1 കൊരിന്ത്യഗാറാര് 1:16 - സാമി സേദി

¹⁶ ഓ ഓ സെര്യ, തെപാനോസു ബീ്ഡ്‌ഗാറാര്‌നാമ് നാന് നീര്‌ക്ക് മുളുഗുസിര്‌ന്റെ, അദല്ലാദെ ബേ്റെ ആരാറ്റ്‌ന നാന് നീര്‌ക്ക് മുളുഗുസ്‌നേന എന്റ് എനാക്ക് നെപ്പില്ലെ.

1 കൊരിന്ത്യഗാറാര് 1:16 ပူးပေါင်းရင်းမြစ်များ

അപ്പോസുത്തലാര് 11:14

നിനാനാമ്, നിന്ന് ബീ്ഡ്‌ഗാറാര്‌നാമ് കാപാറ്റുവാദ്‌ക്കുള്ള നായഗാള്‌ന അയാള് നിനാക്ക് സൊല്ലുവാന്> എന്റ് ദൂദാന് തനാക്ക് സൊന്നാന് എന്റ്‌മ് എമാക്ക് സൊന്നാന്.

അപ്പോസുത്തലാര് 16:15

അത്തെ അവാള്‌മ് അവാള് ബീ്ഡ്‌ഗാറാര്‌മ് നീര്‌ക്ക് മുളുഗുനാര്. <<ആണ്ടവാന് ഏസ്സോഡ എനാക്ക് നേര്‌മായി നമ്പിക്കെ ഇര്‌ക്ക്‌ന്റ് എന്റ് നിമ്മ കണാക്കാക്കിന്താദാന സെറ്റെ ബീ്ഡ്‌ക്ക് ബന്ത് തങ്കുഡൊ>> എന്റ് സൊല്ലി അവാള് എമാന ബ്‌ളിത്ത് നത്ത്‌നാള്. അത്തെ എമ്മ അവാള് ബീ്ഡ്‌ക്ക് പോനേമ്.

അപ്പോസുത്തലാര് 16:33

അയി ജാമ ഗളിഗേല് താനെ ജെയില് അദിഗാരി അവാര്‌ന കൂട്ടി എ്ഡ്‌ത്ത് പോയി അവാര്‌ക്കാന ഗായഗാള്‌നെല്ല കച്ച്‌നാന്. പ്‌റ അയാള്‌മ് അയാള് ബീ്ഡ്‌ഗാറാര് ഒട്ടുക്കുമു അന്നാല് താനെ നീര്‌ക്ക് മുളുഗുനാര്.

1 കൊരിന്ത്യഗാറാര് 1:15

എന്ത്‌ക്കെന്റ് സൊന്ന, നാന്‌ത്തെ നിമാന നീര്‌ക്ക് മുളുഗുസ്‌നാദ് എന്റ് എന്ന് പേര്‌ന സൊല്ല്യ നിമാത്ത്‌ല് ആര്‌ക്ക്‌മ് മുഡ്യാമാട്ട.

1 കൊരിന്ത്യഗാറാര് 16:15

ഏസ്സ്‌ഗാറാരെ, തേപാനോസുമു അയാള് ബീ്ഡ്‌ഗാറാര്‌മ് അഗായ നാഡ്‌ല് ബെത്ത് മുദാല് ഏസ്സ്‌ന നമ്പ്‌നവാര്‌ത്തെ. സാമിക്ക് പട്ടവാര് കാര്യഗാള് നോഡ്യ ബേ്ണ്ടി അവാര് തമാന താനെ ഒപ്പിസി കൊഡുത്ത്‌റ്ന്റവാര്‌മ്‌ത്തെ. ഇദെല്ല നിമാക്ക് തെരിമല്ല.

1 കൊരിന്ത്യഗാറാര് 16:17

തേപാനോസുമു പൊറുത്തുനതോസുമു അഗായിക്കോസുമു ബന്താദ്‌നാലെ എനാക്ക് പിര്യ ബന്ത്‌ദ്. നിമ്മ ഇന്തിന്തദാന കെ്ഡേക്കുവ പല ഉദാവിഗാള്‌മ് അവാര്‌ലിന്ത് എനാക്ക് കെ്ഡേത്ത്‌ദ്.