Suahhlannak 3:12 - Zanniat Bible

¹² Pathian in, “Na hnenah kaimah um tuhai na hlattu kaimah ai i ihnak a larruaitu heh hemi i tuh i: Egypt ram an Israel mite na suahpui fangin, hemi mual vumah i bia tuh i si,” tiin ti i.

Khualsim Bible

¹² Pathian ni, “Ka tan ompi thok; cun hihi a tan thlah tu cu kei ka ii ti khithmuhtu a i thok: Izipt ram in Israel mi na suahpi hngai ngah tikah, hi tlang a’hin Pathian nan bia leh lei cu,” tiah a ti.

Falam Common Language Bible

¹² Pathian in, “Na hnenah Keimah ka um ding ih a lo thlahtu Keimah ka sinak a langtertu cu himi hi a si ding: Izipt ram ihsin Israel mi pawl na suahpi tikah, hi tlang parah hin in bia ding a si,” tiah a ti.

Suahhlannak 3:12 ပူးပေါင်းရင်းမြစ်များ

Seemthawhnak 15:1

Cia hnuaah Abram hnenah Bawipa lar ai, “Abram, na thinlau mah; kaimah heh na huptu lum ing. Na hnenah lehsawng heh uak ngai in na pe tuh ing,” tiin rel i.

Seemthawhnak 15:8

Ikhalselai Abram in, “Aw Pathian, i Bawipa akontih in kaimah ai i ti ling thil tuh ing?” tiin zawt i.

Seemthawhnak 26:3

Heta ah camkhatniu song um tulai, na hnenah um tuhai hmuifu na pe tuh ing; zaimantifangin nangmah le na tesinfate hnenah he ram hmuahhmuah ning pe tuh ing. Na pa Abraham hnenai i bawn sa thukham khimruai tuh ing.

Seemthawhnak 31:3

Ciafangin Bawipa in Jacob hnenah, “Na songkhat le na suahpuite ramah tlung tuhang. Na hnenah um tuh ing,” tiin ti i.

2 Siangphahrang 19:29

Cen Isaiah in kumpibawi Hezekiah hnenah, “A cang tuh thil hnikhnaihhnak ah hetih tuh i: Tun kum le hmai kum tu hampalak ai pohnak fang ai tlang tuh i si. Ikhalselai kum thumhnak kum ahcen ningmah in hlaici pawi tuhai ningmah ai rong khawm tlang tuh i si; cabit bir tuhai a thai ai tlang tuh i si.

1 Sansiarnak 9:20

Eleazar ai fapa Phinehas in ho awng de i; Bawipa tu a hnenah um tu hram seh!

SAAM LABU 86:17

Aw Bawipa, na phadan heh larruai tu hram law; Na pehnak hnemhnak le bawmhnak a hmu tlang fangin i huatute tu zakthi tlang tuh i.

Suahhlannak 18:5

Jethro tu Zipporah le a fapate pahnih thawn Pathian mual thiang hiangai Moses ai riahbuk nelrawn ramkhing lamah kawi tlang i.

Suahhlannak 3:1

Moses tu Midian ramai suangbawi a pu Jethro ai tuu le mete khal de i. Vaikhat ah a sumhnamte heh nelrawn ah fehpui ai Pathian mual Sinai tihnak ah hleng i.

Suahhlannak 3:13

Cen Moses in Pathian hnenah, “Israel mite hnenah kawi in ‘Ning pu le ning pa ai Pathian in ning hnenah i hlat i,’ i ti fangin, ‘A hming aisu i?’ tiin iti selai akontih in rel tuh ing?” tiin ti i.

Suahhlannak 33:14

Ciafangin Bawipa in, “Na hnenah feh tuh ve ai muanghnak na pe tuh ing,” tiin ti i.

Suahhlannak 4:12

Ciamanin feh tu; na ponghnak ah na bawm tuhai na pong tuh khai na rel tuh ing,” tiin ti i.

Suahhlannak 4:15

Amah thawn ning pon dun hnuaah a pong tuh rel tuh isi. Ning pahnih in ning pong tuh heh kaimah in ning bawm tuhai ning pahnih in ning bawn tuh khai ning rel tuh ing.

Suahhlannak 8:27

Ciamanin kin Pathian in thu a kin pehnak bangin Bawipa hnenah hibawlhnak sel tuhin nelrawn ramkhing ah ni thum song feh kin kul tuh hrimhrim i,” tiin ti i.

Isaiah 37:30

Cen Isaiah in kumpibawi Hezekiah hnenah, “A cang tuhhnak thilte hnikhnaihhnak tu hetih i tuh i. Tun kum le hmai kum tu amah hlanlam ai pohnak fangcang ai tuh i si; ikhalselai a hmai kum ahcen ningmah in fang cing thil tuhai rong nai tuh i si; cabit kuang bir tuhai cabit thai ai tlang tuh i si.

Isaiah 41:10

Zaikhai lau mah, na hnenah um ing. Kai tu na Pathian ing, zai inkhai na lauruai maseh. Na bawm tuhai na hatruai tuh ing; Na hup tuhai na o tuh ing.

Isaiah 43:2

Ti thuk ngai songah na vak inkhai na hnenah um tuh ing. Na harsa tawkhnak in na neh tuh lo i. Maiko songah feh silai khai na kang tuh lo i. A siakha harsahnak inkhai na urruai tuh lo i.

Isaiah 7:14

Tunah Bawipa amah rori in hnikhnaihhnak ning pe tuh i. Nupang niu pakhat in naupai ai fapa in te tuhai a hming ah Emmanuel tiin bawn tuh i.

Jeremiah 1:8

Lau mah, na hnenah um tuhai na hup tuh ing. Kaimah Bawipa in rel zo ing,” tiin i ti i.

Mipun Siarnak 16:28

Cen Moses in mizapui hnenah, “Hemi thil bawn tuhin Bawipa in i hlat i. Kaimah daihhnak in i bawnhnak ilo i, ti khiah hemi in ling tlang tuh i si.

Mipun Siarnak 23:21

Israel mite hmai lam fehhnak tuhin, Bawngsiahnak le harsahnak hmu lo ing. Bawipa a Pathian tu amahte hnenah um ai, Pathian tu kin kumpibawi i tiin aupui i.

Matthai 28:20

Cen i thupehnak hmuahhmuah hlun tuhin zirh tu ih. Hai mah ih, san a bo hlanlo ning hnenah um tuh ing,” tiin ti i.

Marka 16:20

Cen hnuahlunte tu feh ai khuahacang ah thurel tlang i; Bawipa tu anite hnenah naper ai ngaihtamkul a bawnhnak in a thurelhnak heh a dik i, ti khiah larruai i.] [

Tirhthalahle 11:21

Bawipa ai huham amahte hnenah um ai mi tampui in sang ai Bawipa lam hoi sek i.

Tirhthalahle 7:7

Ikhalselai amahte na ruaihmi miphun vumah thukhanhnak nai tuhai ciahnua fang ian in cia ram in suak tuhai he hmunah kaimah i bia tuh i,” tiin ti i.

Rom Pawlpi Hemih Paul Laikuat 8:31

Hemi hmuahhmuah kin ling hnuaah zai rel tuhlai ising? Pathian kin lamah ṭang lekhaw aisu in kin tawng thil tuh i?

Daannolhnak 31:23

Cen Bawipa in Nun ai fapa Joshua hnenah, “Hat ngai le ralpha ngai in um tu. I thukhamhnak ramah Israel mite fehpui tulai na hnenah um tuh ing,” ti i.

Hebru 13:5

Tangka daih ze mah ih; ning naihnak ah lungkhim tu ih. Zaimantifangin Pathian in, “Ning zam tuh lo ai ning hlum tuh lo ing,” kin ti i.

Joshua 1:5

Na nunsong hmuahhmuah ah aisu inkhai na neh tuh lo i. Moses hnenai i um awng bangin na hnen ahkhai um tuh ve ing. Zaikom inkhai na hlum tuh lo ai na hnuaphnal tuh lo ing.

Thuṭhentule 6:12

Bawipa ai vancungmi khiah Gideon hnenah ah lar ai, “Nang tu mi ralpha isi ai Bawipa na hnenah um i,” tiin ti i.

Thuṭhentule 6:16

Ikhalselai Bawipa in, “Kaimah in na umpui manin bawn ben tuh isi. Midian mite tu minung pakhat neh tluk in bai niu in neh tuh sio isi,” ti i.

Thuṭhentule 6:17

Gideon in, “Na mithmai pha co ilengkhaw i hnenai a pongtu khiah nangmah rori isi ti fiangruai tuhhnak in thil pakhatkhat i hnenah i hmuh tu.

Thuṭhentule 6:21

Bawipa ai vancungmi in a kut ai a awhhnak faikiang hmur in sa le sang khiah tok i. Cia sawngpah in lungto songin mai suak ai sa le sang hmuah kang sek i. Cen vancungmi tu pai lio i.

Thuṭhentule 7:11

Amahte ponghnak za nga i sikhaw tawng tuhin ngam tuh isi,” tiin ti i. Ciamanin Gideon le a hnenum pa Purah tu ralte umhnak hiang ralvilhnak tian feh kawm i.

1 Samuel 14:10

‘Kin hnenah kawi tu ih,’ kin ti lekhaw feh tuh ising; zaimantifangin ‘Kawi tu ih,’ kin ti lekhaw Pathian bawmhnak in neh tuh ising,” tiin ti i.