എപ്പികൂര്യാര് എന്റ്‌മ് ഇസ്‌ത്തോയിഗാറാര് എന്റ്‌മ് സൊല്ലിന്ത ബാത്ത്യനാമ്‌ഗാള്‌ല് ലേസ ആള്‌ഗാള് പവുലോസോഡ തറ്‌ക്ക്‌നാര്. <<ഇയാള് സൊല്ലുവാദ് എന്തെന്റ് ഇയാള്‌ക്ക് താനെ തെരിവാദില്ലെ. ഇയാള് എന്ത്‌ന പറ്റി സൊല്ല്യ ഓരാഡ്‌ന്റാന്?>> എന്റ് അവാര്‌ല് ലേസ ആള്‌ഗാള് കേ്ട്ടാര്. ഏസ്സ്‌നാമ്, ഏസ്സ് ഉജുര്‌ളാഗുവാദ്‌നാമ് പറ്റിത്തെ അയാള് സൊന്റാന്. അദ്‌നാലെ <<അയാള് ബേ്റെ സാമിഗാള്‌ന പറ്റിത്തെ സൊന്റാനാര്‌ക്കൊ?>> എന്റ് അവാര്‌ല് ബേ്റെ ലേസ ആള്‌ഗാള് സൊന്നാര്.
1 കൊരിന്ത്യഗാറാര് 1:18 - സാമി സേദി18 കുരുസുലു സത്ത ക്‌റ്‌സ്‌ത്ത്‌ന പറ്റ്യുള്ള സേദി കെ്ട്ട് പോന്റവാര്‌ക്ക് ബുദ്ദിഗെ്ട്ട നായത്തെ. ആന തപ്പിസി കഡാക്കുവ നമാക്ക് അദ് സാമി സക്‌തിത്തെ. အခန်းကိုကြည့်ပါ။ |
1 കൊരിന്ത്യഗാറാര് 1:18
21 ပူးပေါင်းရင်းမြစ်များ
ആന സാമിനിഗാല് ഇല്ലാത്ത മന്‌സാന് സാമിനിഗാല് പഡുസുവ നായഗാള്‌ന കാദ്‌ക്കിക്കുവാദില്ലെ. എന്ത്‌ക്കെന്റ് സൊന്ന അയി കാര്യഗാള്‌ന ബുദ്ദിഗെ്ട്ട കാര്യഗാള് എന്റ്‌ത്തെ അയാള് നെനേക്കുവാദ്. അയി കാര്യഗാള് അയാള്‌ക്ക് നെപ്പ്‌കെ്ഡേക്കുവാദില്ലെ. എന്ത്‌ക്കെന്റ് സൊന്ന അയി കാര്യഗാള്‌ന സാമിനിഗാല് ഉദാവിനാലെത്തെ അയാള് സൊക്കാന പുരുപ്പു മാഡി എ്ഡ്‌ക്കുവാദ്.
ക്‌റ്‌സ്‌ത്ത്‌ന പറ്റി സൊല്ലുവാദ്‌നാലെ മന്‌സാര് കണ്ണ്‌ക്ക് എമ്മ ബുദ്ദിഗെ്ട്ടവാര്‌ത്തെ. ആന നിമ്മ ക്‌റ്‌സ്‌ത്ത്‌ക്ക് എ്ണേന്ത്‌റ്‌ക്കുവാദ്‌നാലെ നിമ്മ ബുദ്ദിസാലിഗാള് എന്റ് നെനേക്ക്‌ന്റ്‌റ്. എമാക്ക് അദിഗര ഒന്റുമില്ലെ, ആന നിമാക്ക് സാമിലിന്ത് അദിഗര കെ്ഡേത്ത്‌റ്‌ക്ക്‌ന്റ് എന്റ്‌മ് നിമ്മ നെനേക്ക്‌ന്റ്‌റ്. നിമ്മ മദ്‌പ്പ് കെ്ഡേത്തവാര് എന്റ്‌മ് നിമ്മ നെനേക്ക്‌ന്റ്‌റ്, ആന എമ്മ മദ്‌പ്പ് കെ്ഡേക്കാത്തവാര്.
ഈ ഉലഗാത്ത്‌ലവാര് തമ്മ് പോട്ടിഗാറാരോഡ ജുദ്ദ ഗേയ എ്ഡ്‌ക്കുവ ജാദിഗാളല്ല എമ്മ എ്ഡ്‌ക്കുവാദ്. എമാക്ക് ഇര്‌ക്കുവ ജാദിഗാള് മ്‌ഗ്‌ന്ത സാമി സക്‌ത്യുള്ളാദ്‌ത്തെ. പട്ടളഗാറാര് തമ്മ് പോട്ടിഗാറാര് കോട്ടെഗാള്‌ന ഇ്ഡിത്ത് തള്ളുവ പാസെ അദ്‌ന ബെത്ത് എമ്മ പോട്ടിഗാറാര് സക്‌തിന ദൂളു പറാത്ത്‌ന്റേമ്. മന്‌സാന് തപ്പായി ബാദിക്കുവ എല്ലാ കാര്യഗാള്‌നാമ് ഇല്ലാദെ മാഡ്‌ന്റേമ്.
നമാന സാമിന നമ്പ്യ ബെത്തവാന്‌മ് കഡേസി മാട്ട്‌മ് നമാന നമ്പിക്കേല് ഒന്റേപെ്ട്ട് കൊറേവു ബര്‌സ്സാദെ ബെക്ക്‌ന്റവാന്‌മ് ആന ഏസ്സ്‌ന താനെ നോഡി ഓഡുഗാന്. തനാക്ക് ബര്യ പോവ പിര്യന നെനേത്ത് കുരുസുലു സാവാദ്‌നാലെ ബരുവ മാനകേ്ഡ്‌ന നോഡാദെ അയാള് കുരുസുലു സത്താന്. അയാള് ഇന്നാല് സാമി കുറിഞ്ചിക്ക് ബല സാരി കുക്കാന്ത്‌റ്‌ക്ക്‌ന്റാന്.
സാമി സൊല്ലുസുലാക്ക ഉജുരു ഉള്ളാദ്‌മ് സക്‌ത്യുള്ളാദ്‌മ്‌ത്തെ. അദ് റാഡ് സാരിമ് ഉരുക്കുള്ള എല്ലാ ബാള്‌ഗാള്‌ന ബ്‌ഡ ഉരുക്കുള്ളാദ്‌ത്തെ. അദ് മനേസ്സ്‌നാമ് ഉജുരുനാമ് അദേപാസെ മൂട്ടുഗാള്‌നാമ് എല്‌മ്പ് മൂളെഗാള്‌നാമ് അലാക്കലാക്ക ബ്‌ഡ്‌സുവ മാട്ട്‌ക്ക് ഒഡേത്ത് പോവാദ്‌ത്തെ. അദ് നെഞ്ച് കുളാക്ക്‌ല നെനേവുഗാള്‌നാമ് ആസെഗാള്‌നാമ് സോദണെ ഗേന്ത് അദ് നല്ലാദ കെ്ട്ടാദ എന്റ് ബിദിക്ക്‌ന്റ്.
ကြော်ငြာတွေ