Malakhi 4:2 - Zanniat Bible

² Ikhalselai i thu a ngaitu ningmah ca ahcen i mi ohnak huham ning vumah ni bangin tlang tuhai nitleu in nuncakhnak a pe bangin ning vumah nuncakhnak hlengruai tuh ing. Kawlpaw niu kawlpaw inn in a suahhnak bangin luat ngai le ang ngai in um tlang tuh i si.

Khualsim Bible

² Nangmi ka min a upat tu mipawl ca’h zong cu a thla sungah damnak a phurmi dingnak ninu a hang suak thok. Kawm sungin hei thlahmi cawpesuanle mangin va suakin nan phettia thok.

Falam Common Language Bible

² Sikhalsehla ka thu a ngaitu nannih pawl hrangah cun ka mi runnak huham nan parah ni bangin a tlang ding ih ni tleunak in harhdamnak a pek vek in nan parah damnak a thlengter ding. Caw faate caw inn ihsin an suahmi vekin luatzet le lungawizet in nan um ding.

Malakhi 4:2 ပူးပေါင်းရင်းမြစ်များ

2 Samuel 23:4

Khuanim um lo zing lamai a tlanghnak ni bang i, Ruah hang ai hampa a tleuruaitu, ni bang i,” ti i.

SAAM LABU 103:3

Amah in i sualhnak hmuahhmuah i ngaithiam ai, I urhnak hmuahhmuah i cakruai i.

SAAM LABU 147:3

Thinlung khoi mite cakruai leh ai, A hmaihmate tuam sah i.

SAAM LABU 61:5

Aw Pathian, i thukhamte nangmah in ling zo ai, Nangmah na kihzahtute ai ro heh i coruai tu hram law.

SAAM LABU 67:1

Aw Pathian, ning i hio tulai hmuifu i burh tu hram law; Ninghio thinpemhnak thawn i sik tu hram law.

SAAM LABU 84:11

Bawipa tu kin huptu le a songlawi mi kumpibawi i. Ninghiohnak le songlawihnak thawn hmuifu kin pe i. Thildik a bawntu hnen ahcen Thil pha pe tuhin zaikhai pamhmaih lo i.

SAAM LABU 85:9

A songlawihnak kin ramah a umthilhnak tuhin, A ohnak tu amah a upattute hnenah pe tuh i.

Aanroling 4:18

Ikhalselai midikcangte ai lampui tu, Zing khuavar in sun tian a tleu amam tleuhnak bang i.

Isaiah 30:26

Hlapui tu ni tluk in tleu tuhai ni tu a tleu kel ai a let sarih in tleu tuh i; ni sarih tleuhnak heh ni khat ah kom selai ciabang tuh i. A vumai thil cang tuhhnakte tu Bawipa in a minung hnenai a hlengruaihnak hmaihmate tuam sah tuhai a cakruai tikcucan ah khim tuh sio i.

Isaiah 35:6

Kebai mite in dawk in lam tlang tuhai, A pong thil lote khai ang in au tlang tuh i. Nelrawn songin ti luang tuhai,

Isaiah 49:6

Bawipa in, “Kaimah cengfa, na ṭuanvo thupui amam um i; A tangsun Israel mite hnenah A hlan bangin hmingthanghnak na nairuai leh tuh lek ilo in, Laivum pumpuhluk ohnak a ngah ngahthilhnak tuhin Nang tu miphun tampui hnenah tleuhnak tuhin na bawn tuh ing,” i ti i.

Isaiah 50:10

Bawipa kihzah ai, A cengfa ponkam a ngaitute, Ning vakhnak lampui tu thimhnak in dim khalselai, Bawipa rinsan tu ilai ning Pathian khiah hngaihgam tu ih.

Isaiah 53:5

Ikhalselai kinmah ai sualhnak manin maliamhnak tuar i, Thil pha lo kin bawnhnak manin vithnak tawk i. Cawhkuan a tuarhnak tu kin cakhnak i, Vit a tuarhnak tu kin caah nunohnak i.

Isaiah 9:2

Khuathim lakah a vaktute in a lian ngai tleuhnak hmu tlang zo i; thihhnak hlim hnia ai a umtute vumah tleuhnak hleng zo i.

Jeremiah 17:14

Aw Bawipa, i cakruai tulai, i cak tuh rori i; i o tulai i him tuh taktak i. I thangphathnak tu nangmah ian i si.

Jeremiah 30:17

Nun ning cakruai tuh ing, Ning hmaihmate tu potruai tuh ing; Ning ralte in, ‘Zion tu hnawl mi le thuih mi i; Aisu inkhai zaikhai siar lo i,’ ti ta inkhai, Kaimah Bawipa in pong zo ing,” ti i.

Jeremiah 33:6

Ikhalselai he khuapui le a minungte tu cakruai leh tuhai phawkruai tuh virver ing. Anite hnenah hlamuanghnak le daphnak a semkhim in hlengruai tuh ing

Ezekiel 47:12

Runpui kam hnih ah thingkung a phunphun po tuhai aih pha a thai thai tuh i. A hnah vawi tuh awng lo ai a thai khai awl tuh awng lo i. Biakinn in a luanghnak ti in a cawm manin hla siar in thai thar thai tuh ṭiode i. Ciami thingthaite tu rong in ring tuhai thinghnahte khai mi tampui ai cakhnak ah cang tuh i,” tiin ti i.

Hosea 6:1

Mipui in, “Bawipa hnenah let ngasing ih. Kin hlikhlai dek zo napui amah thotho in kin cakruai leh tuh i. Kin tuahmawh zo napui amah thotho in kin hmaihma kin tuam sah leh tuh i.

Hosea 6:3

Bawipa khiah ling tek ngasing ih. Amah tu kin hnenah zing lam khuavar bangin kawi tuh i, pelh tuh lo i. Ani tu kin hnenah laipua a burhtu khuapui tla bangin pelh loin hleng tuh i,” ti i.

Malakhi 3:16

Cen Bawipa a kihzahtute tu pakhat le pakhat pon dun ai amahte ponghnak khiah Bawipa in ngai ai za i. A mithmuh ah Bawipa a kihzahtu le a hming a upattute ai thula tu laibu songah khum i.

Matthai 11:5

Mitcawte in khua hmu i, kebai mite in lamvak thil i. Mipharte khai thiang i. Na ngongte in khua za i. Mithite thoruai leh ai mifarahte hnenah Thuthangpha phuang i.

Matthai 23:37

Jesuh in, “Aw Jerusalem, Jerusalem! Na hnenah Pathian ai prophette nangmah in rek ai a hlathnak tepawl khai lungto in sep isi. Arpui in ar fate a ko hniaah a op bangin na minungte tu i kut in hup thliahthlo napui na daih lo i!

Luka 1:50

Sankhat hnua sankhat amah a kihzahtute tu ninghio i.

Luka 1:78

Kin Pathian tu mi ninghiotu le mi nunnem a imanin, ohnak zing khuatleu heh Kin vumah tlangruai tuh i;

Luka 2:32

Ciami ohnak tu Gentile mite hnenah Na lampui larruaitu tleuhnak i ai, Na minung Israel mite hnenah songlawihnak hlengruaitu i,” tiin ti i.

Johan 1:14

Cia Thu tu minung ah cang ai kin lakah um i; ninghiohnak le thutak in dim i. Kinmah in a songlawihnak hmu tlang ai a Pa in a fapa naihsun hnenah a pehnak songlawihnak i.

Johan 1:4

Cia thu tu nunhnak hampui i ai cia nunhnak in minung hnenah tleuhnak hlengruai i.

Johan 1:8

Ani tu tleuhnak ilo i; tleuhnak thu rel tuhin a kawitu sawn i.

Johan 12:40

“Pathian in anite mit cawruai ai, Thinlung khai pitruai i. Ciatih i lo fangin tu amahte mit in hmu pang tuhai, A thinlung in ling pang tuh i; I lam hoi pang tuhai, A cak khai cakruai pang tuh ing, tiin Pathian in ti i,” tiin rel lawnsi i.

Johan 8:12

Jesuh in Farasite hnenah, “Kai tu lailung ai tleuhnak ing. Aisu khai kaimah i hluntu in a nunhnak ah tleuhnak nai tuhai khuathim songah vak tuh lo i,” tiin ti i.

Johan 9:4

Sun lak song hmuahhmuah i hlattu ai naper per kul i. Zan hleng cing tuh hang ai aisu khai naper per thil tuh nawn lo ising.

Tirhthalahle 13:26

I phunpui Israel mite, Abraham ai tesinfate le heta ai Pathian a biatu Gentile mite, he nunohnak Thuthangpha heh kin veksen caah pehnak i.

Tirhthalahle 13:47

Zaimantifangin Bawipa ai thukham kin pehnak tu hetihin i: ‘Laivum pumpuhluk heh nun o thil tuhin ningmah heh Gentile mite caah Tleuhnak ah ning bawn zo i,’ ti i,” tiin ti i.

Tirhthalahle 26:18

Amahte mit thakruai tuhai thimhnak in tleuhnak ah, Satan hathnak songin Pathian hnenah letruai tuh isi. Ciatihin kaimah i sanghnak thawmin amahte sualhnak khai ngaithiam in um tuhai Pathian ai thianghlimruai mite lakah tel tuh ve isi,’ tiin ti i.

2 Thesalon 1:3

U le naute, ningmah manin Pathian hnenah i ang ngai i. Ciatihin Pathian kin thangphat heh a dikmi i, zaimantifangin ning sanghnak khang ngai ai pakhat le pakhat ning itdunhnak khai khang zianzo i.

2 Piter 1:19

Ciamanin prophette ai relciahnak thuthang vumah lunghmuihnak kho amam nai tlang i ing. Ning khai ciami thu heh thupui bik i tiin ruat isilai pha tuh i; zaimantifangin ciami thu tu Khrih ai Ni tleuhnak ning thinlung songah vartin arsi tleu bangin a tleu hlan tian khuathim songah a varhnak maikhuat bang i.

2 Piter 3:18

Kin Bawipa le kin otu Jesuh Khrih ai ninghiohnak le amah linghnak songah khang tu zianzo ih. Amah hnenah songlawihnak tu tun le kumzangza in um tu ngio selaw. Amen.

1 Johan 2:8

Ikhalselai tun ning hnenah i nganhnak thukham heh thukham thar i, zaimantifangin he thukham thar a dik zia heh Khrih song le ningmah songah hmu thil i. Akontih i tifangin khuathim tu bo zianzo ai tleuhnak taktak tleu zo i.

Thupphuan 11:18

Na thinraw a larhnak can hleng ai mithite thukhan can a khim manin, Pathian sang lote thinraw tlang roh i. Na cengfa prophette le na upattu na minungte a ham a sen in perman ngah tlang can hleng i. Laivum siatsuahtute siatsuah can hleng zo i,” ti tlang i.

Thupphuan 2:28

Cen vartin arsi khai pe tuh ing.

Thupphuan 22:16

“Kaimah Jesuh in he thu heh pawlpuite hnenah than tuhin i vancungmi ning hnenah hlat ing. Kai tu David ai hin le a tesinfa ing; kaimah heh vartin arsi tleu ing,” tiin ti i.

Thupphuan 22:2

Khuapui lam laiteng in luang i. Ciami runti kam hnih ah nunhnak thingkung um ai hlakhat vel khat in kum khat ah vel hlaihnih thai i. Cen thinghnah tu mi phunkhim caah cakhnak i.

Ruth 2:12

Hetihin na bawnhnak manin Bawipa in na rulthun tuseh. A kohlim hniaah himhnak na sihnak Bawipa, Israel Pathian ai lehsawng heh a semkhim in na pe tuseh,” tiin ti i.