Seemthawhnak 17:7 - Zanniat Bible

⁷ “I thukham heh nangmah le na tesinfate hnenah, sankhat hnua sankhat, kumzangza thutiamhnak in khoruai tuh ing. Kai tu na Pathian tuhin le na tesinfate ai Pathian khai i tuh ing.

Khualsim Bible

⁷ Nang leh kei kan lakkarih thukam, cun namah hnukih na ciitlangpawl an san sung hmawh ah, namah leh na hnukih na hrinsarle ih Pathian i dingah timi kumkhua hmunmi thukam cu ka dinṭho thok.

Falam Common Language Bible

⁷ “Ka thukam cu ka fekter ding ih nangmah le na tesinfa pawl hnenah, sankhat hnu sankhat, kumkhua daih thukamnak a si ding. Keimah cu na Pathian ka si ding ih na tesinfa pawl ih Pathian khal ka si ding.

Seemthawhnak 17:7 ပူးပေါင်းရင်းမြစ်များ

Seemthawhnak 15:18

Cia nia ah Bawipa in Abram hnenah thutiamhnak bawn ai, “Hemi ram hmuahhmuah heh na tesinfate hnenah pe tuh ing tiin thu na kham ing. Egypt ramri ai rawnti in Euphrates runpui tian tuh i.

Seemthawhnak 17:13

Zarhtan tu liang ih; hemi heh kumzangza in ning hnenah i thutiamhnak a lar tuhhnak in ning taksa vumah hnikhnaihhnak tuh ihang.

Seemthawhnak 17:19

Pathian in, “Abraham, ciatih ilo i. Na nupui Sarah rori in fapa na nai sah tuhai a hming ah Isaac tiin ko tuh isi. Amah hnenah ituseh, a tesinfate hnenah ituseh, i thutiam khoruai tuh ing. Zaimantifangin kumzangza hrang thutiamhnak i.

Seemthawhnak 26:24

cia zan ah Bawipa tu a hnenah lar ai, “Kai tu na pa Abraham ai Pathian ing. Zaikhai lau mah, na hnenah um ing. I sal pa Abraham thawmin nangmah heh hmuifu na pe tuhai tefa tampui na pe tuh ing,” tiin ti i.

Seemthawhnak 28:13

Cen Bawipa tu a hiangah ding i. Ciafangin Bawipa in, “Kai tu na pa Abraham le Isaac ai Pathian Bawipa ing. Na ithnak hmun le ram heh nangmah le na tesinfate ning pe tuh ing.

Seemthawhnak 6:18

Ikhalselai nangmah thawn thukhamhnak bawn tuh ing. Na nupui le na fapate le a nupuite thawn lawng songah lut tuh i si.

Seemthawhnak 9:16

Kaimah le laivum ai nunhnak a naimi hmuahhmuah lakah kumzangza i thutiam khiah mairo vumai bak a kai cang fangin hih tuh ngiode ing,” tiin ti i.

2 Samuel 7:24

Na miphun Israel mite tu kumzangza in na minung ah bawn ai Bawipa nangmah heh amahte Pathian cang zo isi.

1 Sansiarnak 16:13

Pathian sal pa Jacob ai tefate, Pathian rilhnak Israel ai tefate khai,

1 Sansiarnak 16:14

Bawipa tu i Pathian i, Thil thupui a bawnhnak hai mah ih, A thukhanhnak laipua dim i.

SAAM LABU 81:10

Kai tu Bawipa, ning Pathian ing. Egypt ram an ning suahtu awng ing. Ning ka, ka tu ilai rong ning bar tuh ing.

Suahhlannak 3:15

Cen Pathian in Moses hnenah hetihin rel lala i. Bawipa, ning pu le ning pa ai Pathian, Abraham ai Pathian, Isaac ai Pathian le Jacob ai Pathian in ning hnenah i hlat i tiin Israel mite hnenah rel tuh isi. Hemi tu kumzangza in i hming i ai hmai lam san minung hmuahhmuah inkhai ciatihin i ko tuh i.

Suahhlannak 3:6

“Kai tu na pupate ai Pathian ing. Abraham ai Pathian, Isaac ai Pathian le Jacob ai Pathian ing,” tiin ti i. Cia sawng fangin Moses inkhai a hmai hup i; zaimantifangin Pathian khiah sik ngam lo i.

Suahhlannak 6:4

Cen ramdang mi bang ai a umhnak awng Canaan ram ning pe tuh ing, tiin amahte thawn thutiam bawn zo ing.

Suahhlannak 6:7

I minung ah ning bawn tuhai Kai tu ning Pathian tuh ing. Egypt mite in ning vumai phurhhnak naper har songin ning suahtu Pathian ing ti khiah i ling tuh i si.

Isaiah 61:8

Bawipa in, “Dikcanghnak tu i daih ai puarthauhnak le thisan luanghnak tu i hua i. I minungte tu fel ngai in a perman pe tuhai amahte thawn kumzangza in a khomi thukhamhnak bawn tuh ing.

Jeremiah 31:1

Bawipa in hetihin rel i, “Israel miphun hmuahhmuah ai Pathian i cang can hleng tuhai anite tu i minung i tuh i.

Ezekiel 28:26

Ciata ah daphnak thawn um tuh i. Inn sa tuhai cabit vuan bawn tuh i. Anite zoh a suamtu le a hnawmcantu a hiangai ramte tu cawh tuhai Israel tu lungmuang niu in um tuh i. Cen kaimah heh Bawipa amahte Pathian ing ti khiah i ling tlang tuh i,” tiin ti i.

SUANGBAWI LAIBU 11:45

Kai tu ning Pathian ing ai Egypt ram an ning suahtu Bawipa ing. Kaimah i thianghlim bangin ningmah khai thianghlim tu ve ih.

SUANGBAWI LAIBU 25:38

Hemi tu Bawipa ning Pathian ai thupeciahnak i. Ani tu Pathian tuhin le Canaan ram ning cothilhnak tuhin Egypt ram songin ning suahtu i.

SUANGBAWI LAIBU 26:12

Ning hnenah um tuh ing, kaimah heh ning Pathian cang tuhai ning tu i minung ning cang tuh i.

SUANGBAWI LAIBU 26:44

Ikhalselai, ral ram songah anite um song ahkhai hlum tuh sio lo ai siatsuah tuh sek lo ing. Ciatihin siatsuah sek ngaingai fangin amahte thawn thutiam i bawnhnak heh bo tuh rori hehin; Kai tu amahte Bawipa Pathian ing.

SUANGBAWI LAIBU 26:45

Kai tu Bawipa amahte Pathian ngaingai cang tuhin miphun dangdang ai mithmuh ah i huham suah in Egypt ram an i suakruai laiah amahte pupate thawn i thukhamhnak tharthawh leh tuh ing,” tiin ti i.

SUANGBAWI LAIBU 26:9

Hmuifu ning pe tuhai tefa tampui ning pe tuh ing. Ningmah thawn thutiam i bawnhnak khiah khimruai tuh ing.

Mikah 7:20

Hlanlai ah kin pupa Abraham le Jacob hnenai na thukhamhnak bangin a tesinfate, na minung Israel mite hnenah rinsantlak na ihnak le a kho ngai na ithnak tu larruai tuh isi.

Matthai 22:32

‘Kai tu Abraham ai Pathian, Isaac ai Pathian, Jacob ai Pathian ing,’ ti i. A nungmi ai Pathian i, a thimi ai Pathian ilo i,” tiin ti i.

Marka 10:14

Cia thu heh Jesuh in a ling fangin a thinraw ai a hnuahlunte hnenah, “Naupangte tu i hnenah kawi tuseh, dawn mah ih. Zaimantifangin Pathian Ukhnak tu hebang naupangte caah i.

Tirhthalahle 2:39

Zaimantifangin Pathian thukhamhnak tu ningmah le ning fate hnenah le Pathian thawn a hla duntute inapui ai Bawipa kin Pathian ai a ko mi hmuahhmuah hnenah i,” tiin ti i.

Rom Pawlpi Hemih Paul Laikuat 9:4

Anite tu Israel mite i; Pathian ai fate ah cangruai ai a songlawihnak heh amahte hnenah larruai i; amahte thawn thukhamhnak khai bawn ai anite hnenah dan pe i; anite in a dikmi biahnak nai tlang ai Pathian ai thutiamhnak a cotute i.

Efesa 2:2

Cialai ahcen laivumdan sia ituseh, van boruak le laivum karlak rauhla lam huham naitu, Pathian thu ngai nuam lotute lakah napertu rauhla siava ai thu ah ituseh hlun tlang i si.

Hebru 11:16

Anite ai ruathnak le ngaihnak tu ram pha deuh sawn, vancung ram i. Ciamanin Pathian tu anite in, “Kin Pathian,” tiin ko tlang fangin Pathian zakthi lo i, zaimantifangin amahte caah khuapui bawn sah zo i.

Hebru 8:10

Cen Bawipa in: “A hleng tuhhnak tikcucan ah Israel mite thawn hebang in thutiamhnak bawn tuh ing; I dan heh a ruathnak vumah dah tuhai, amahte thinlung songah ngan tuh ing. Kai tu a Pathian cang tuhai anite tu i minung tuh i.

Thuṭhentule 2:1

Bawipa ai vancungmi tu Gilgal in Bochim ah feh ai Israel mite hnenah, “Egypt ram an ning suakpui ai ning pupate hnenah i thukhamhnak ramah ning hlengpui ing. Ning hnenah i thutiamhnak tu bal tuh lo ing.