Suahhlannak 1:7 - Zanniat Bible

⁷ Ikhalselai Israel mite in fate tampui pung ai Egypt ram dim in pungzai ai hat khai hat ngai i.

Khualsim Bible

⁷ Ihmansela Israel mipawl cu tianau tampi ngei in an pungzai vuai; an karh ih an ṭhawngṭha tuk, curuangah khurram cu anmah ni an khah.

Falam Common Language Bible

⁷ Sikhalsehla Israel mi pawl in faate tampi an nei ih Izipt ram khat ko in an zai ih a cah khal an cak.

Suahhlannak 1:7 ပူးပေါင်းရင်းမြစ်များ

Seemthawhnak 1:20

Cen Pathian in, “Ti songin nunghing a phuncang suak tuseh, laivum hli lak ahkhai vaniute zuang tuseh,” tiin ti i. A tihnak bangin cang i.

Seemthawhnak 1:28

Cen Pathian in anite hnenah hmuifu pe ai, “Fa tampui nai in pungzai tu ilai laipua heh dimruai in ning thuthu in umruai tu ih. Ti songai nga ituseh, laivum ai a vak thai ramsa hinkhim a sen a lian le van vumai vaniu hinkhim vumah ituseh, thunaihnak ning pe ing,” tiin ti i.

Seemthawhnak 12:2

Tefa tampui na pe tuhai miphun lianpui na cang tuh i. Hmuifu na burh tuhai na hmingthangruai tuh ing; ciatihin mihmuifu i tuh isi.

Seemthawhnak 13:16

Tesinfa tampui na pe tuhai laipua vumai laivut siar cawk lo angin na tesinfate khai siar cawk tuh lo i.

Seemthawhnak 15:5

Bawipa in Abram heh sumpua ah suahpui ai, “Van sik tulai arsite siar ben lesikhaw siar tu; khia arsite zah in na tesinfate tam tuh i,” tiin ti i.

Seemthawhnak 17:16

Sarah heh hmuifu burh tuhai amah songin fapa na pe tuh ing. Hmuifu burh tuhai miphun tampui ai nu cang tuh i. A tesinfate songin kumpibawite tampui suak tuh i,” tiin ti i.

Seemthawhnak 22:17

Na tesinfate tu pungzairuai tuhai van ai arsite zah le tipuithuanthum kamai siatnawi zah in tam tuh i. Na tesinfate in amahte ralte khai neh tuh sio i.

Seemthawhnak 26:22

Cen Isaac tu cia hmun an thawn ai namkum a dang pakhat co lala i. Eldunhnak um nawn lo manin ciami namkum heh, “Rehoboth,” tiin ko i. Cen Isaac in, “Tun tu Bawipa in he ramah luathnak i pe zo ai kin khangso tuh ihang,” ti i.

Seemthawhnak 26:4

Van ai arsite zah in tesinfate na pe tuhai amahte hnenah he ram hmuahhmuah pe tuh ing. Na tesinfate hmuifu i pe bangin laivum miphun hmuahhmuah in hmuifu i ngen tuh i.

Seemthawhnak 28:14

Na tesinfate tu laivum ai laivut zah tuh i. Amahte ram heh nisuah nitlak, sak lam le hlang lamah kau tuh betbo i. Nangmah le na tesinfate hmuifu i pe bangin laivum ai miphun hmuahhmuah inkhai hmuifu i ngen tuh i. Nangmah le na tesinfate hmuifu i pe bangin lailung vum mi zongzong in hmuifu i ngen tuh i.

Seemthawhnak 35:11

Cen Pathian in a hnenah, “Kai tu Cungnungber Pathian ing. Fa tampui nai in na ci tampui in pungzai tu selai a hrekkhat tu kumpibawite cang tuh i. Na tesinfate tu tam tuh ze ai miphun tampui in cang tuh i.

Seemthawhnak 46:3

Ciafangin Pathian in, “Kai tu, na pa ai Pathian ing. Egypt ram feh tuh na thinlau mah. Ciata ah na tesinfate heh miphun lianpui in bawn tuh ing.

Seemthawhnak 47:27

Israel mite tu Egypt ram Goshen ah ciatihin um tlang i. Mi nainung cang ai, lairam nai in pungzai tlang i.

Seemthawhnak 48:16

Siatsuahhnak phunkhim songin i nun otu vancungmi in Ning tu hmuifu ning pe tuseh; I hming le i pu Abraham le i pa Isaac hming tu Amahte thawmin nung tu ngio seh; Te le fa tampui nai in, Laivum ah miphun tampui in cang tuseh,” tiin ti i.

Seemthawhnak 48:4

Pathian in, ‘Tefa tampui na pe tuhai na tesinfate tu miphun tampui in cang tuh i. Hemi ram tu na tesinfate hnenah kumzangza in amahte caah pe tuh ing,’ tiin ti i.

Seemthawhnak 9:1

Cen Pathian in Noah le a fapate heh hmuifu pe ai anite hnenah, “Fa tampui nai in pungzai tu ilai; laivum pumpuhluk ah ning tesinfate dim tuseh.

Nehemiah 9:23

Van arsi zah in tesinfa pe isi, Ram nehruai ai khurruai isi; Amahte pupate hnenah na thukhamhnak khur tuhhnak ram khiah.

SAAM LABU 105:24

Bawipa in a minungte tu pungzairuai ai a ralte tahin hatruai i.

SAAM LABU 107:38

Bawipa in a minungte tu hmuifu pe ai tefa tampui nai tlang i. Amahte sumhnamte khai ṭumsuk awng lo i.

Suahhlannak 1:12

Ikhalselai Egypt mite in cawh amam fangin Israel mite tu pungzai amam i. Egypt mite in Israel mite khiah hua ai kih fawn i.

Suahhlannak 12:37

Israel mite tu Rameses in suak ai Sukkoth lamah feh tlang i. Nupang le naupang siar loin pasal patling ciang ting ruk khim ai ke in feh tlang i.

Suahhlannak 5:5

Ning minungte heh kin ramsong minung ngaingai tahin tam sawn ihang. Ciahlaiah anite naper per tuh loin tum lai i si,” tiin ti i.

Ezekiel 16:7

A nuncak ngai thingkung bangin na khangruai ing. Khang rianro ai a hat ngai fenu na cang i. Na sam sau i, na hnawi khai bom i, ikhalselai kawngkolh in um isi.

Tirhthalahle 13:17

Israel ai Pathian in kin pupate ril ai Egypt ramai a um laiah miphun tampui cangruai i. Ciami Pathian in Egypt ram in a huham thawmlian thawn suahpui ai,

Daannolhnak 10:22

Ning pipute Egypt ram feh tlang fangin mi sawmsarih lek i. Ikhalselai tun tu Bawipa Pathian in van ai arsite zah in ning bawn i.”

Daannolhnak 26:5

Cen Bawipa na Pathian hmaiah nang in, ‘I pupate tu Aram mi i ai, inn nai lo mivakvai i. Egypt ram a feh fangin a innsang tu minung tlawmniu lek i. Ikhalselai Egypt ram songah mi tampui le miphun lianpui cang i.