1 കൊരിന്ത്യഗാറാര് 1:17 - സാമി സേദി

¹⁷ ക്‌റ്‌സ്‌ത്ത് എനാന സൊല്ലി ബ്‌ട്ടാദ് നീര്‌ക്ക് മുളുഗുസ്യല്ല, നല്ല സേദിന പറ്റി സൊല്ല്യാത്തെ സൊല്ലി ബ്‌ട്ടാദ്. കുരുസുലു സത്ത ക്‌റ്‌സ്‌ത്ത്‌ന പറ്റ്യുള്ള സേദിക്ക് ആള്‌ഗാള്‌ന കാപാറ്റുവ സക്‌തി ഇര്‌ക്ക്‌ന്റ്. അയി സക്‌തി ഇല്ലാദാഗാദെ ഇര്‌ക്ക്യ ബേ്ണ്ടി നല്ല നായഗാറാന് എന്നുവ തിരമേല് അല്ല നാന് അയി നല്ല സേദിന സൊന്നാദ്.

1 കൊരിന്ത്യഗാറാര് 1:17 ပူးပေါင်းရင်းမြစ်များ

ഓഗന്നാന് 4:1

ഏസ്സ് ഓഗന്നാന്‌ന ബ്‌ഡ മൊത്തന ആള്‌ഗാള്‌ന തന്ന് സൊല്ലുപഡിക്ക് നഡാക്ക്‌ന്റവാര് മാഡികൊണ്ടുമു നീര്‌ക്ക് മുളുഗുസി കൊണ്ടുമു ഇര്‌ക്ക്‌ന്റാന് എന്റ് പരിസാര്‌ഗാള്‌ക്ക് സേദി കെ്ഡേത്ത്‌ദ് എന്റ് ഏസ്സ്‌ക്ക് തെരിന്ത്‌ദ്.

ഓഗന്നാന് 4:2

(തന്ന് സൊല്ലുപഡി നഡാക്ക്‌ന്റവാര്‌ത്തെ ആള്‌ഗാള്‌ന നീര്‌ക്ക് മുളുഗുസ്‌നാദ്. ഏസ്സ് ആര്‌നാമ് നീര്‌ക്ക് മുളുഗുസാലെ.)

അപ്പോസുത്തലാര് 10:48

അത്തെ അവാര്‌ന ഏസ്സ് ക്‌റ്‌സ്‌ത്ത് പേര്‌ല് നീര്‌ക്ക് മുളുഗുസ്യ പത്ത്‌റോസു സൊന്നാന്. ലേസ നാള് സെറ്റെ എമ്മോഡ ഇന്ത് പോഡോമെ എന്റ് അവാര് പത്ത്‌റോസുക്കു സൊന്നാര്.

1 കൊരിന്ത്യഗാറാര് 2:1

എന്ന് ഏസ്സ്‌ഗാറാരെ, നാന് നിമ്മ് പട്ട്‌ക്ക് സാമി സേദിന സൊല്ല്യ ബന്ത ഗളിഗേല് ദൊഡ്ഡ നായഗാറനായൊ ദൊഡ്ഡ അറുവുഗാറാനായൊ അല്ല ബന്താദ്.

1 കൊരിന്ത്യഗാറാര് 2:13

അദ്‌നാലെ മന്‌സാന് അറുവുലുമു ബുദ്ദില്‌മ് പഡുസുവ നായഗാള്‌ന ബെത്തല്ല എമ്മ നായ സൊല്ലുവാദ്. സാമിനിഗാല് പഡുസുവ നായഗാള്‌ന ബെത്ത്‌ത്തെ എമ്മ നായ സൊല്ലുവാദ്. അത്തെ സാമിനിഗാല് ഇര്‌ക്ക്‌ന്റവാര്‌ക്ക് സാമിനിഗാല് എമാക്ക് സൊന്ന സത്ത്യഗാള്‌ന എമ്മ പഡ്‌സ്‌ന്റേമ്.

2 കൊരിന്ത്യഗാറാര് 1:12

ഈ ഉലഗാത്ത്‌ല ആള്‌ഗാള് പട്ട്‌ല്, മുക്ക്യമായിമ് നിമ്മ് പട്ട്‌ല് പെ്ളേക്കാട്ടി സാമി എമാക്ക് തന്ത സുത്താപ്പുള്ള മനേസ്സോഡാമ് കവാഡില്ലാത്ത മനേസ്സോഡാമ്‌ത്തെ പെ്ളേത്തേമ്. ഈ ഉലഗാത്ത്‌ലിന്ത് കെ്ഡേത്ത അറുവുനാലെ അല്ല സാമി ഗേന്ത പ്‌ണ്ണ്യാത്ത്‌ല്‌ത്തെ എമാക്ക് അത്തെ പെ്ളേക്ക്യ മുഡിന്താദ്. ഇദ് നേര്‌ത്തെ എന്റ് എമ്മ് മനേസ്സ് ഒറേപ്പായിമ് സൊന്റു. ഇദ്‌നത്തെ എമ്മ പെരിമെപഡ്‌ന്റേമ്.

2 കൊരിന്ത്യഗാറാര് 10:10

എന്ത്‌ക്കെന്റ് സൊന്ന, അയാള് എ്ള്‌ദുവ കത്ത്‌ന കണ്ട കഡ്‌പ്പ ഉള്ള മ്‌ഗ്‌ന്ത കാര്യഗാള്‌നത്തെ എ്ള്‌ദിര്‌ക്ക്‌ന്റാന്. ആന ഗണ്ട് എന്നുവ കാര്യാത്ത്‌ല് അയാള് ഒന്റുക്കുമു തഗ്‌ദി ഇല്ലത്തവാന്‌മ് അയാള് നായാക്ക് ഒന്റു ബെലേമ് ഇല്ലെ എന്റ് ലേസ ആള്‌ഗാള് സൊന്റാരല്ല?

2 കൊരിന്ത്യഗാറാര് 11:6

നാന് നായ സൊല്ല്യ തഗ്‌ദി ഇല്ലത്തവാന് ആയിന്താല്‌മ് നാന് അറുവില്ലാത്തവാന് അല്ല. എല്ലാ കാര്യഗാള്‌ല്‌മ് എമ്മ അദ്‌ന നിമാക്ക് കാട്ടി തന്ത്‌റ്‌ന്റേമ്.

2 കൊരിന്ത്യഗാറാര് 4:2

സൂഗാന ഗേവ എല്ലാ നാണഗെ്ട്ട കാര്യഗാള് എമ്മ ഗേവാദില്ലെ. ആള്‌ഗാള്‌ന ഏമാത്തുവ കാര്യഗാളൊ സാമി സൊല്ലുസുലാക്കന തപ്പായി പഡിസി കൊഡുക്കുവാദൊ ഒന്റുമു എമ്മ ഗേവാദില്ലെ. സത്ത്യാന താനെത്തെ എമ്മ ആള്‌ഗാള്‌ക്ക് പഡിസി കൊഡുക്കുവാദ്. അത്തെ സാമി കണ്ണ്‌ക്ക് എമ്മ ആര് എന്റ് എല്ലാ ആള്‌ഗാള്‌ക്ക്‌മ് കാട്ടി കൊഡുക്കുന്റേമ്.

2 പത്ത്‌റോസു 1:16

നമ്മ് ആണ്ടവാന് ഏസ്സ് ക്‌റ്‌സ്‌ത്ത് സക്‌തിന പറ്റിമ് അയാള് ബരുവാദ്‌ന പറ്റിമ് നിമാക്ക് സൊല്ലുഗാട്ടി ബുദ്ദ്യോഡ കദെ ബെക്ക്യ ബേ്ണ്ടി ബെത്ത കദെഗാള്‌ന ബെത്തല്ല സൊന്നാദ്. അദ്‌ക്ക് ബദ്‌ല അയാള് മദ്‌പ്പ്‌ന കണ്ണാറ കണ്ടവാരായിത്തെ സൊന്നാദ്.