Seemthawhnak 1:1 - Zanniat Bible

¹ A hmasaber ah Pathian in lai le van semsuah i.

Khualsim Bible

¹ A hramthawh ih Pathian ni vanpawl leh vulei a seemsuah a’khin,

Falam Common Language Bible

¹ A hmaisabik ah Pathian in lei le van tla a seemsuah.

Seemthawhnak 1:1 ပူးပေါင်းရင်းမြစ်များ

2 Siangphahrang 19:15

saw ngen i: “Aw Bawipa, Israel ai Pathian, Cherub ko vum songlawihnak tohkham ai a totu, Nangmah lek Pathian isi ai laivum peng le ram hmuahhmuah khai uktu isi. Lai le van heh nangmah ai bawnhnak i.

1 Sansiarnak 16:26

Miphun dangdang ai khuavang tu a lim ian i. Ikhalselai van ai um thil hmuahhmuah heh Bawipa ai semhnak mite i.

2 Sansiarnak 2:11

Cen Tyre kumpibawi Hiram in Solomon hnenah a thucahhnak lai in khirh i. A lai songah, “Bawipa in minungte a it manin amahte kumpibawi tuhin na bawn zo i.

Nehemiah 9:6

“Aw Bawipa, nangmah ian Bawipa i si, Van le arsite heh nangmah in bawn isi. Nangmah in lai le tipui le a songai a ummi zongzong nunhnak pe isi, Van ai umhnak hmuahhmuah in nangmah khiah ut in na bia tlang i.

Job 26:13

A haihawh in van thiangruai ai, A kut in rulpui a dawp lak rek i.

Job 38:4

Laivum i semsuah laiah nang a konteng ah um isi? Thu ling ngai peu lesikhaw i rel tucuk.

Job 9:8

Vanhangpui heh pon bangin a zar fangin Aisu inkhai bawm lo i. Tipui song rulhreng ai zangkhun a ke in a fonthaitu Amah lek i.

SAAM LABU 102:25

Hlanlaipui ah laivum heh semsuah isi; Na kutzung in vante heh bawn isi.

SAAM LABU 104:24

Aw Bawipa, na bawnhnak heh a tampui i; Fimhnak thawn bawn isi. Laivum tu na bawnhnak thil nung in dim i.

SAAM LABU 104:30

Ikhalselai haihawh na pe fangin nung i; Laivum nunhnak thar pe isi.

SAAM LABU 115:15

Lai le van a bawntu Bawipa in Hmuifu ning pe tuseh.

SAAM LABU 121:2

Kaimah bawmhnak tu Bawipa hnenin kawi i; Lai le van a bawntu Bawipa hnenin.

SAAM LABU 124:8

Kin ca bawmhnak tu Bawipa hnenin hleng i; Lai le van a bawntu Bawipa hnenin!

SAAM LABU 134:3

Lai le van bawntu Bawipa in Zion in hmuifu ning burh tuseh.

SAAM LABU 136:5

A fimhnak in vante khai bawn i; A ithnak tu kumkhua in kho i.

SAAM LABU 146:6

Lai le van, tifingriat le a songai ummi zongzong a bawntu, Bawipa Pathian a rinsantu heh mi lungawi i. Bawipa tu a thukhamhnakte khimruai ṭio i.

SAAM LABU 33:6

Bawipa in van ai ummi hmuahhmuah a thu in semsuah i. A ponkam in ni, hlapui le arsite bawn i.

SAAM LABU 33:9

A pong fangin laivum tu semsuah i ai, A thupehnak in zaizongza suak i.

SAAM LABU 8:3

Na kut ai bawnhnak van heh kaimah in sik ai, Amahte umhnak ṭenai na dahhnak hlapui le arsi i hmu fangin,

SAAM LABU 8:4

Minung heh zai i ai panhlah ṭiode isi? Mihing rongra heh zaimanin ruat sah ṭiode isi?

SAAM LABU 90:2

Tlangte na bawn hlanah le, Laivum pumpuhluk na semsuah hlanin nang tu a panhnak le a tawphnak nai loin, A kumzangza in Pathian isi.

SAAM LABU 96:5

A dang miphunte ai khuavang tu milimte i; Ikhalselai Bawipa tu van ai umhnak hmuahhmuah a bawntu i.

Suahhlannak 20:11

Niruk songah Bawipa in van le laipua, tipui le a songai a ummi zongzong bawn ai a ni sarih nia ah cawlum i. Ciamanin Bawipa in sabbath nia tu hmuifu pe ai amah caah thianghlimruai i.

Suahhlannak 31:18

Sinai Mual vumah Bawipa in Moses hnenai thurel a ben fangin Pathian amah ai kut rori in thukham a nganhnak lungtlepte pahnih heh Bawipa in Moses hnenah pe i.

Aanroling 16:4

Bawipa in thil hmuahhmuah heh a tawphnak nai in bawn i; Ciatih bangin hrokhrawl mite ai a tawphnak tu hnawmralhnak i.

Aanroling 3:19

Bawipa in laivumpui khiah a fimhnak in semsuah ai, A lingthiamhnak in van khai khoruai i.

Thusimtu 12:1

Na no laiah na semsuahtu ling tu, Harsahnak in na man hlanah le, kum le can her ai, “Thinnuamhnak zaikhai nai nawn lo ing,” na ti hlanah.

Isaiah 37:16

“Aw Cungnungber Bawipa, Israel ai Pathian, na kumpibawi tohkham vumai to tu, nangmah lek heh Pathian isi ai laivum ram hmuahhmuah uktu isi. Nangmah in lai le van heh semsuah isi.

Isaiah 40:21

Hmu lo i sim? Ling awng lo i sim? A raipui in rel cia ilo im? Lailung akontih in pan i ti khiah ling cia zo lo i sim?

Isaiah 40:26

Van khiah honsik tu ih! Ning hmuhnak arsi hmuahhmuah heh aisu in bawn i? Ralkapbur a ho bangin hemi arsite a hotu in Zaizah i, ti ling ai amahte hming ṭen in ko sio i. A huham tu a thawmlian ai Pakhatniu bang khai pai awng lo i.

Isaiah 40:28

Hmu lo i sim? Ling awng lo i sim? Bawipa tu kumzangza in a khomi Pathian i. Lailung hmuahhmuah a bawntu i. Ani tu thacawl le thabo in um awng lo i; A ruathnak tu ling ban tuh pawl ilo i.

Isaiah 42:5

Pathian in van khai semsuah ai pharh i; Laivum le nunhnak nai thil hmuahhmuah bawn i. Minung hnenah nunhnak le haihawh pe i. Bawipa Pathian in a cengfa hnenah.

Isaiah 44:24

Bawipa in, “Kai tu Bawipa ing; na semtu le otu ing. Kai tu Bawipa ing; thil hmuahhmuah semsuahtu ing. Vante khai kaimah lekin pharh ing; Lailung i bawn fangin aisu inkhai i bawm lo i.

Isaiah 45:18

Bawipa in van khai bawn i! Ani tu Pathian i. Amah in lailung heh semsuah ai lailung ah bawn i! Raipui rai tuhin le kho ngai in bawn i. Ramkhing le nelrawn ciang in bawn lo i; Ikhalselai minung um tlak lairam in bawn i. Amah in, “Kai tu Bawipa ing; Pathian dang akonah khai um lo i.

Isaiah 51:13

Ningmah a bawntu Bawipa, Vanvum khai a pharhtu le lailung ai hamtohhnak a dahtu Pathian khiah hai tlang zo i sim? Zaimanin na naunehtute ai thinrawhnak le Ningmah siatsuah tuh a tumtute heh hlawng biakbo in kih i si? Amahte thinrawhnak in zaikom inkhai ning dap thil tuh awng lo i!

Isaiah 51:16

Vante khai pharh ai laivum ai hamtohhnak khai Kaimah in bir ing. Jerusalem hnenah, ‘Nang tu i minung isi! I thuzirhhnak pe zo ai I kut in na hup ing,’ ti ing,” tiin ti i.

Isaiah 65:17

Bawipa in, “Sik tucuk ih! lai thar le van thar a bawn lak thliahthlo ing. A liam sa thilte tu hai tuh sio i.

Jeremiah 10:12

Pathian in laipua heh a hathnak in bawn i; Laivum pumpuhluk heh a fimhnak in semsuah ai a thiamhnak in van khai pharh i.

Jeremiah 32:17

“A lianber Bawipa, lai le van heh na hathnak le na huham in bawn isi. Nangmah caah a harhnak zaikhai um lo i.

Jeremiah 51:15

Bawipa in laivum heh a huham in bawn i; A fimhnak in laipua heh semsuah ai, van khai pharh i.

Zekhariah 12:1

Israel thula tu Bawipa hnenin hetihin hleng i. Vante a pharhtu Bawipa, lailung semsuah ai minung nunhnak rauhla a petu Bawipa in hetihin rel i:

Matthai 11:25

Cialai ah Jesuh in, “Aw i Pa, lai le van ai Bawi! mifim le mithiam hnenin na thup ngiohnak heh tunin zaikhai a thiam lomi hnenah na larruai manin thang na phat ing.

Marka 13:19

Zaimantifangin he thil a hleng tuhhnak heh Pathian in laivum a semsuah ai panin tun tian ah a um awng kel lo harsahnak i tuh i. Hmai lam zaikom fangin khai um tuh nawn lo i.

Tirhthalahle 14:15

“Hetihin zaimanin bawn tum tlang i si? Kinmah heh ningmah bang minung ve i ing! A hnempui lo thil ning bawnhnak in lai le van le tipuithuanthum le a songai ummi hmuahhmuah a bawntu a nungmi Pathian hnenah ning lethnak tuhin Thuthangpha rel tuhin kawi kawm i ing.

Tirhthalahle 17:24

Lailung le a songai a umhnak hmuahhmuah a bawntu Pathian tu lai le van ai Bawi i ai minung kut ai sahnak biakinn songah um lo i.

Tirhthalahle 4:24

Ciami heh sangtute in za fangin hmunkhat niu in Pathian hnenah sawngen tlang ai, “Aw Cungnungber Bawipa, lai le van, tipuithuanthum le a songai a umhnak hmuahhmuah a bawntu Bawipa,

Rom Pawlpi Hemih Paul Laikuat 11:36

Zaimantifangin zaizongza amah in semsuah i, Amah manin um ai amah caah i sio i. Pathian hnenah songlawihnak tu kumzangza in um tuseh! Amen.

1 Korin 8:6

kin caah zaizongza semsuahtu le kin nungsanhnak Pa Pathian pakhat ian um i; cen Bawipa pakhat Jesuh Khrih ian um ai Amah manin zaizongza semsuah i ai Amah manin a nungmi ising.

Efesa 3:9

Pathian ai tumtekhnak a thuthup heh zai bangin lar zo i ti khiah mi zongzong in hmu thil tuhin amahte mit varruai tuhin Pathian in ṭuanvo i pe i. Zaizongza semsuahtu Pathian in kin hnua lam san song hmuahhmuah a thuthuk heh thup i.

Hebru 1:10

“Cen Bawipa nangmah in a hampan ah laipua heh semsuah ai, Na kut rori in vante khai bawn isi.

Hebru 1:2

Ikhalselai he ni hnuataber lam ahcen kin hnenah a Fapa songin rel i. Ciami a Fapa hmangin Pathian in lai le van semsuah ai a tawphnak ah zaizongza naitu sio tuhin Amah heh ril i.

Hebru 11:3

Sanghnak kin naihnak manin lailung le vancung heh Pathian ai ponkam in bawnhnak i, ti ling i ing; ciamanin Pathian in hmu thil a bawnhnak ah hmuh thil lo hmang i.

Hebru 3:4

Inn hmuahhmuah mi pakhatkhat in sahnak i; ikhalselai zaizongza a satu heh Pathian i.

2 Piter 3:5

Hlanlaipui ah Pathian in a thu in lai le van bawn i ti ling tlang napui ling lo bangin um tlang tuh i. Lai tu ti songin le ti thawn bawnhnak i.

1 Johan 1:1

A hampan ai a um cia nunhnak Thu ning hnenah lai in ngan ing. Ciami tu kin bil ai zahnak le kin mit ai hmuhnak i. Kin mit rori in hmu ai kin kut rori in kin dai awnghnak i.

Thupphuan 10:6

A kumzangza in kumzangza tian a nungmi Pathian, van le laivum, tipuithuanthum le a songai umhnak hmuahhmuah a bawntu Pathian ai hming in cukcam in thukhamhnak bawn ing. Ciafangin vancungmi in, “Rai tuh nawn lo i.

Thupphuan 14:7

Aw cawm ngai in, “Pathian upat tu ilai a thawmlianhnak thangphat tu ih! Zaimantifangin miphun cang amahte thu rel can hleng zo i. Van le lai, tifingriat le cirhti hmuahhmuah a bawntu bia tu ih!” tiin ti i.

Thupphuan 21:6

Cen, “Zaizongza ben zo sek i. Kai tu Alpha le Omega ing, a panhnak le a tawphnak ing. Aisu khai ti a haltu heh nunhnak cirhti ding tuhin man loin pe tuh ing.

Thupphuan 22:13

Kai tu Alpha le Omega ing, a hmasaber le a hnuataber, a hampanhnak le a tawphnak ing.

Thupphuan 3:14

“Laodisia pawlpui ai vancungmi hnenah hetihin ngan tu: A hming ah Amen, rinsantlak le thulingtu i ai Pathian ai samhnak hmuahhmuah ai hampanhnak a imi ai thucahhnak tu hetihin i.

Thupphuan 4:11

“Kin Bawipa le kin Pathian, Nang tu songlawihnak le upathnak le huham co tlak isi. Zaimantifangin nang in zaizongza bawn ai na thu in samhnak le nungruaihnak tepawl i,” tiin ti tlang i.