Mikah 1:16 - Zanniat Bible

¹⁶ Aw Judah mite, ning fahniangte ning ngai manin lungsia in ning sam met tu ih. Ning fate tu sal ah pomhnak tuar tuhai ramdang ah fehpui tuh manin ning lu tu langtar lu bangin a kolh in met tu ih.

Khualsim Bible

¹⁶ An zuun nan ngaimi nan tiale caah nan lu kolhtia in nan sam mettia uh; nan hemin saltaannak ih an tah rom ruangah langta mangin nan lu kolh in vuatia uh.

Falam Common Language Bible

¹⁶ Maw Judah mi pawl, nan fahniang pawl nan ngai ruangah riahsia in nan sam meet uh. Nan faale pawl cu sal ah an kai ding ih ramdang ih an fehpi ding ruangah nan lu cu langta lu bangin meet kolh thluh uh.

Mikah 1:16 ပူးပေါင်းရင်းမြစ်များ

2 Siangphahrang 17:6

Hoshea in Israel ram a uk kum kuahnak ah Assyria Kumpimangbawi in Samaria khuapui heh lang i. Israel mite tu Assyria ah sal cang tuhin fehpui i; a hrekkhat tu Halah khua ah umruai i, a hrekkhat tu Gozan peng Habor Run hiangah umruai ai a hrek tu Media ai khuapuite ah umruai i.

Job 1:20

Ciafangin Job tu tho ai a lungsia in a hnikpon zik i. A sam met sek ai laipua lakah bok in,

Isaiah 15:2

Dibon khua mite tu puleng ah kap tuhin tlang vumah kai i. Moab mite tu Nebo le Medeba khuate hmu fangin lungsia le thinnau in kap ai rung tlang i. A lungsia in a sam le a khahmulte met sio i.

Isaiah 22:12

Cungnungber Bawipa in kap le ai tuhin le ning sam met tuh sio in le buri hnikpon sil tuhin ning ko i.

Jeremiah 16:6

Hemi ramah milian ituseh, mifarah ituseh thi tlang tuhai phumtu aisu khai nai tuh lo i. Kahtu khai nai tuh lo i. Lungsia larruaihnak tuhin aisu inkhai vangniu in at dun tuh lo ai sam khai met tuh lo i.

Jeremiah 4:8

Ciamanin buri hnikpon sil tu ilai, Kap in au tu dekdo ih; Zaimantifangin Bawipa ai thinrawhnak tu Judah vuman thawn lai lo i.

Jeremiah 47:5

Gaza mite hnenah lungsiahnak lianpui hleng i; Ashkelon mite tu dapthen in um i. Zaikom tian Filistin ram hrekkhat mithi ngai in um tlang tuh i?

Jeremiah 6:26

Cen Bawipa in a minungte hnenah, “Buri hnikpon sil tu ilai vutkuang lakah lungsia in tal tu hnelhno ih. Ning fapa naihsun thi ai ning kah tuh bangin mithli far in kap tu ih, zaimantifangin ningmah tawng tuhin a kawitu ralte mangrinlo in ning tawng tuh ihang.

Jeremiah 7:29

Aw Jerusalem mite, Mithi ngai in kap tu ih; Ning sam met tu ilai lon tu ih. Mithi phumhnak la tlang vumah sa tu ih; Zaimantifangin kaimah ning Bawipa thin i raw ai i minungte hnawl zo ing.

Ṭahhlapawl 2:19

Zankhuavar tho tu cingcing lai, Bawipa kotu leklo law. Bawipa ai hmaiah na thinlung urhnak tu ti bangin luangruai tu. Na fate caah ban pharh in ninghiohnak ngen tu; Lampui ning cang ai a thi dawnmi na fate, Rong loin a thi dawnmi na fate caah.

Amos 7:11

A relhnak tu hetihin i: ‘Jeroboam tu raltawnghnak ah thi tuh i; Israel mite amahte ram an sal ah hoi tuh sek i,’ tiin rel dekdo i,” ti i.

Amos 7:17

Ciatihin na ti manin, nang Amaziah, Bawipa in na hnenah, ‘Na nupui tu khua songah taksa zuar in cang tuhai na fate tu ralvang in thi tuh i. Ning ram tu piak tuh sio ai midang hnenah pehnak tuar tuh i. Nangmah khai Pathian ling lomi ram, ramdang ah na thi tuh i. Israel mite heh amahte ram an sal ah hoi tuh sek tengteng i,’ ti i,” tiin rel i.

Amos 8:10

Ning puaite tu mithi vuihnak ah cangruai tuhai ning anghnak la tu lungsia kaphnak ah cangruai tuh ing. Ning sam ning met sah tuh sio ai buri hnikpon ning silruai tuh ing. Fapa naihsun thi ai a nu le a pa a kap kawm bangin ning kapruai tuh ing. Ciami nia tu a tawphnak tianin a kha bikraw nia i tuh i.

Daannolhnak 28:41

Fanu le fapa cawi tuh napui ralpom mi cang tuh sio ai ningmah ai i tuh lo i.