Ṭahhlapawl 2:2 - Zanniat Bible

² Judah ram khuatenau hmuahhmuah siatsuah sek i, Zawnruathnak zaikhai um loin. A ralvingte bal sah sek i, A ram hup in a ṭanhnak bawhkulhte khiah. Zakthi mualphohnak hlengruai i, Amahte ukhnak le uktute vumah cenin.

Khualsim Bible

² Jakob omnak vialte Bawipa ni hrawk cang ai, supdon lo’n; a thin sia in balthlam cang hi tang, fanu Zion ruhkulhna; beeu hngai cang ee thinsia in; ram leh a uktu ṭhum hngai cang, upat hmaizah omloin.

Falam Common Language Bible

² Judah ram khawte hmuahhmuah a siatsuah ṭheh, Zawnruahnak zianghman um loin. An ralhruang pawl a balsak ṭheh, An ram hum in an ṭannak ruhkulh pawl cu. Ningzah mualphonak a thlenter, An uknak le uktu pawl parah cun.

Ṭahhlapawl 2:2 ပူးပေါင်းရင်းမြစ်များ

Job 2:3

Bawipa in, “I cengpa Job heh hmu aw sim? laivum ah amah bangtu mipha le rinsantlak aisu khai um lo i. Kaimah i bia ai thil sual zaikhai bawn lo i. Ziang thula um lopui in Job tu, ‘Siatsuah tuh ing,’ tiin i zawl manin lung na khimpui ing; Ikhalselai Job tu a hlan bang thotho in rinsantlak in nung hlen i,” tiin ti i.

SAAM LABU 21:9

Na lar fangin anite tu pum mailing bangin tai tuh sek isi. Bawipa in a thinraw in thon tuh sek ai, Maiko in kang tuh sek i.

SAAM LABU 74:7

Na Biakinnpui heh bal ai mai in tai tlang i; Nangmah kin biahnak hmun cianghlim ningrimtiar tlang i. Zaizongza hnawmcan sek i.

Isaiah 22:5

Larhnak phairawn ah tun tu kih ai buai can, ral sung can le mangbang ai um can i ai, ciami tu cungnungber Pathian Bawipa in kin vumah a hlengruaihnak i. Kin khuapui kulhhnak vingpui tu bal ai min sek zo manin bawmhnak ngen ai auhnak aw tu tlang cangah thang i.

Isaiah 23:9

Cungnungber Bawipa ai tawlrelhnak i! Amahte hngalhnak le tluangkhawnghnak boruai tuhin le upat mite mualphotiar tuhin Pathian in a bawnhnak i.

Isaiah 25:12

Bawipa in Moab mite ai sahnak vingpui, sang ngaingai ai tianghnak ralvingte tu min tuhai laivut ah cang tuh i.

Isaiah 26:5

Mipuarthaute tu nauneh ai, Amahte umhnak a hat ngai khuapui rin hnawmruai i; Amahte vingpui bangkhangte minruai ai, laivut ah cang sek i.

Isaiah 27:11

Thingkakte khai ro ai tat sek i; nupangte in tih thing tuhin fom tlang i. Zaimantifangin minungte in zaikhai lingthiam tlang lo manin amahte semsuahtu Pathian in anite vumah ngaihharhnak le ninghiohnak zaikhai nai tuh nawn lo i.

Isaiah 43:28

Ning ram uktute in I hmun thianghlim ningrimtiar i; Ciamanin Israel vumah siatsuahhnak hlengruai ing; I minungte midang zohsuam tuhin a bawntu heh Kaimah ing,” tiin ti i.

Isaiah 47:6

I minung vumah thin i raw i; I minung lo bangin bawn ing. Na hathnak le na huham songah hla ai amahte vumah ninghiohnak zaikhai nai lo isi; Nutar le patarte khai hnawmcan isi.

Jeremiah 13:14

Cen upa naupang ti loin pakhat hnua pakhat cabitti bel bangin vit ai khoiruai tuh sek ing. Zawnruathnak, ngaihharhnak le ninghio thinpemhnak um loin rek tuh sek ing. Ziang inkhai i kham thil tuh lo i,” tiin ti i.

Jeremiah 19:15

Cungnungber Bawipa, Israel ai Pathian in anite hnenah, “Hlengruai tuh ing i tihnak cawhhnak hmuahhmuah he khuapui le a hiangai khuatenaute vumah hlengruai tuh ing; zaimantifangin mi lungruh i ai i relhnak ngai nuam lo i,” tiin ti i.

Jeremiah 21:7

Ikhalselai nangmah le na kuthnia ai tlangsuakte tu, raltawnghnak, rian tlung le urhnak in a luattu misenpui thawn nangmah na rek nuamtu kumpibawi Nebuchadnezzar le na ralte na pomruai tuhai Nebuchadnezzar in na rek tuh i. Aisu khai ning zuah tuh lo i. Ninghiohnak le zawnruathnak zaikhai ning vumah nai tuh lo i. Kaimah Bawipa in rel zo ing,” tiin ti i.

Jeremiah 5:10

I minungte ai cabit kuang sat tuhin a ralte hlat tuh ing. Ikhalselai a bo sek hlanlo siatsuah tuh sek lo i. A kakte sat tuhin rel tuh ing, Zaimantifangin a kakte tu kaimah ai ilo i.

Ṭahhlapawl 2:17

Bawipa in bawn ngah ngaingai zo i, Bawn tuh ing a ti ṭiode bangin. Ninghiohnak nai loin kin hnawmcan zo i, Ralringhnak nang in kin pe awng cia bangin nehhnak pe isi. Kin ralte hnenah nehhnak pe i, Kin hnawmral manin.

Ṭahhlapawl 2:21

Mino mitar ti loin thi i, Khuapui lamtluanah. Fenu le tlangvalte khai thi i, Ralte ai ralvang incen. Ninghiohnak nai loin rek i, Thin na raw nia ahcen.

Ṭahhlapawl 2:5

Bawipa in Israel hnawmcan zo sek i, A doral lian bangin. Hnawmborh pumhnak bang cang zo i, A ralkulh le kumpibawi innte tu. Bo nia rel lo lungsiahnak hlengruai zo i, Judah mizapui vumah khiah.

Ṭahhlapawl 3:43

Na thinrawhnak in thuam dun isi; Ninghiohnak zaikhai nai loin kin hnawh ai kin rek isi.

Ezekiel 5:11

“Ciamanin kaimah heh a nungmi Pathian ing ai Cungnungber Bawipa ai i ponghnak tu hetihin i: thil sual le thil ningrim thawn i Biakinn ningrimtiar manin zaikhai ninghiohnak nai loin ning siatsuah tuh ing.

Ezekiel 7:4

Na zuah tuh lo ing, ning na hio tuh nawn lo ing. Ningdulkul thil na bawnhnak hmuahhmuah manin na cawh tuh ing; ciatihin Bawipa ing ti khiah ling tuh isi,” ti i.

Ezekiel 7:9

Ning zuah tuh lo ing, ning ninghio tuh lo ing. Ningdulkul thil ning bawn manin ning cawh tuhai ciatihin Bawipa ing ti khiah ling tuhai ning cawhtu ing ti khai ling tuh i si,” ti i.

Ezekiel 8:18

I thinrawhnak hmual tu a roh ngai in tuar tuh i. Aisu khai zuah tuh lo ing. Kaimah hnenah amahte aw naihtawp in sawngen in au tuh i, ikhalselai ngai sah tuh lo ing,” tiin ti i.

Ezekiel 9:10

Anite vumah ninghiohnak nai tuh lo ing. Midang vumah amahte bawnhnak bangin anite vumah bawn tuh ve ing,” tiin i ti i.

Mikah 5:14

Ning ram songai Asherah limte le ning khuate tu siatsuah tuh sek ing.

Malakhi 1:4

Esau ai tesinfa Edom mite in, “Kin khuapuite tu siatsuah zo sek napui din leh tuh ising,” ti lekhaw Cungnungber Bawipa in, “A nuam lekhaw din tu ngawn seh; kaimah in bal leh tuh sek pah ing. Mi in ‘Ram sualral,’ tiin le ‘Bawipa’ thinrawhnak kumzangza in a tawktu miphun,’ tiin ko tuh i,” tiin ti i.

Matthai 18:33

Na vumah ninghiohnak i nai bangin na rualpui vumah ngaihharhnak nai tuh na mawi rengreng i,’ tiin ti i.

2 Korin 10:4

Raltawnghnak a dik lo ai thu el dun ai kin hmanghnak tu laivum ralthuam i lo i; a hat ngai Pathian ai ralthuam sawn i ai ralving kho ngaingai balhnak ai kin hmanghnak ralthuam i. A dik lo ai thu eldunhnak khai siat bal ising.

Daannolhnak 28:52

Bawipa ning Pathian ai a ning pe tuhhnak khuapuite khai pakhat khai tang loin kulh tuh sio i; sim tuhai ning rinsanhnak ving puipui khai min tuh sek i.

Daannolhnak 32:22

I thinrawhnak tu mai bangin ko tuhai, lai le a hnia ai ummi hmuah kang tuh sio i. lai le a rong kang tuh i, Tlangte ai a ham panhnak tu kang tuh sio i.