Nahum 1:2 - Zanniat Bible

² Bawipa tu umhlah nai le phuzul hmang Pathian i; Bawipa tu phuzul hmang le thinraw thai i. Amah ralcaitu vumah phuzul ai, A ralte vumah thinraw in rulthun i.

Khualsim Bible

² Bawipa cu mihaalngei leh phulamhmang Pathian a ii, Bawipa cu phulamhmang leh thinsiathmang a ii; Bawipa ni a doralle parah phulei a sam ih, a ralle parah a thinkannak a thawhsak.

Falam Common Language Bible

² Bawipa cu thiiknei le phuhlam hmang Pathian a si; Bawipa cu phuhlam hmang le thinheng thei a si. Amah a dodaltu parah phu a hlam ih, A ral pawl parah thinheng in a lehrul.

Nahum 1:2 ပူးပေါင်းရင်းမြစ်များ

Job 20:23

A duhzah bangin ai tuseh! Pathian thinrawhnak tu mai bangin ko tuhai ruah bangin a vumah si tuh i.

SAAM LABU 94:1

Aw Bawipa, nang tu phuzultu Pathian isi; Na thinrawhnak larruai tu.

Suahhlannak 20:5

Milim bia tuh lo i si; a hmaiah ut khai ut mah ih; zaimantifangin kai tu Bawipa ning Pathian ing ai umhlah nai Pathian ing. Kaimah i huatu vumah a sualhnak manin dantat tuhai amahte ai tesinfate san, santhum sanli tianin cawhkuan hlengruai tuh ing.

Suahhlannak 34:14

“Khuavang bia tuh lo i si; zaimantifangin Bawipa ai hming tu ‘Umhlah hmang,’ i; Kai tu mi umhlah nai Pathian ing.

Suahhlannak 34:7

A kho ngai i ithnak tu san thawng tampui tian khimruai ai amahte mawhhnak, hnawmhnak le sualhnak khai ngaithiam ing. Ikhalselai a pate ai sualhnak manin a fate le a tesinfate heh santhum sanli tianin cawh de ing,” tiin ti i.

Isaiah 42:13

Bawipa tu mihat ber bangin vak i; Raltawng tuhin ralring ai thatho ngai i. Raltawng tuhin au ai neh tuhin au dekdo i. A ralte hnenah a huham hmuh i.

Isaiah 51:17

Aw Jerusalem, phawk tuhang! Phawk tulai tho tuhang! Bawipa in a thinraw in na dingruaihnak cawhhnak khuat heh ding zo isi. A holnawi tianin ding ai na sawnruai zo i.

Isaiah 51:20

Lam kingkawn cangcang ah na minungte tu helhep in leu tlang bial i. Thangtohtu ai awkhnak kiho bang i. Pathian ai thinrawhnak ru tawk tlang i.

Isaiah 66:15

Bawipa tu mai thawn kawi tuh i. Hlipui ai kohmur vumah Bawipa tu to tuhai a thin rawruaitute cawh tuh i.

Jeremiah 25:15

Bawipa Israel ai Pathian in kaimah hnenah, “Heta ah i thinrawhnak in a dimmi cabit khuat khat um i. Kaimah in na hlathnak miphun hmuahhmuah hnenah feh tulai dingruai tu.

Jeremiah 28:8

Hmasa prophette, nang le kai hlanai thu a reltu prophette tu miphun tampui vumah le a thawmlian kumpibawi ukhnak vumah raltawnghnak, rian tlung le urhnak hleng tuh i, tiin rel awng i.

Jeremiah 3:5

I vumah kumzangza in thin na raw tuh lo ai thintok ngiode malaw maw,’ i ti i. Aw Israel, na hmurka incen ciatihin pong isi, ikhalselai thilsual tu bawn thil zah in bawn fawn isi,” tiin ti i.

Jeremiah 36:7

Bawipa hnenah sawngen tlang ai amahte nuncan pha lohnak hlumhnak ahkhai cang thai pang i. Zaimantifangin he minungte vumah Bawipa in a kihkul a thinrawhnak le a thintokhnak hlengruai tum i,” tiin ti ing.

Jeremiah 4:4

Aw Judah mi le Jerusalem mite, Bawipa kaimah thawn thukham ning bawnhnak khiah khimruai in kaimah hmaiah vunhmur tanmi i tu ih; ciatihin kaimah caah thianghlim ngai in ap dun tu ih. Ciatihin bawn hlah le i sikhaw thil ning bawn sualhnak manin ning vumah i thinrawhnak mai bangin ko tuhai a hmitthaitu aisu khai um tuh lo i,” tiin ti i.

Jeremiah 50:15

Babylon khuapui cingkim in raltawng audan in au tu ih. Babylon sung zo i! Khua kulhhnak vingpui tu bal ai min sio zo i. Babylon mite vumah phuzul ing. Amahte vumah ning phuzul tu ilai midang a bawn awng bangin anite vumah bawn tu ve ih.

Ṭahhlapawl 4:11

Bawipa ai a thinrawhnak tu, Mailing bangin burh i. Zion ah mai koruai ai, A hampohnak tian riap rori in kangruai i.

Ezekiel 36:6

“Ciamanin Israel ram hnenah prophet ponkam in rel tu. A dang miphunte in zohsuam ai mualphotiar manin Cungnungber Bawipa kaimah in a hahnak le thinrawhnak thawn i relhnak heh Israel tlangsang le tlangniamte, rawnti niu le phairawnte hnenah rel tu.

Ezekiel 38:18

Cungnungber Bawipa in, “Gog in Israel a tawng nia ahcen thin i raw tuh ze i.

Ezekiel 38:19

I thinrawhnak mai bangin sa laiah thuthan ing: ciami nia ahcen Israel ramah a roh ngai in hlinhlin tuh i.

Ezekiel 39:25

Cungnungber Bawipa in, “Ikhalselai tun tu Jacob ai tesinfa Israel mite vumah ninghiohnak nai tuhai mi khangso le mi nainung cangruai leh tuh ing. I hming thianghlim khiah kilkhawl tuh ing.

Ezekiel 5:13

“Thin i riam hlanlo i thinrawhnak le thintokhnak tu a roh ngai in tawk tuh i si. Ciabang cang ngaingai fangin, rintlak lo ning ihnak manin ning vumah thin i raw ai Bawipa kaimah in ning hnenah i pongsuakhnak khiah ling tuh i si.

Ezekiel 6:12

Lamhla ai umtute tu ur in thi tuh i. A nong ai a umtute tu ral kut in thi tlang tuh i; a tanglai mite tu rong loin thi tlang tuh i. I thinrawhnak thawm tu a roh ngai in tuar tlang tuh i.

Ezekiel 8:18

I thinrawhnak hmual tu a roh ngai in tuar tuh i. Aisu khai zuah tuh lo ing. Kaimah hnenah amahte aw naihtawp in sawngen in au tuh i, ikhalselai ngai sah tuh lo ing,” tiin ti i.

Joel 2:18

Cen Bawipa in a ram thinpemhnak larruai i; A minungte ngaihhar i.

SUANGBAWI LAIBU 26:28

i thinraw in a rohpui in ning bawn thun tuh ve ai ning vumai cawhhnak heh ning sualhnak manin, a let sarih in rohruai tuh ing.

Mikah 5:15

I thu a hlun lomi miphun tu thinraw in amahte vumah phuzul tuh ing.

Mikah 7:18

Aw Bawipa, nangmah bang Pathian aisu um pa! A tangsun na minungte tu amahte sualhnak ngaithiam isi. A kumzangza in thinraw lo isi; a kho ngai na ithnak tu amahte vumah larruai ṭio isi.

Zekhariah 1:14

Ciami Cungnungber Bawipa ai ponkam tu tlangaupui tuhin vancungmi ruai i. “I khuapui thianghlim Jerusalem caah ithnak le ngaihharhnak tampui nai ing.

Zekhariah 8:2

Jerusalem mite i ithnak tu a thuk ngai ai Jerusalem khuapui bawm tuh tu i hiam ngai i; kaimah in ha manin a ralte vumah thin i raw i.

Mipun Siarnak 25:11

Phinehas in Israel mite vumai i thinrawhnak heh dapruai zo i. Ani incen kaimah siarlo pathian zaibang khai bia tuhin daih hrimhrim lo i. Ciamanin Israel mite veksen in i siatsuah sek lohnak i.

Rom Pawlpi Hemih Paul Laikuat 12:19

I rualte, zaikom inkhai phuzul tum mah ih; Pathian thinrawhnak sawn in ciami heh bawn tuseh. Zaimantifangin Lai Thianghlim songah, “Kaimah in phuzul tuh ing; Kaimah in rulthun tuh ing, tiin Bawipa in ti i,” tiin um i.

Rom Pawlpi Hemih Paul Laikuat 13:4

zaimantifangin nangmah ai phathnak bawntu tuhin Pathian ai cengfa i. Ikhalselai a pha lo bawn lesikhaw thunaitu khiah kih tu; zaimantifangin mi cawhthilhnak nai taktak i. Ani tu Pathian ai cengfa imanin thilpha lo a bawntute vumah Pathian ai cawhhnak a suakruaitu i.

Daannolhnak 4:24

Zaimantifangin Bawipa ning Pathian tu mi umhlah nai Pathian i ai zaizongza a kangfaitu mai bang i.

Daannolhnak 7:10

Ikhalselai a tawngcaitu le a huatu vum ahcen a rang ngai in cawhhnak le siatsuahhnak hlengruai tuhin ṭhukṭhun tuh hrimhrim lo i.

Hebru 10:30

Zaimantifangin, “Kaimah in phuzul tuh ing, kaimah in rulthun tuh ing,” a ti hlaiah, “Bawipa in a minungte tu thukhan tuh i,” a titu aisu i ti ling i ing.

Joshua 24:19

Joshua in anite hnenah, “Bawipa ruaihtu cang thil peu ni i si maw? Zaimantifangin ani tu a thianghlimmi Pathian i ai umhlah nai Pathian i. Ning mawhhnak le ning sualhnak khai ning ngaithiam tuh lo i.

2 Piter 2:9

Ciatihin Bawipa in amah a kihzahtute harsa tuarhnak in osuak thiam ai hrokhrawl mite Thukhanhnak Nia tian cawhhnak tuar tuhin dah i.