Thusimtu 4:1 - Zanniat Bible

¹ Cia hnuaah laipua vumah diklohnak a tuartute thula ruat ing. Naunehhnak tuartute ai mithli hmu ing; aisu khai hnemtu nai fawn lo i! Naunehtute tu a kut songah thil tithilhnak nai tlang ai, a nauneh mite tu aisu khai bawmtu nai tlang lo i.

Khualsim Bible

¹ “Ni tangih tikeelmi namnehnakpawl zate ka hmu hngai sei. Namneh-mile ih mitthli cu zoh hman uh—ahu hneemtu omloin! Namnehtule cu thungeihnak ni a com hngai—namneh-mile cu ahu com tu omloin.

Falam Common Language Bible

¹ Cui hnuah leilung tlunih hremnak a tuartu pawl thuhla ka ruat. Hremnak tuartu pawl ih mitthli ka hmu; zohman hnemtu an nei si lo! Mi hremtu pawl cu an kut sungah thil ti theinak an nei ih, an hrem mi pawl cu zohman bawmtu an nei lo.

Thusimtu 4:1 ပူးပေါင်းရင်းမြစ်များ

Job 16:4

I umhnak ah ning um in, ning umhnak ah kai um inglai, Ning ponghnak bang heh pong thil tuh ve ing. Tlaitla ngai in i lu merh tuh ngualngo ai, I ponghnak tilawi zah songah ning nim tuh dekdo ing.

Job 35:9

Minung tu naunehhnak a tawk fangin aihram de i; otu pakhatkhat hnenah ohnak ngen in au tlang de i.

Job 6:29

Ning luan ze zo i! Mi cawh nawn mah ih! I hnawl mah ih! I thu heh a dik i.

Job 9:24

Pathian in laivum heh mihrokhrawl kut ah pe i. Thukhantute ai mit heh pon in hup sio i. Ciamite tu Pathian in bawn lo i, ti le i sikhaw aisu in bawn i?

SAAM LABU 12:5

Cen Bawipa in, “Mifarah harsate cawh tuar ai, Reem tuar mite harhnak tuar in lungsia ai kap tlang manin, Tun tu kawi tuh ihang ing. Amahte huphimhnak pe tuh ing,” ti i.

SAAM LABU 142:4

I hiang i sik fangin, I bawmtu tuh aisu khai hmu lo ing; I huptu tuh aisu khai hmu lo ing, Aisu inkhai hup sah lo i.

SAAM LABU 142:5

Aw Bawipa, bawmhnak ngen in na hnenah au ing; “Aw Bawipa, nang tu i huptu i buan hmun isi, Hemi laivum nunhnak ramah nangmah ian heh i covo isi,” na ti ing.

SAAM LABU 42:3

A sun le a zan in kap ai, Mithli lek heh i rong i. I ralte in, “Na Pathian tu akonah um i?” tiin catloin i zawt tlang i.

SAAM LABU 42:9

Pathian, i ṭantu i lungpui hnenah, “Zaiman i hai isi? Zaimanin i ralte in i hnawmcanhnak heh tuar tuh cuahco lai ing,” tiin ti ing.

SAAM LABU 69:20

Nau i tat ze manin thin i khoi i; Bawmtu aisu khai nai lo ing. Ninghiohnak umlam napui akonah khai um lo i; Hnemtu si napui akonah khai tawk lo ing.

SAAM LABU 69:21

Ri i kam fangin thihsi i pe tlang i, Ti i hal fangin cabit thur i pe tlang i.

SAAM LABU 80:5

Kin aih tuhin lungsiahnak kin pe ai, Kin din tuhin mithli, khuat pui dim, kin pe isi.

Suahhlannak 1:16

Anite hnenah, “Hebrew nupang in fa nai ai ning tuamhlawm fangin nauniu pasalfa lekhaw rek tuh cuamco i si; nupangfa lekhaw rek tuh lo i si,” tiin ti i.

Suahhlannak 1:22

Ciafangin Pharoah in a ram mite hnenah, “Hebrew nupangte ai naihnak pasal fa hmuahhmuah heh Nile runpui songah lon tuh i si. Ikhalselai nupangfate tu lon loin zuah tuh i si,” tiin thupe i.

Aanroling 19:7

Mifarah tu a suahpui unau inrin hnawl de i; hminglin rualpui menma pawl in zaitlukin hlum tuh amam i! Zaitlukin ko hnelhno khalselai let leh lo i.

Aanroling 28:3

Mifarahte cawh ai harsahnak a petu ram uktu heh, lo rong a hnawmcantu ruah tuk roh thawn bang i.

Aanroling 29:2

Uktu mipha lekhaw a ramsong mite nunnuam i; Ikhalselai uktu mihrokhrawl lekhaw a ramsong mite rimsu i.

Thusimtu 3:16

Lailung vum ahhen dikcanghnak a umhnak ah hrokhrawlhnak um ngiode i, ti hmu ing. Midikcang umhnak ah mihrokhrawl um ngiode i.

Thusimtu 5:8

Ramkulh pakhatkhat songah mifarah cawh ai anite co tuhhnak le ngah tuhhnak khai ngah loin um tlang hmu lesikhaw aican in um mah; zaimantifangin bawi pakhat tu a vumah bawi dang pakhat um lai ai a veksen vumah bawi upa ber in sik ngio i.

Thusimtu 7:7

Mifim in midang a zawl fangin mivoi ah cang i. Nawhthuh lang lesikhaw na ziaza siatsuah isi.

Thusimtu 8:9

Vanhang hnia ai thil bawnhnak hmuahhmuah i thinlung in i ngaisung hnuaah i hmuhnak tu hemi i! Mi hrekkhat in midang vumah thu nai ai mi hrekkhat tu a tuartu i.

Isaiah 5:7

Israel tu Cungnungber Bawipa ai cabit vuan i; Judah mi tu a birhnak cabit kuang pha bik i. Phathnak bawn tuh i tiin sang i; Ikhalselai mirek ai thisan luangruai i. A dikcang bawn tuh i tiin um i; Ikhalselai anite phatlohnak a tuartute kap le ai in um i.

Isaiah 51:23

Ningmah ning naunehtute, Lampui ah ning tluruaitute hnenah, Hnawmborh fon bangin ning fontute hnenah ciami khuat khiah pe tuh ing,” tiin ti i.

Isaiah 59:7

A pha lo tumtekhnak nai ngio ai ciami bawnsuak tuh tu ning hiam roh i! Mawh nai lo minung rek tuhin ning zualfung awng lo i. Ning fehhnak hmuncang ah siatsuahhnak le harsahnak ian hlengruai i si.

Jeremiah 16:7

Amahte ithnak a thi fangin hnemhnak tuhin tiin aisu inkhai ti le rong aipui dingpui tuh lo i. Amahte nu le pa a thi inrin aisu inkhai topui tlang tuh lo i.

Ṭahhlapawl 1:16

“Ciamanin i nakhaw i kaphnak, I mithli rialti bangin luang i. Hnemtu aisu khai nai lo ing, Tha thoruaitu aisu khai um lo i. I ral in i neh ngah zo i; I minungte zaikhai nai nawn lo i.

Ṭahhlapawl 1:17

“Bawmhnak daih in i ban pharh ing, Ikhalselai aisu inkhai i bawm lo i. Bawipa in ralte ko i, Khuahacang in i hnenah i kawi tlang i. Amahte lakah zaikhai ilo ing, Ningdulkul thil menma ing.

Ṭahhlapawl 1:2

Zan khuavar in kap awm; Mithli a biang ah luang awm! A rualpui aisu khai um lo i, A hnemtu ah pakhat tal khai um lo i. A ṭantute in zuar i, Mi zongzong in tun tu ralcai ihang.

Ṭahhlapawl 1:9

A cianghlimlohnak tu lar ngai i; A hmai lam thu tu ruat awng hang lo i. A hnawmhnak tu a kihkul i; Aisu inkhai hnem ben lo i. A ralte in neh zo i; Ninghio ngen in Bawipa ko i.

Amos 3:10

Bawipa in, “Hemite in a kumpibawi inn song tu sualralhnak le thisan luanghnak thawn a langhnak thilri in dimruai i. Akontih in mifel cang thil i ti khai ling nawn lo i.

Amos 3:9

Egypt le Ashdod kumpibawi inn songai a um mite hnenah, “Samaria cingkim ai tlang ah taikhawm tu ilai ciata ah thil sualral a bawnhnak le a songai hnaihnokhnak a roh ngai heh sik tu ih,” tiin thuthan tu ih.

Malakhi 2:13

Thil dang pakhat ning bawnlaihnak tu, hemi i. Bawipa hnenai ning hibawlhnak ning sang nawn lo manin ning lungsia in kap le rung ai puleng heh ning mithli in niat i si.

Malakhi 3:18

Ciafangin a dikmi le a hrokhrawl mi vumah zaibang thil hleng i tifangin i ruaihtu le i ruaih lotute zaibang cang tuh i ti khiah i minungte in hmu leh tuh i,” tiin ti i.

Malakhi 3:5

Cungnungber Bawipa in, “Ning thukhan tuhin ning hnenah kawi tuhai dawithiam mite, kangkawm sualhnak a bawntute, a hman lo tetti, napertute ai nihlawh a ai sahtute, hmaitong le ngakṭah farah le ramdang mite vumai miathnak a situ le i upat lotute vumah mawhhnak pe in thukhan tuh ing,” ti i.

Matthai 26:56

Ikhalselai prophette in Lai Thianghlim songai nganhnak a khim thil tuhin he bangin a canghnak i,” tiin ti i. Ciata in hnuahlunte in hlum ai tlan tlang sio i.

Daannolhnak 28:33

Hlaici harsa ngai ai na cinghnak tepawl tu ramdang mi in na sut tuhai na ngahhnak zaikhai um loin zohsuamhnak le siatsuahhnak ian tuar tuh ṭio i si.

Daannolhnak 28:48

Ciamanin Bawipa in ning hnenah a hlathnak ning ralte ruaihtu ning cang tuh i. Rikam tihal in ning um tuh i; silhfen hnikpon nai loin kawngkolh in le thil dang hmuahhmuah khai tlasam ngioṭio in ning um tuh i. Ning ralte in ning siatsuah tuhai ning bo hlanlo ning hawng ah thirkawn ning orh tuh i.

Jeim 5:4

Ning lo ai napertute hlawhman pe tlang lo i si. Ciamanin ning rong kawmtute ai phuncamhnak le auhnak heh Cungnungber Bawipa Pathian in za zo i.

Thuṭhentule 4:3

Jabin in thir siphuhleng za kua nai ai Israel mite tu ninghiohnak nai loin le pha lo ngai in kum kul song cawh i. Ciafangin Israel mite tu au tlang lala i.