Ṭahhlapawl 2:21 - Zanniat Bible

²¹ Mino mitar ti loin thi i, Khuapui lamtluanah. Fenu le tlangvalte khai thi i, Ralte ai ralvang incen. Ninghiohnak nai loin rek i, Thin na raw nia ahcen.

Khualsim Bible

²¹ A no a tar an thlimkau, lampi khur parah; ka lengno leh valnorual, ralnaam in tlu cang; na thinlin nikhua ahcun, na that hngai cang ai, naktiah, thinpen omloin, that hngai duahdo ci.

Falam Common Language Bible

²¹ Mino mitar ti loin an thi, Khawpi lamzin ahcun. Fala le tlangval khal an thi, Ral pawl ih ralnam cun. Zaangfahnak nei loin na that hai, Na thinheng ni ahcun.

Ṭahhlapawl 2:21 ပူးပေါင်းရင်းမြစ်များ

2 Sansiarnak 36:17

Bawipa in Babylon kumpibawi hlat ai Judah minote heh Biakinn songah khai rek i; aisu bang vum ahkhai ninghiohnak nai lo i; mino ituseh, upa ituseh, nupang pasal tilo in, a urmi le a cakmi khai amahte veksen in a kut songah Bawipa in pe sio i.

Esther 3:13

Mi a hlathnakte in a ram song khuahacang ah fehpui i. Hla hlaihnih hla, Adar hla, ni hlaithum nia, ni khat songah Judah mi zongzong heh nupang, pasal ti lo, upa naupang ti loin, rek tuh sek ihang. Ninghiohnak zaikhai um loin cihmit tuh sek i; amahte thilri hmuahhmuah khai sut tuh sio i.

Isaiah 27:11

Thingkakte khai ro ai tat sek i; nupangte in tih thing tuhin fom tlang i. Zaimantifangin minungte in zaikhai lingthiam tlang lo manin amahte semsuahtu Pathian in anite vumah ngaihharhnak le ninghiohnak zaikhai nai tuh nawn lo i.

Jeremiah 11:22

Ciamanin Cungnungber Bawipa in, “Anite tu cawh tuh ing. Amahte tlangvalte tu raltawnghnak ah thi tuhai a naupangte khai rong loin thi tuh i.

Jeremiah 13:14

Cen upa naupang ti loin pakhat hnua pakhat cabitti bel bangin vit ai khoiruai tuh sek ing. Zawnruathnak, ngaihharhnak le ninghio thinpemhnak um loin rek tuh sek ing. Ziang inkhai i kham thil tuh lo i,” tiin ti i.

Jeremiah 18:21

Ikhalselai aw Bawipa, na fate tu rong loin thi tlang tuseh, ral kut in thi tu ngawn seh. Nupangte khai amahte pasalte le fate in thihsan tu sio seh. Amahte pasalte tu ur in thi tlang tu selai amahte tlangvalte tu raltawnghnak in thi tlang tuseh.

Jeremiah 21:7

Ikhalselai nangmah le na kuthnia ai tlangsuakte tu, raltawnghnak, rian tlung le urhnak in a luattu misenpui thawn nangmah na rek nuamtu kumpibawi Nebuchadnezzar le na ralte na pomruai tuhai Nebuchadnezzar in na rek tuh i. Aisu khai ning zuah tuh lo i. Ninghiohnak le zawnruathnak zaikhai ning vumah nai tuh lo i. Kaimah Bawipa in rel zo ing,” tiin ti i.

Jeremiah 4:31

Nupang nau nai fangin authawm bang za ing; Fa upa ber nau nai kaphnak thawm bang i. Ciami tu Jerusalem a haihawh thil lo aihnak thawm i. A kut tung ai, “Kai tu i bo zo i, Kaimah rek tuhin kawi zo i,” tiin aihnak thawm i.

Jeremiah 51:22

Nupang le pasal rekhnak ah, Mino le upa rekhnak ah, Fenu le tlangval rekhnak ah,

Jeremiah 6:11

Amahte vumah na thinrawhnak tu i songah mai bangin ko ve ai dapthen in um thil nawn lo ing Bawipa,” tiin ti ing. Ciafangin Bawipa in kaimah hnenah, “I thinrawhnak tu lampui ai naupangte vumah le a bur ai laileng minote vumah burh tu. Nupui le pasalpuite khai a pom hnuaah fehpui tuh sio ai nutar le patarte khai zuah tuh lo i.

Jeremiah 9:20

Kaimah in, “Aw nupangte, Bawipa ai ponghnak heh ngai tu ih! A relhnak heh phatak niu in ngai tu ih! Ning fanute mithi ngaidan zirh tu ih! Ning rualpuite mithi phumhnak la sadan rel tu ih!

Jeremiah 9:21

Thihhnak heh kin tukvirh in lut ai, Kin kumpibawi inn tianin hleng zo i; Khuasong lampui ah naupangte rek tuhin le, tawk dun hmunah tlangvalte hnawmcan tuhin hleng zo i.

Ṭahhlapawl 1:15

“Bawipa ai hnihsanhnak menma ah cang tlang i, I ralkap hat ber pawl; A ralkap burkhat kuat i, I tlangvalte rek tuhin. Cabit bangin i minungte rial dek i, Judah fenu ngom khiah!

Ṭahhlapawl 1:18

“Ikhalselai Bawipa tu dik i, A thu eltu i awng zo manin. Aw miphunte i ngai tu ih; I tuardan heh sik tu ih. I leng le valte pairal zo sek i, Salpomhnak hmun ram hlapui ah.

Ṭahhlapawl 1:4

Zion lampui lungsia in um i, Aisu inkhai hlun nawn lo i, Cawlum nia Pathian bia tuhin. Lasatu fenute harsahnak tuar tlang i, Suangbawite kap in rung i. Zion tu thin urhnak tuar i, Khuapui kotkate khing ruahro i.

Ṭahhlapawl 2:17

Bawipa in bawn ngah ngaingai zo i, Bawn tuh ing a ti ṭiode bangin. Ninghiohnak nai loin kin hnawmcan zo i, Ralringhnak nang in kin pe awng cia bangin nehhnak pe isi. Kin ralte hnenah nehhnak pe i, Kin hnawmral manin.

Ṭahhlapawl 2:2

Judah ram khuatenau hmuahhmuah siatsuah sek i, Zawnruathnak zaikhai um loin. A ralvingte bal sah sek i, A ram hup in a ṭanhnak bawhkulhte khiah. Zakthi mualphohnak hlengruai i, Amahte ukhnak le uktute vumah cenin.

Ṭahhlapawl 3:43

Na thinrawhnak in thuam dun isi; Ninghiohnak zaikhai nai loin kin hnawh ai kin rek isi.

Ezekiel 24:21

ningmah Israel mite hnenah he thu rel tuhin i ruai i: Israel mite, ning Biakinn a khokhah manin ning hngal i. A sik ning hiamhnak le ning ben hiamhnak ber Biakinn tu Bawipa in ningrimtiar tuh i. Cen Jerusalem ai a tangtu ning innsang ṭen ah mino deuh pawl tu ral kut in thi tuh i.

Ezekiel 5:11

“Ciamanin kaimah heh a nungmi Pathian ing ai Cungnungber Bawipa ai i ponghnak tu hetihin i: thil sual le thil ningrim thawn i Biakinn ningrimtiar manin zaikhai ninghiohnak nai loin ning siatsuah tuh ing.

Ezekiel 7:4

Na zuah tuh lo ing, ning na hio tuh nawn lo ing. Ningdulkul thil na bawnhnak hmuahhmuah manin na cawh tuh ing; ciatihin Bawipa ing ti khiah ling tuh isi,” ti i.

Ezekiel 7:9

Ning zuah tuh lo ing, ning ninghio tuh lo ing. Ningdulkul thil ning bawn manin ning cawh tuhai ciatihin Bawipa ing ti khiah ling tuhai ning cawhtu ing ti khai ling tuh i si,” ti i.

Ezekiel 8:18

I thinrawhnak hmual tu a roh ngai in tuar tuh i. Aisu khai zuah tuh lo ing. Kaimah hnenah amahte aw naihtawp in sawngen in au tuh i, ikhalselai ngai sah tuh lo ing,” tiin ti i.

Ezekiel 9:10

Anite vumah ninghiohnak nai tuh lo ing. Midang vumah amahte bawnhnak bangin anite vumah bawn tuh ve ing,” tiin i ti i.

Amos 4:10

Egypt ramah i hlengruai awng bangin ning vumah pul tlungruai ing. Raltawnghnak ah ning minote kaimah in thiruai ai ning siphuh hat ngaingai lang sek ing. Ning hnarkua tu ning zancam hmunai mithi luang uih rim in dimruai sio ing. Cia inkhai i hnenah let nuam cuang lo i si.

Amos 8:13

Cia nia ahcen fenu le tlangval nuncak ngai pawl rin tihal in bah ai sawn tuh i.

Zekhariah 11:6

Bawipa in, “Laivum ah aisu khai ninghio tuh nawn lo ing. Kaimah rori in mi zongzong a uktute ai kut songah thunlut tuh sek ing. Ciami uktute in laivum tu hnawmcan tuh sek i, ikhalselai amahte thil tibenhnak huham songin aisu khai o tuh lo ing,” ti i.

Daannolhnak 28:50

Mithmai ti riamruam phun, nutar patar naupang vum ahkhai ngaihhar thai lo le mi ninghio thiam lo phun pawl tuh i.

Daannolhnak 32:25

Raltawnghnak manin lam dunghlun ah thi tlang tuhai, Thinlau in inn songah khai thi tlang tuh i. Fenu tlangvalte thi tuhai, Nauniu le patarte khai luat tuh lo i.

Joshua 6:21

Amahte ralvang in khuapui songai a ummi zongzong nupang ituseh, pasal ituseh, naupang upa ti um loin rek berh i. Kawlpaw le tuu le laakte khai rek cih sio i.

1 Samuel 15:3

Feh tulai Amalech mite heh tawng tu ih. Amahte naihnak hmuahhmuah siatsuah tusek ih. Zaikhai zuah mah ih; pasal, nupang, naupang le a te sawng nauniu tianin rek tusek ih. Kawlpaw, tuu, kalauk le laakte khai rek tusek ih,” tiin ti i.