Mikah 4:1 - Zanniat Bible

¹ Hmai lam can ahcen Bawipa ai Biakinn dinhnak mual heh, Mual hmuahhmuah lakah a sang ber i tuh i. Miphun tampui in tiluang bangin been tuh murhmo i.

Khualsim Bible

¹ Hmala caan ahcun Bawipa ih inn omnak Tlang cu Tlang hmawhhmawh lakih sangtleng ah diinṭho a i thok ih, mualpawl cungah han tun a i thok. Mipawl cu a hemah an vong bong thok,

Falam Common Language Bible

¹ Hmailam tikcu ahcun Bawipa ih Biakinn dinnak tlang cu, Tlang hmuahhmuah lakah a saangbik a si ding. Miphun tampi in ti luang bangin an pan dutdo ding.

Mikah 4:1 ပူးပေါင်းရင်းမြစ်များ

Seemthawhnak 49:1

Cen Jacob in a fapate ko ai, “Hmunkhat ah taikhawm tu ilai hmai lam ning vumah thil cang tuh thu ning rel cia tuh ing,” tiin ti i.

Seemthawhnak 49:10

A kumpibawi fung awh ai, A tesinfate tu a zomzet in mi uktu tuh i. Miphun tampui in siahkhon pe tuhai, Upathnak thawn a hmaiah ut tuh i.

SAAM LABU 110:3

Na ralte na tawng nia in, Na minungte tho tlang tuh dekdo i. Zingniu in naidawh bangin, Tlang thianghlim ah na minote Na hnenah kawi tlang tuh i.

SAAM LABU 22:27

Miphun hmuahhmuah in Bawipa tu ling tlang leh tuhai, Vanham tong inkhai a hnenah let tlang tuh i. Hin le nam hmuahhmuah in amah bia tlang tuh i.

SAAM LABU 48:1

Bawipa tu a thawmlian ai A roh ngai in thangphat tuhhnak i. Kin Pathian ai khuapui ah, A tlang thianghlim vuman!

SAAM LABU 86:9

Na semsuahmi miphunte hmuahhmuah in na hnenah kawi tlang tuhai amahte lu ut tlang tuh i. Na hming thangphat tlang tuh i.

Isaiah 27:13

Cia nia a hleng fangin Assyria le Egypt ramai saltang Israel mite ko tuhin thirhlung tum tlang tuh i. Kawi tlang tuhai Jerusalem khua, a mual thiang vumah Bawipa bia tlang tuh i.

Isaiah 43:6

Amah hlat tuhin sak lam heh rel tuhai, Amah khit tuh nawn loin hlang lam heh ruai tuh ing. Ram hla puipui in i minungte tu let tuseh. Laivum khuahacang in tlung tuseh.

Isaiah 49:6

Bawipa in, “Kaimah cengfa, na ṭuanvo thupui amam um i; A tangsun Israel mite hnenah A hlan bangin hmingthanghnak na nairuai leh tuh lek ilo in, Laivum pumpuhluk ohnak a ngah ngahthilhnak tuhin Nang tu miphun tampui hnenah tleuhnak tuhin na bawn tuh ing,” i ti i.

Isaiah 54:2

Na ponhlam kauruai deuh tu! Pon penhnak ri sauruai tulai, a khemte kho deuh in bawn tu;

Isaiah 56:7

“I mual cianghlim Zion ahcen ning hlenpui tuh ing; i sawngenhnak inn ah anghnak ning pe tuhai i puleng vumah hibawl ning selhnak tu ning sang sah tuh ing. I Biakinn khiah miphuncang caah sawngenhnak inn ti tuh i,” tiin ti i.

Jeremiah 16:19

Aw Bawipa, nangmah in kin hup ai hathnak i pe isi. Harsahnak can ah i bawm isi. Vanham tong in miphun tampui kawi tlang tuhai na hnenah, “Kin pupate in thudon khuavang siar lo zaikhai nai tlang lo i; amahte naihnak tu zaikhai hnempui lo milim lek i.

Jeremiah 26:18

“Moresheth khuami prophet Micah in Hezekiah, Judah kumpibawi a ṭuan laiah misenpui hnenah Cungnungber Bawipa ai ponghnak hetihin i rel i: ‘Zion tu lo bangin vai tuh i. Jerusalem tu khuarop ah cang tuhai Biakinn dinghnak mual tu tupui ah cang tuh i,’ ti i.

Jeremiah 3:17

Ciami can a hleng fangin Jerusalem khua tu ‘Bawipa ai Bawi tohkham,’ ti tuhai miphun hmuahhmuah ciata ah kaimah bia tuhin khawm tuh i. Amahte thinlung ruh le thinlung siava ai a ruaihnak ruathnakte thawn thil bawn tuh nawn lo i.

Jeremiah 31:12

Kawi tlang tuhai Zion Mual ah, lungawi in la sa tlang tuh i. I phathnak manin aipuang tuh i; Rong le cabit le olive thau manin, Tuu le mete i lehsawng manin! Ti kham ngai ai burhhnak vuan bang tuh i. A kulhnak hmuahhmuah nai tuh sek i.

Jeremiah 48:47

Ikhalselai hmai lam tikcucan ahcen Bawipa in Moab khiah nainung ngai ah bawn leh tuh i. Hemi tu Bawipa ai ponghnak i ai Moab vumah khim tuh i.

Ezekiel 38:16

Khat lamin a khat lam tong tian i minung Israel mite tu khuahu bangin tawng tuh isi. Can a khim fangin, a dang miphunte hnenah aisu ing ti larruaihnak tuhin le ningmah lakai i naperhnak thawmin i thianghlim zia a larthilhnak tuhin i ram tawng tuhin i hlatsanhnak i.

Ezekiel 40:2

Larhnak i hmuhnak ahcen Pathian in Israel ramah i fehpui ai tlangsangpui pakhat vumah i dah i. I hmaiah khuapui bang inn a burpui ai umhnak hmu ing.

Ezekiel 43:12

Biakinn hrang ai dan tu hetihin i: Biakinn umhnak tlang vum le a cingkim hmuahhmuah hmun thianghlim i,” ti i.

Daniel 10:14

Hmai lamah na minungte vumah ziang hleng tuh i ti na lingruai tuhin hleng zo ing. Hemi larhnak tu hmai lam thu i,” i ti i.

Daniel 2:28

Ikhalselai vancung ah, mangbangkul thil a relfiang bentu Pathian um i. Amah in kumpibawi, na hnenah hmai lamah a cang tuhhnak thu na rel cia i. Na mitmu lai ai na manhnak na mang tu na rel tuh ing.

Daniel 2:35

Cia sawngpah in thir le laisawr, dar le ngun le suite tu khoi sek ai khuakhal cu fangrialhnak hmunai laivut bang ah cang sio i. Ciami laivut tu hlivua in a niah tlawmniu tal tang lo tianin hmut sek i. Ikhalselai ciami lungto tu khang zianzo ai tlang lian ngai ah cang i; cen laivum pumpuhluk khuk sio i.

Daniel 2:44

Cia ram uktu bawite in ram a uk fangin vancung Pathian ai a bo awng lo ukhnak umruai tuh i. Aisu inkhai ciami ukhnak tu neh tuh lo i; ikhalselai ukhnak dang hmuahhmuah siatsuah tuh sek ai kumzangza in kho tuh i.

Daniel 7:14

Cen phunkhim, hinkhim le pongkhim a pongtute in a na ruaihthilhnak tuhin a hnenah thunaihnak, hmingthanghnak, upathnak le kumpibawi huham hmuahhmuah pe i. A thunaihnak tu kumzangza in kho tuhai a ukhnak bo tuh awng lo i.

Daniel 7:18

Cen Cungnungber Pathian ai minungte in kumpibawi huham ngah tlang tuhai kumzangza in kumzangza tian co tuh hlen ihang.” ti i.

Daniel 7:22

Cen kumzangza in a nungmi kawi ai Cungnungber Pathian ai minungte ṭan in thukhanhnak bawn i. Pathian minungte in kumpibawi thunaihnak a co can hleng zo i.

Daniel 7:27

Laivum ukhnak hmuahhmuah ai huham le thawmlianhnak khiah Cungnungber Pathian ai minungte hnenah pe tuh i. Amahte cohnak kumpibawi huham bo tuh nawn lo ai laivum mi uktu hmuahhmuah in a na ruaih tlang tuhai upat tlang tuh i,” ti i.

Hosea 3:5

Ikhalselai Israel mite in Bawipa a Pathian lamah let ai a kumpibawi David ai tesinfa hnenah a let can um leh tuh i. Cen Bawipa tu kihzah tlang tuhai lehsawng pha ngah tlang tuh i.

Mikah 3:12

Hemi bangtluk ning imanin Zion tu lo bangin vai tuh sio i. Jerusalem khua tu khuarop ah cang tuhai Biakinn umhnak mual tu tupui ah cang tuh i.

Zekhariah 14:10

Hemi lairam tu a veksen in sak lamah Geba in hlang lamah Romemon tian zawllai in bawn tuh sio i. Jerusalem tu a hiangai ram tahin sang tuh cuang i. Hemi khuapui tu Benjamin kotka in hlanlai ai kotkate a um awnghnak Akil Kotka tihnak tian kau tuh i; cen Hananel ralvil inn in kumpibawi cabit rialhnak hmun tian i tuh i.

Zekhariah 2:11

Ciafangin mi tampui Bawipa hnenah kawi tuhai a minung ah cang tuh i. Ning lakah um tuhai ning hnenah a hlatmi ing ti khiah i ling tuh i si.

Zekhariah 8:3

Kaimah let tuhai i khuapui thianghlim Jerusalem ah um tuh ing. Rinsantlak khuapui tiin ling tlang tuhai Cungnungber Bawipa ai mual tu mual cianghlim tiin ko tuh i.

Malakhi 1:11

Laivum miphun hmuahhmuah, nisuahhnak in nitlakhnak tian kai tu i upat i. Khuahacang ah i hming upathnak tuhin rimhmui tai tlang ai a cotlakmi hibawlhnakte i sel i. Amahte veksen in i upat i!

Tirhthalahle 2:17

‘Pathian in, ni hnuata lamah tu hetihin bawn tuh ing; Mi zongzong vumah i Rauhla burh tuh ing; Ning fapate le ning fanute in i thu phuang tlang tuh i; Ning tlangvalte in larhnak hmu tlang tuh i; Ning patarte in mang man tlang tuh i;

Hebru 1:2

Ikhalselai he ni hnuataber lam ahcen kin hnenah a Fapa songin rel i. Ciami a Fapa hmangin Pathian in lai le van semsuah ai a tawphnak ah zaizongza naitu sio tuhin Amah heh ril i.

2 Piter 3:3

A hmasaber ah ning ling tuhhnak tu: ni hnuataber can ah mi hrekkhat in amahte taksa hiamhnak in uk mite suak tlang tuh i, tihnak i. Ciamite in hnihsarelhnak in ning hmang tuhai,

Thupphuan 11:15

Cen a pasarihhnak vancungmi in a thirhlung tum ai vancung ah a cawm ngai aw in, “Laivum uk benhnak huham heh kin Bawipa le a Messiah kut songah um zo ai kumzangza in kumzangza tian amah in uk tuh i,” tiin ti tlang i.

Thupphuan 15:4

Bawipa, nangmah na kihzah lotu aisu um tuh i? Na thawmlian zia a phuang lotu aisu um tuh i? Nangmah ian na thianghlim i. Miphun hmuahhmuah na hnenah kawi tlang tuhai na bia tlang tuh i. Zaimantifangin a dikmi na thil bawnhnak tu mi zongzong in hmu tlang zo i.”

Thupphuan 20:4

Cen bawi tohkham le a vumai a totu, thukhanthilhnak a hnenah pehnak mite hmu ing. Jesuh ai a phuanghnak thutak le Pathian thu phuang tlang manin rek a tuartute ai rauhlate hmu ing. Anite tu sahrang bia tlang lo i, a lim khai bia tlang lo i; sahrang ai hnikhnaihhnak tu amahte cal ah ituseh amahte ban ah ituseh nai tlang lo i. Anite tu nunglehsal ai Pathian tohkham vumah to in Khrih thawn kum thawng khat song uk tlang i.