SAAM LABU 67:4 - Zanniat Bible

⁴ Minungte dikcanglairelhnak thawn amahte thukhan sah ai, Miphun hmuahhmuah na hoi manin lungawi in la sa tlang tuseh.

Khualsim Bible

⁴ Miphunpawl cu ngetia leh lungawi in hla sa u seh, icatile mipawl cu ruangraanin thu na ṭhen hngai ih vulei parahhin miphunpawl lam na hruai hngai.

Falam Common Language Bible

⁴ Minung pawl dingthluk lairelnak thawn an thu na ṭhensak ih, Miphun hmuahhmuah na hruai hai ruangah lungawi in hla sa hai seh.

SAAM LABU 67:4 ပူးပေါင်းရင်းမြစ်များ

Seemthawhnak 18:25

Mihrokhrawl pawl thawn hmunkhat in mipha pawl khai rek tuh sek isim? cang thil lo i, ti tuh na um lo ing. Ciatihin bawn lesikhaw a mawhmi angin midikcangte khai cawhhnak tuar tuh ve im? Ciami tu a cang thil lohnak i. Lailung vum hmuahhmuah thukhantu in dikcanglairelhnak in thukhan tuh lo isim?” tiin Abraham in ti i.

SAAM LABU 2:8

I ngen tulai miphun hmuahhmuah na rothil ah na pe tuh ing; Laivum pumpuhluk heh nangmah ai cang tuh i.

SAAM LABU 82:6

‘Ningmah khai pathian i si,’ tiin ning rel zo ing. Ning veksen in Cungnungber ai fapate i si.

SAAM LABU 9:8

Laivum pumpuhluk tu dikcanghnak thawn uk ai, ṭan bulhnak nai loin mi zongzong vumah thukhan i.

SAAM LABU 96:10

Miphun hmuahhmuah hnenah, “Bawipa tu kumpibawi i; Laivum tu a hmaiah kho ngai in um zo ai, thawn thil nawn lo i. Mi zongzong heh dikcanglairelhnak thawn thukhan sah tuh i,” tiin rel tu ih.

SAAM LABU 98:9

Zaimantifangin laivum uk tuhin Bawipa kawi ihang; Amah in laivum pumpuhluk ai minung hmuahhmuah heh, Dikcanglairelhnak le felhnak thawn uk tuh ihang.

Isaiah 54:1

Aw Jerusalem, fa nai lo nucing bang isi. Ikhalselai tun tu ang tulai au in la sa tu. Tun tu a pasal in a zam awng lomi nupang tahin fate tam deuh nai tuh isi.

Isaiah 55:4

David tu hotu le miphun tampui konghoitu ah bawn awng ai amah caah i hathnak larruai awng zo ing.

Isaiah 60:6

Midian ram le Ephah ram an kalauk a rual in kawi tuh i. Sheba ram an kawi tlang tuhai sui le rimhmui koih tuh i. Pathian ai thil bawnhnak thuthangpha tu mi in phuang tuh i.

Tirhthalahle 17:31

Zaimantifangin a ril cia mi pakhat in lailung mite veksen heh dikcanghnak thawn thukhan tuhin ni tiam zo i. Cia thu tu thudik i, ti khiah mi zongzong hnenah larruaihnak ah ciami pa tu thihhnak in thoruai leh zo i,” tiin ti i.

Rom Pawlpi Hemih Paul Laikuat 2:5

Ikhalselai nang tu thinlung na hak ai a kho bikraw i; ciamanin Pathian ai thinrawhnak le a dikmi thukhanhnak Nia ah na tawk tuhhnak cawhhnak tu tam tuh amam in nangmah in khawl isi.

Galati 4:27

Lai Thianghlim in, “Nang nucing, ang tu! Naukai urhnak a tuar awng lo nu, lungawi aipuang in au tu! Zaimantifangin hlum zomi minu in a pasal thawn um ngiomi nu tahin fate tam sawn nai tuh i,” ti i.

Daannolhnak 32:43

“Aw laivum mite, Bawipa ai minungte thawn ning lungawi tu ih, A minung a rektute tu cawh tuhai, A ralte vumah phuzul tuh ing. A minung le a ram songai mawhhnak tu, som tuh sio i.”