1 കൊരിന്ത്യഗാറാര് 1:13 - സാമി സേദി

¹³ ക്‌റ്‌സ്‌ത്ത്‌ന ബാഗബാഗ മാഡിര്‌ന്റാര? പവുലോസു നിമാക്ക് ബേ്ണ്ടി കുരുസുലു സത്താന? പവുലോസു പേര്‌ന സൊല്ലി നിമാന ആരാറ്റ നീര്‌ക്ക് മുളുഗുസുനാര? ഇല്ലെഗേ ഇല്ലെ.

1 കൊരിന്ത്യഗാറാര് 1:13 ပူးပေါင်းရင်းမြစ်များ

മത്തായി 28:19

അദ്‌നാലെ നിമ്മ എല്ലാ സാരിമ് പോയി എല്ലാ ജാദിഗാള്‌നാമ് എന്ന് സൊല്ലുപഡി നഡാക്ക്‌ന്റവാര് മാഡ്‌ന്. അത്തെ അപ്പാന് പേര്‌നാമ്, മഗാന് പേര്‌നാമ്, സാമിനിഗാല് പേര്‌നാമ് സൊല്ലി അവാര്‌ന നീര്‌ക്ക് മുളുഗുസുനു.

മത്തായി 3:6

ബന്ത ആള്‌ഗാള് ഒട്ടുക്കു തമ്മ ഗേന്ത പാവാനെല്ല നേരെ സൊന്നാര്. അദുക്കുള അയാള് അവാര്‌ന ഓറ്‌ദ്ദാന് ബാനില് മുളുഗുസുനാന്.

അപ്പോസുത്തലാര് 10:48

അത്തെ അവാര്‌ന ഏസ്സ് ക്‌റ്‌സ്‌ത്ത് പേര്‌ല് നീര്‌ക്ക് മുളുഗുസ്യ പത്ത്‌റോസു സൊന്നാന്. ലേസ നാള് സെറ്റെ എമ്മോഡ ഇന്ത് പോഡോമെ എന്റ് അവാര് പത്ത്‌റോസുക്കു സൊന്നാര്.

അപ്പോസുത്തലാര് 19:5

ഇദ്‌ന കേ്ള്‌ക്കാട്ടി അവാര് ആണ്ടവാന് ഏസ്സ് പേര്‌ല് നീര്‌ക്ക് മുളുഗുനാര്.

അപ്പോസുത്തലാര് 2:38

പത്ത്‌റോസു അവാര്‌ക്ക് ഇത്തെ സൊന്നാന്: <<നിമ്മ ഒന്റൊന്റാള് അവനവാന് ഗേവ പാവാന തള്ളുഡൊ. പ്‌റ നിമ്മ ഏസ്സ് ക്‌റ്‌സ്‌ത്ത്‌ന നമ്പ്‌ന്റവാര് ആനാദ്‌നാലെ നീര്‌ക്ക് മുളുഗുഡൊ. അന്നാപ്പ് നിമ്മ് തപ്പ്‌ക്ക് പൊറിമെ കെ്ഡേക്കു. അദോഡൊപ്പ നിമാക്ക് സാമിനിഗാല്‌മ് ദറ്‌മ്മ ആയി സാമ്യോഡിന്ത് കെ്ഡേക്കു.

അപ്പോസുത്തലാര് 8:16

അദ്‌നാലെ പത്ത്‌റോസുമു, ഓഗന്നാന്‌മ് അവാര്‌ക്ക് കയി ബെക്കാട്ടി അവാര്‌ക്ക് സാമിനിഗാല് കെ്ഡേത്ത്‌ദ്. അവാര് ആണ്ടവാന് ഏസ്സ് പേര്‌ല് നീര്‌ക്ക് മുളിഗി ഇന്താദല്ലാദെ, അന്നമാട്ട്‌ക്ക് അവാര്‌ക്ക് ആര്‌ക്ക്‌മ് സാമിനിഗാല് കെ്ഡേക്കാദെ ഇന്ത്‌ദ്.

റോമഗാറാര് 14:9

സത്തവാര്‌ക്ക്‌മ് ഉജുരോഡ ഇര്‌ക്ക്‌ന്റവാര്‌ക്ക്‌മ് ആണ്ടവനായിര്‌ക്ക്യ ബേ്ണ്ടിത്തെ ക്‌റ്‌സ്‌ത്ത് സത്ത് ഉജുര്‌ളാഗ്‌നാദ്.

1 കൊരിന്ത്യഗാറാര് 1:15

എന്ത്‌ക്കെന്റ് സൊന്ന, നാന്‌ത്തെ നിമാന നീര്‌ക്ക് മുളുഗുസ്‌നാദ് എന്റ് എന്ന് പേര്‌ന സൊല്ല്യ നിമാത്ത്‌ല് ആര്‌ക്ക്‌മ് മുഡ്യാമാട്ട.

1 കൊരിന്ത്യഗാറാര് 10:2

അത്തെ അവാര് മഞ്ച് കുളുസു മേലേമ് കഡാല് മേലേമ് നഡാന്ത് മോസ്യോഡ എ്ണേന്ത് അയാള് കയിക്കഡി ഇന്താര്.

2 കൊരിന്ത്യഗാറാര് 11:4

എന്ത്‌ക്കെന്റ് സൊന്ന ബേ്റെ ഒന്റൊരുത്താന് ബന്ത് എന്ത്‌ന സൊന്നാല്‌മ് നിമ്മ അദ്‌ന കേ്ള്‌ക്ക്‌ന്റ്‌റ്. അവാര് സൊല്ലുവ ഏസ്സ് ആരെന്റൊ അവാര് സൊല്ലുവ നിഗാല് ഏദെന്റൊ അവാര് സൊല്ലുവ സേദി നല്ല സേദി എന്റൊ പൊല്ല സേദി എന്റൊ നിമ്മ നെപ്പ്‌കെ്ഡേസാദെ അദ്‌നെല്ല കാദ്‌ക്ക് ഇക്ക്‌ന്റ്‌റ്.

ഗലാത്ത്യഗാറാര് 1:7

നേര്‌മായി സൊന്ന അത്തെല്ല സൊല്ലുവാദ് നല്ല സേദ്യല്ല, ആന അവാര് നിമാക്ക് പഡുസുവ കാര്യഗാള്‌ന ബെത്ത് നിമ്മ് മനേസ്സ്‌ന സന്തേഗ പഡിസി ക്‌റ്‌സ്‌ത്ത്‌ത്ത് നല്ല സേദിന മോസമാഡ്യത്തെ നോഡുന്റാര്.

എപസോസുഗാറാര് 4:5

അയി ഒന്റേ നമ്പിക്കെനാലേത്തെ ഒന്റേ രാജാവായിര്‌ക്കുവ ഏസ്സ്‌ന നമ്പി പെ്ളേക്ക്യ നമ്മൊട്ടുക്കുമു ഒന്റേ ജമ്പ് നീര്‌ക്ക് മുളിഗ്‌ളാഗി ഇര്‌ക്കുവാദ്.

തീത്തോസു 2:14

നമാന അയാള് എല്ലാ കെ്ട്ട കാര്യാത്ത്‌ലിന്ത് കാപാറ്റി നല്ല കാര്യഗാള് ഗേയ ബേ്ണ്ടി ആസെപഡുവ ആള്‌ഗാള് മാഡ്യ ബേ്ണ്ടിമ്, നമാന തന്ന് സൊന്തഗാറാര് ആയിര്‌ക്ക്യ തെരിന്തെ്ഡ്‌ക്ക്യ ബേ്ണ്ടിമ് ഏസ്സ് ക്‌റ്‌സ്‌ത്ത് തന്ന് ഉജുരുന കൊഡുത്താന്.