Zefaniah 1:3 - Zanniat Bible

³ minung ituseh, ramsa ituseh, vaniute le nga tianin hnawmcan tuh sek ing. Mihrokhrawl pawl duk tuhai tlok tuh sek i. Minung tu cihmit tuhai pakhat khai luat tuh lo i. Bawipa kaimah in pong zo ing.

Khualsim Bible

³ Minungpawl leh ramsapawl; huih lakih vapawl leh rili sungih ngapawl ka phiak hngai thok. Mihrokhrawl cu sungkau ka vua hngai thok. Minung cu vulei parin ka cihmit thok, tiah Bawipa ni a ti.

Falam Common Language Bible

³ minung siseh, ramsa siseh, vate le nga tiangin ka tisiat ṭheh ding. Mi ṭha lo pawl ka dirhthlak hai ding. Minung cu ka cimit ding ih pakhat hman an luat lo ding. Bawipa keimah in ka ṭong zo.

Zefaniah 1:3 ပူးပေါင်းရင်းမြစ်များ

Seemthawhnak 6:7

Ciamanin, “I bawnciahnak minung hmuahhmuah, konteng ah a um inkhai hnawmcan tuh sek ing. Ramsate le vaniute khai, a bok ai vak thai tianin hnawmcan leh tuh sek ing, a bawn ngah ta i sir i,” tiin ti i.

Isaiah 27:9

Lawkite puleng ai a tianghnak lungtote tu miphiu vut bangin a rialcip hlanlo le Asherah pathian nu tumrul in thing birhnak le rimhmui taihnak pulengte a um song ahcen Israel sualhnak heh ngaithiam tuh lo i.

Isaiah 6:11

Ciafangin kaimah in, “Bawipa, ciatihin tu zaikom tian i tuh i?” ti ing. Ani in, “Khuapuite siatsuah sek ai a khing sukso tian; Aisusu inkhai amahte inn a zam sek tian; he ram heh zam tlang ai a khing sukso tian i tuh i.

Isaiah 6:12

Hemi minungte heh lamhlapui ah kuat tuh sek ai a ram tu ramkhing cang tuh i.

Jeremiah 12:4

Zaikom tian amahte ram heh car tuh i? Zaikom tian kin ram pumpuhluk ai hampa heh vawi tuh i? Ramsa le vaniu khai thi betbo i. ‘Pathian in kin bawnhnak hmu hang lo i!’ a titu minungte ai sualhnak manin i,” ti i.

Jeremiah 50:3

“Sak lam in miphun phunkhat Babylon tawng tuhin kawi zo ai Babylon tu ramkhing ah cangruai zo i. Minung le sumhnamte tlan tuh sio ai minung aisu khai um tuh lo i,” ti i.

Jeremiah 7:20

Ciamanin Cungnungber Bawipa kaimah in i thinrawhnak khiah hemi Biakinn vumah burh tuh ing. Minung vumah le sumhnam vumah ituseh, thingkung le lo rong vumah ituseh burh tuh ing. I thinrawhnak tu aisu inkhai hmit thil lo mai bang i tuh i.

Jeremiah 9:10

Kaimah in, “Fing le tlang hrangah, mithi ngai bangin kap tuh ing; Lenpal hrangah au tuh ing, Zaimantifangin ro zo sek i; Aisu khai ciata ah feh tlang nawn lo i. Kawlpaw rung thawmvang khai thang nawn lo i, Vaniu le ramsate khai piak sio ai tlan tlang sio i,” tiin ti ing.

Ezekiel 44:12

Ikhalselai milim biahnak bawn in Israel mite hoisual manin Cungnungber Bawipa kaimah in cukcam in thukham ing: Cawh tuh tengteng ing.

Ezekiel 7:19

Amahte sui le ngun tu hnawmborh bangin lam lakah lon tuh i, zaimantifangin Bawipa in a thinrawhnak a burh fangin sui le ngun in o thil tuh lo i. Ciamite in rong a rawphnak riamruai tuh lo ai rong khai khamruai tuh lo i. Sui le ngun in sualhnak ah hoi i.

Hosea 14:3

Assyria incen kin o ben tuh awng lo i; kin siphuhlengte in kin hup ben tuh fawn lo i. Kin kut ai kin bawnhnak milimte hnenah, “Nang tu kin khuavang isi ti tuh nawn lo i ing. Aw Bawipa bawmtu dang nai lo mite hnenah ninghiohnak pe ṭiotu isi,” ti tu ih. Bawipa in hetihin i ti i.

Hosea 14:8

Israel mite tu milim thawn pehzomhnak nai tuh nawn lo i; A sawngenhnak tu ngai sah tuhai kaimah in kilkhawl tuh ngio ing. A hnah a hing ṭiode thingkung bangin, I kohlim hniaah dah tuh ing. Kai tu a hmuifu hampui ing,” ti i.

Hosea 4:3

Ciamanin he ram tu car tuhai ram songah nunhnak a naimi zongzong hnang tlang tuh i. Ramsa le vaniu hmuahhmuah le ngate rin thi tuh sek i,” ti i.

Zekhariah 13:2

Ciafangin he ram milimte hming tu kaimah in phiat tuh sio ai aisu inkhai hih tuh nawn lo i. Prophet ing a titu hmuahhmuah kaimah in lon tuh sek ai milim bia nuamhnak thinlung khai lang sah tuh sek ing.

Matthai 13:41

Minung Fapa in a Ukhnak songin mi a sualruaitu le thil sual a bawntute sumpua ah suah tuh sek in a vancungmite hlat tuh i.

Matthai 23:39

Na rel cia ing: ‘Bawipa hming in a kawitu heh Pathian in hmuifu pe tu hram seh,’ tiin na ti ben hlanlo tunai panin i hmu tuh nawn lo isi,” tiin ti i.

Thupphuan 2:14

Ikhalselai na vumah lungkhim lohnak tlawmniu nai ing: ningmah lakah Balaam thuzirhhnak a hluntu mi hrekkhat um i si. Milim hnenah pehnak rong aihnak le nupa sualhnak in sualhnak songah Israel mite lutpui tuhin Balaam in Balak heh ruai awng i.