാമിനിഗാല് പഡുസുവ നായഗാള്‌ന കാദ്‌ക്കിക്കുവാദില്ലെ. എന്ത്‌ക്കെന്റ് സൊന്ന അയി കാര്യഗാള്‌ന ബുദ്ദിഗെ്ട്ട കാര്യഗാള് എന്റ്‌ത്തെ അയാള് നെനേക്കുവാദ്. അയി കാര്യഗാള് അയാള്‌ക്ക് നെപ്പ്‌കെ്ഡേക്കുവാദില്ലെ. എന്ത്‌ക്കെന്റ് സൊന്ന അയി കാര്യഗാള്‌ന സാമിനിഗാല് ഉദാവിനാലെത്തെ അയാള് സൊക്കാന പുരുപ്പു മാഡി എ്ഡ്‌ക്കുവാദ്.
ക്‌റ്‌സ്‌ത്ത്‌ന പറ്റി സൊല്ലുവാദ്‌നാലെ മന്‌സാര് കണ്ണ്‌ക്ക് എമ്മ ബുദ്ദിഗെ്ട്ടവാര്‌ത്തെ. ആന നിമ്മ ക്‌റ്‌സ്‌ത്ത്‌ക്ക് എ്ണേന്ത്‌റ്‌ക്കുവാദ്‌നാലെ നിമ്മ ബുദ്ദിസാലിഗാള് എന്റ് നെനേക്ക്‌ന്റ്‌റ്. എമാക്ക് അദിഗര ഒന്റുമില്ലെ, ആന നിമാക്ക് സാമിലിന്ത് അദിഗര കെ്ഡേത്ത്‌റ്‌ക്ക്‌ന്റ് എന്റ്‌മ് നിമ്മ നെനേക്ക്‌ന്റ്‌റ്. നിമ്മ മദ്‌പ്പ് കെ്ഡേത്തവാര് എന്റ്‌മ് നിമ്മ നെനേക്ക്‌ന്റ്‌റ്, ആന എമ്മ മദ്‌പ്പ് കെ്ഡേക്കാത്തവാര്.
ആന ഏസ്സ്‌ഗാറാരാന എന്ന് എ്ണേവുഗാറാരെ, പരിസേദനെ സാത്ത്‌റ ഗേഡൊ എന്റ് നാന് ഇന്നാല്‌മ് സൊല്ലുവദാന നാന് എന്ത്‌ക്ക് കൊഡിമെപഡുവാദ്? ക്‌റ്‌സ്‌ത്ത് കുരുസുലു സത്ത് നമാക്ക് ബേ്ണ്ടി ഗേന്ത കാര്യന നമ്പുഡൊ എന്റ് സൊല്ലുവാദ്‌ക്ക് ബദ്‌ല പരിസേദനെ സാത്ത്‌റ ഗേസുഡൊ എന്റ് സൊല്ലിന്തദാന നാന് എഗുദാര് കണ്ണ്‌ക്ക് കുറ്റഗാറാന് ആയിന്ത്‌റ്‌ക്കമാട്ടെ.
നമാന സാമിന നമ്പ്യ ബെത്തവാന്‌മ് കഡേസി മാട്ട്‌മ് നമാന നമ്പിക്കേല് ഒന്റേപെ്ട്ട് കൊറേവു ബര്‌സ്സാദെ ബെക്ക്‌ന്റവാന്‌മ് ആന ഏസ്സ്‌ന താനെ നോഡി ഓഡുഗാന്. തനാക്ക് ബര്യ പോവ പിര്യന നെനേത്ത് കുരുസുലു സാവാദ്‌നാലെ ബരുവ മാനകേ്ഡ്‌ന നോഡാദെ അയാള് കുരുസുലു സത്താന്. അയാള് ഇന്നാല് സാമി കുറിഞ്ചിക്ക് ബല സാരി കുക്കാന്ത്‌റ്‌ക്ക്‌ന്റാന്.
ကြော်ငြာတွေ