Suahhlannak 10:7 - Zanniat Bible

⁷ Ciafangin Pharoah ai kuthnia tlangsuakte in, “Zaicam tian he pa in hnaihnokhnak kin pe tuh ini? Bawipa amahte Pathian bia thil tuhin pasalte feh tu ngawn hang seh. Zaimantifangin Egypt ram hnawm zo heh hmu lo isim?” tiin Pharoah khiah ti tlang i.

Khualsim Bible

⁷ Faraoh kut tang bawile ni a hemah, “Hi pa hi ii hlet sawh kan ca’h thang i lei maw? Israel mipawl cu tat tu u seh, Bawipa an Pathian a bia taw uh; Izipt a rawk vel ti hi na tiahthiam rih lo maw?” tiah an ti.

Falam Common Language Bible

⁷ Cutikah Faro ih kuthnuai bawi pawl in, “Ziangtik tiangso hi pa in hnaihnawhnak in pek ding? Bawipa an Pathian cu an biak theinak dingah mipa pawl cu feh ko hai seh. Ziangahtile Izipt ram a siat zo hi na hmu lo maw?” tiah Faro cu an ti.

Suahhlannak 10:7 ပူးပေါင်းရင်းမြစ်များ

SAAM LABU 107:34

Ram pha heh ram ro le ram ngal ah cangruai sek i. Ciata ai a umtute phatlohnak manin i.

Suahhlannak 12:33

Egypt mite inkhai a rang ngai in amahte ramsong in suak tuh zungzo in ruai i; zaimantifangin, “Feh tlang hlahle kin thi tuh sek ngaingai i,” ti tlang i.

Suahhlannak 23:33

Ning ram songah umruai tuh lo i si; umruai le i sikhaw i vumah sualhnak ning bawnruai tuh i. Amahte khuavangte bia le i sikhaw ning bahsual tuh tengteng i,” tiin ti i.

Suahhlannak 7:5

Egypt ram an Israel mite suah ai amahte vumah i ban thahat i hlir fang ian in Egypt mite in Bawipa ngaingai i tiin i ling tuh i,” tiin ti i.

Suahhlannak 8:19

A dawithiam mite in Pharoah hnenah, “Hemi tu Pathian ai thiltihnak i,” tiin ti tlang i. Ikhalselai Pharoah ai thinlung tu hak thotho ai, Bawipa ai rel cia bangin Moses le Aaron ai thu tu ngai nuam hrimhrim lo i.

Aanroling 29:6

Midik mitluangtlam pawl lungawi aipuang in a um tlang laiah, Mihrokhrawl pawl tu amahte sualhnak thang ah awk tlang i.

Thusimtu 7:26

Nupang i tawkhnak tu kaimah caah thihhnak tahin kha sawn i, a thinlung tu thang bang i ai a kutte tu thir cikcin i; Pathian ai ninghiohnak tu ciami nu hnenin luat tuh i, ikhalselai misual tu ciami nu in pom tuh i.

Isaiah 14:20

Ning ram siatsuah ai na minungte na rek manin kumpibawi dang bangin songlawi bik ai phumhnak ngah tuh lo isi. Mihrokhrawl songkhat, na songkhatte aisu khai nung tuh lo i.

Isaiah 51:9

Aw Bawipa, tho tulai kin bawm tu! Na hathnak suah tulai kin o tu! Hlanlai ai na suak awng bangin suak leh tu. Tipuithuanthum rulhreng Rahab a rektu le a sattu heh nangmah isi.

Jeremiah 48:4

“Moab tu hnawm zo i; Naupang kaphnak awthawm tu ngai tu ih!

Jeremiah 51:8

Babylon tu mangrinlo in tlu ai hnawmral zo sio i. Kap tu dekdo ih. A hmaihma mat tuhin si, si sah tu ih, A cak leh khai i thai pang i.

Zefaniah 1:18

Cia nia, Bawipa in a thinrawhnak a larruai nia ahcen a sui le ngun in aisu khai o thil tuh lo i. A thinrawhnak mai in laivum pumpuhluk heh kang tuh i. Laivum ai a ummi hmuahhmuah heh mangrinlo in a nunhnak boruai tuh i.

1 Korin 7:35

Hetih ai i tihnak tu ning caah hnempuihnak i daih manin i. Ning kham i nuam dekdo manin ilo i. Ningmah in a pha le a mawimi bawn tuhin i daih ai zaikhai suphnak nai loin Bawipa ai naṭuan ah zaizongza pe tuh sio in i daih i.

Joshua 23:13

Bawipa ning Pathian in hemi miphunte tu hnawt tuh nawn lo ihang, ti khiah tunai panin ling cia tu ih. Ning ca khung bang le thang bangin a laukul cang tuhai ning zangkhun vithnak fungkek le ning mit songai hling bangin tuar tuh i si. Bawipa ning Pathian ai a ning pehnak he rampha in ning bo sek lai hlanlo ciatihin tuar tlang tuh i si.

1 Samuel 18:21

Saul in, “Michal tu David hoiruai tuh ing; zaimantifangin Michal tu David caah thang bang cang tuhai Filistin mite in David rek tuh i,” tiin ruat i. Ciamanin Saul in David tu, “I makpa na cang tuh i,” ti i. Hetihin a tihnak tu a vel hnihhnak ihang.

1 Samuel 5:11

Ciamanin Filistin mite ai miukte panga tu kokhawm tlang lala ai, “Israel mite ai Thutiam Kuang tu a um awnghnak hmunah kuat leh tu ih; ciatihin kinmah le kin songkhatte kin thi tuh lo i,” tiin ti tlang i. A roh ngai in Pathian in cawh dekdo manin khuasong mite tu awloksong tlang ngai i.