Suahhlannak 20:3 - Zanniat Bible

³ “Kaimah siarlo Pathian dang bia tuh lo i si.

Khualsim Bible

³ “Kamah simlo pathian dangdang nan bia thok lo.

Falam Common Language Bible

³ “Keimah siar lo pathian dang nan bia lo pei.

Suahhlannak 20:3 ပူးပေါင်းရင်းမြစ်များ

1 Siangphahrang 11:4

a tarpui hnuaah ramdang khuavang biahnak ah hoisuak i. A pa David bang loin Solomon tu a thinlung khuavang dangdangte hnenah fu ai Bawipa Pathian hmaiah rinsantlak nawn lo i.

SAAM LABU 29:2

Bawipa ai hming songlawi thangphat tu ih; A songlawihnak thawn a lar fangin Thianghlim Ber hmaiah ut tu ih.

SAAM LABU 73:25

Vancung ah nangmah siar lo ziang i naihnak um i? Nangmah i nai hnuaah laivum ah ziang i kul lai i?

SAAM LABU 81:10

Kai tu Bawipa, ning Pathian ing. Egypt ram an ning suahtu awng ing. Ning ka, ka tu ilai rong ning bar tuh ing.

SAAM LABU 81:9

Ramdang khuavang bia tuh hrimhrim lo i si. Kaimah siar lo Pathian dang bia tuh lo i si.

Suahhlannak 15:11

Aw Bawipa, laivum ai khuavangte lakah. Na bangtu aisu um nitur? Thianghlimhnak ah na kihkul, Songlawihnak ah na laukul, thil tibenhnak ah ngaihsunurkul;

Suahhlannak 20:23

Kaimah thawn kom cih ai bia tuhin ngun ai bawnhnak khuavang milim ituseh, sui ai bawnhnak khuavang milim ituseh ningmah ca bawn tuh lo i si.

Suahhlannak 22:19

“Ramsa sualpuitute heh rek tuh i si.

Suahhlannak 23:24

Ciamite ai khuavangte heh bia mah ilai anite hmaiah ning lu ut tuh lo i si. Hemite ai bawndan in bawn tuh lo i si. Anite ai khuavangte heh siatsuah tuseh ilai a khuarum tepawl khai cek sah tusek ih.

Suahhlannak 32:8

Hlun tuhai thu i pehnak lampui in a rang ngai in pial tlang zo i; amahte ca sui in kawlpawlim bawn in bia ai a hnenah hibawlhnak sel tlang zo thliahthlo i. Cen, ‘Aw Israel, Egypt ram an ning hoisuaktu khuavang tu hemi i,’ tiin ti tlang dekdo i.

Suahhlannak 34:14

“Khuavang bia tuh lo i si; zaimantifangin Bawipa ai hming tu ‘Umhlah hmang,’ i; Kai tu mi umhlah nai Pathian ing.

Isaiah 26:4

Bawipa tu kumzangza in rinsan tu ih! Amah in cat loin kin hup tuh i.

Isaiah 42:8

“Kaimah ian heh Bawipa na Pathian ing. I huham tu a dang khuavangte zem tuh lo ing, I songlawihnak khai milimte sum tuh lo ing.

Isaiah 43:10

“Aw Israel mite, ningmah heh i thulingpuitu i si; Kaimah i na ruaihtu phun in i rilhnak mite i si. Ciatihin kai tu i ling tuhai i sang tuh i si; Kaimah ian Pathian ing ti khiah i lingthiam tuh i si. Kaimah siar lo Pathian dang um lo i; Um awng lo ai um tuh awng lo i.

Isaiah 44:8

I minungte, zaikhai lau mah ih! Khuahlanlai in tun san tian a cang tuhhnak hmuahhmuah hlanvom in rel cia zo ing; Ciami thu ning ling manin kaimah thulingpuitu i si. Pathian dang aisu tal um aw im? A hat ngai Pathian, i ling awng lohnak tang um aw im?” tiin ti i.

Isaiah 46:9

Thil a cang sa pawl heh hih tu ih! Kaimah ian Pathian ing ti khiah ling tu ih; Kaimah bangtu aisu khai um lo i.

Jeremiah 25:6

Khuavang bia tuh loin le a na ruaih tuh loin ituseh, ning bawn fawmhnak milim biahnak in Bawipa thinrawtiar tuh loin ituseh, ning rel i. Bawipa ai thu hlun ta isilai ning cawh tuh hrimhrim lo napui i!

Jeremiah 35:15

I sal prophette pakhat hnua pakhat ning hnenah hlat napui a dikcang bawn ai thilsual bawnhnak nuncan hlum tuhin ning rel thliahthlo ing. Ning pupate le ningmah hnenai i pehnak he ramah catloin ning umthilhnak tuhin Pathian dangte na ruaihtu tuh loin le bia tuh loin ning rel i, ralringhnak ning pe i. Ikhalselai i thurelhnak tu ngai tlang lo ai zaikhai siar lo i si.

Jeremiah 7:9

Ruko i si, mi rek i si, nupa sualhnak bawn i si, cukcam in thudonrel i si, Baal khuavang hnenah hibawlhnak sel ai ning ling awng lohnak khuavangte bia zel i si.

Daniel 3:18

Kin hup lo inrin, kumpibawi, na khuavangte tu bia tuh lo ai na sui milim bawnhnak hmai ahkhai ut tuh lo i ing, ti khiah kin ling sah cia tu,” tiin ti i.

Hosea 13:4

Bawipa in, “Egypt in ning hoitu heh kaimah, Bawipa ning Pathian ing. Kaimah siarlo Pathian dang nai lo i si. Kaimah ian heh ning otu ing.

Matthai 4:10

Ciafangin Jesuh in, “Satan, tlan tu, zaimantifangin Lai Thianghlim in ‘Bawipa na Pathian bia tulai amah na ian per tuh isi,’ ti i,” tiin sawn i.

1 Korin 8:4

Milim hnenai selhnak rong ai le ai lo thu ah hetihin ruat ing: milim tihnak tu a um taktak lomi thil pakhat aiawh in dahhnak i; cen Pathian tu pakhat lek um i, ti ling ing.

1 Korin 8:6

kin caah zaizongza semsuahtu le kin nungsanhnak Pa Pathian pakhat ian um i; cen Bawipa pakhat Jesuh Khrih ian um ai Amah manin zaizongza semsuah i ai Amah manin a nungmi ising.

Efesa 5:5

Ciangfai niu ai ning ling kulhnak tu: nupa sualhnak a bawntu, mitsih mawi lo ai a nungmi le pamhap mite tu (pamhap ze heh milim bia thawn a bang dun manin) Khrih le Pathian umhnak songah covo nai tuh lo i.

Daannolhnak 5:7

“Kaimah siarlo Pathian dang bia tuh lo i si.

Daannolhnak 6:14

Ning hiangai ummi miphunte ai khuavangte bia mah ih.

Daannolhnak 6:5

Bawipa ning Pathian tu ning thinlung veksen, ning nunhnak veksen, le ning thazang veksen in it tu ih.

Filipi 3:19

Ciamite tu hell ah hleng tuh i, zaimantifangin amahte pathian tu amahte daihhnak ian i. Amahte thil bawnhnak heh zakthipui tlak napui amahte hmaihngalhnak ah cang lehlam i; he laivum thilte lek ruat tlang i.

Kolose 2:18

Hmuhhnak tumce nai ing ti manin midang tahin a hlaice in a ruatduntute in ituseh, mi hmuhhnak lek ah mi tahin thinniam cuang bangin a tikheltute le vancungmi a biatute in ituseh, aisu inkhai mawh ning phurh maseh. Ciabang mi tu zaikhai sullam nai loin minung ruathnak menma in thu ruat tlang ai porh dun i.

Thupphuan 19:10

Ciafangin amah bia tuhin a keham ah bok ing, ikhalselai ani in, “Ciatihin bok mah! Kaimah khai nangmah bang cengfa ve ing; Jesuh in a phuanghnak taktak kho ngai ai a pomtu ning unaute lakah pakhat ing,” Pathian ian bia tuhhnak i,” tiin ti i. Jesuh ai phuanghnak thutak heh i prophette thinlung thoruaitu khiah”.

Thupphuan 22:9

Ikhalselai ani in, “I bia mah! Kaimah khai nangmah le na unau prophette le he laibu songai nganhnak thu a hluntute bangin Pathian ai cengfa ve ing! Pathian bia tu sawn!” tiin iti i.

Thuṭhentule 6:10

Kai tu Bawipa ning Pathian ing ai amahte ram songai ning umhnak Amor mite ai khuavang bia tuh lo i si tiin fiang ngai in ning rel zo ing. Ikhalselai i thu ngai ning nuam tlang lo i,” tiin ti i.