Malakhi 4:1 - Zanniat Bible

¹ Cungnungber Bawipa in, “Pumsuhnak mai bangin a ling ngai mailing hleng tuh i. Mi puarthau le miphalote fangcang kungro bangin a tai nia hleng cing tuh i. Cia nia ah a nite tu mai in tai tuh sek ai a ham le a kak zaikhai tang tuh lo i.

Khualsim Bible

¹ “Zoh hman uh, mi uahsaktia zate leh thilṭhalo titule an zate hnawmhne raw an ik Ni, lungthu mei mangih a alhmi Ni a pha thok; a pha leimi Ni ni anmah cu a kaang hngai thok, cuticun an hram iseh, an tleeng iseh, a hlah hngai thok lo, tiah ralkapbuurle ih Bawipa ni a ti.

Falam Common Language Bible

¹ Ziangkimtithei Bawipa in, “Somei bangin a lingmi meisa ling a ra thleng ding. Mi puarthau le mi ṭha lo pawl fangkung ro vekih ur an sinak ni a ra thleng cing ding. Cuih ni ah annih pawl cu meisa in ur ṭheh an si ding ih an hram le an hnge zianghman a taang lo ding.

Malakhi 4:1 ပူးပေါင်းရင်းမြစ်များ

Job 18:16

A hnukrite hmuah ro ai a vum lamah a kakte khiah thi i.

SAAM LABU 119:119

Mihrokhrawl pawl tu hnawmborh tlukin ruat isi; Ciamanin na thuhluphnak heh i daih ngai i.

SAAM LABU 37:9

Bawipa a rinsantu khiah he ramah muang niu in um tuh i. Ikhalselai hrokhrawl mite tu hnawthnak tuar tlang tuh i.

Suahhlannak 15:7

A roh ngai na mi nehhnak in, Na raltute tu lon sek isi; Na thinrawhnak mai bangin a ko fangin, anite tu fangcang kuangro bangin kang sio i.

Isaiah 40:24

Anite tu thingkung dawnniu, ham nai lo a suak sawng bang i. Cialak ah Bawipa in hli zuangruai i, Ro sio ai fangcang kuangro bangin hmut sio i.

Isaiah 41:2

“Mi zongzong nehtu heh aisu in nisuah lamin hoi ini? A fehhnak hmuncang ah aisu in nehhnak pe ini? Miphun tampui le kumpibawi tampui vumah aisu in nehtu cangruai i? A neh mite tu laivut iselai ciatih bangin A ralvang in sat i! Fangkung ro khiah hli in a hmut bangin A conkiang in piakruai sek i!

Isaiah 47:14

“Anite tu fanghi bang menma i; Mai in tai tuh sio i. Amahte le amahte rin o dun ben tuh lo i. Maiko heh amahte caah a sa ze tuh i; A lum menma, a aai tuh cateng mai lum i tuh lo i.

Isaiah 5:24

Ciamanin fangcang kuangro le hampa ro heh mai in hul ai a kang sek bangin ning hampui muat ai ning parmawi vawi tuhai hlivua in hmut tuh sek i; zaimantifangin Israel ai Pathian thianghlim, Cungnungber Bawipa ai a kin zirhhnak hnawl i si.

Isaiah 9:18

Hemite ai phatlohnak tu hling le so a kang siotu mai bangin ko lai thliahthlo i. Hampa le tusong thing tianin kang ai a khu tu hangbel in van ah kai ngualngo i.

Isaiah 9:19

Cungnungber Bawipa a thinraw manin a thinrawhnak tu a ram songah mai bangin kang ai minungte tu tihnak thing bangin cang i. Aisu khai amahte ca ṭen nung i; unau domtu pakhat khai um lo i.

Ezekiel 20:38

Ningmah lakin raltho le mi engsantute tu lon tuh ing. Tunai amahte umhnak ram an suah tuh ing, Ikhalselai Israel ramah letruai tuh lo ing. Ciatihin Bawipa ing ti khiah ling tuh i.

Ezekiel 21:32

Mai in ning siatsuah tuh sek i. Ning thisan tu ning ram songah luang tuhai aisu inkhai ning ling tuh nawn lo i,’ ti tu,” tiin ti i. Bawipa in rel zo i.

Ezekiel 24:11

Cen darbel lawng mailing vumah toh tu ilai san hliang in ling tu hiangho seh. Ciatihin mailing songah khar in a aiciahnak tu bo tuh cuang lo napui,

Ezekiel 34:17

“Cen i tuurual, Cungnungber Bawipa kaimah in ning rel ing: pumpak ṭen in thu ning khan tuhai a phami le a hnawmmi ning thia tuh ing; tuu le me khan tuh ing.

Ezekiel 7:10

Israel caah hnawmcanhnak nia hleng tuh ihang. Thisan suahhnak karhzai amam i; puarthauhnak pittawp hleng i.

Joel 2:1

Zion ah thirhlung tum tu ilai, Pathian mual thianghlim ah ralringhnak dar tum tu ih. Hemi ramai a ummi zongzong hlawng tuseh; zaimantifangin Bawipa nia nong zo i.

Joel 2:31

Ni thim tuhai, Hlapui tu thisan bangin san tuh i, A thawmlian ngai le a laukul ngai Bawipa nia a hleng hlan deuh ahcen.

Amos 2:9

“Ikhalselai i miphunte, ningmah caah nakhaw cedar thing bangin a sangmi le cianghlim thing bangin a hakmi Amor mite kaimah in siatsuah sek ing.

Obadiah 1:18

Jacob innsang tu mai ah cang tuhai, Joseph innsang tu mailiau ah cang tuh i; Esau innsang tu fanghi i tuhai ko tuhai kang tuh sio i. Esau innsang tu luattu pakhat khai um tuh lo i. Bawipa in rel zo ing.

Nahum 1:10

Hling le saiso a ngerh dun meng bangin ngerh dun i; Zu hamte bangin ri ai, Hampa ro bangin kang tuh sek i.

Zefaniah 1:14

Bawipa ai nia tu nong zo i; nong ze zo ai a rai hlanah hleng cing tuh i. Cia nia tu hnawmhnak nia i tuh i, zaimantifangin ralkap ralpha ber rin a thinpit in kap tuh i.

Zefaniah 1:18

Cia nia, Bawipa in a thinrawhnak a larruai nia ahcen a sui le ngun in aisu khai o thil tuh lo i. A thinrawhnak mai in laivum pumpuhluk heh kang tuh i. Laivum ai a ummi hmuahhmuah heh mangrinlo in a nunhnak boruai tuh i.

Zekhariah 14:1

Bawipa in thu a khan tuhhnak nia tu nong zo i. Cen Jerusalem khua rok tuhai amahte suthnak thilrite tu na mithmuh ah zem tlang tuh i.

Malakhi 3:15

Kin hmu ṭen bangin mipuarte lehlam hmuifu ngah tlang i! Misualte nainung ngaingai ah cang ta vumah thilsual bawn in Pathian thinsauhnak cu ai cawhkuan zaikhai tawk loin luat hlen i!’ ti i si,” tiin ti i.

Malakhi 3:18

Ciafangin a dikmi le a hrokhrawl mi vumah zaibang thil hleng i tifangin i ruaihtu le i ruaih lotute zaibang cang tuh i ti khiah i minungte in hmu leh tuh i,” tiin ti i.

Malakhi 3:2

Ikhalselai a hleng nia tu aisu in tuar ben tuh i? A lar ngaingai nia ahcen aisu luat thil tuh i? Thil sawphnak satpia bang le thir a ciangruaitu mai bang i tuh i.

Malakhi 3:3

Ngun tiruai ai a ciangruaitu bangin thukhan tuhin amah khiah kawi tuh i. Thir dengtu in sui le ngun a ciangruai bangin Bawipa ai palai in suangbawite cianghlimruai tuhai ciatihin a dikmi hibawlhnak khiah Bawipa hnenah koih tlang tuh i.

Malakhi 4:5

Ikhalselai ni lian le a kihkul Bawipa ai nia a hleng hlanah ning hnenah prophet Elijah hlat tuh ing.

Matthai 3:12

A kut songah fang khaphnak ṭangṭa awh i. Fang mu tu benpui songah khum tuhai fanghite tu a hmit awng kel lo mai songah lon tuh i,” tiin ti

Luka 19:43

Ning ralte in ning kulh tuh sio ai ning kham sio le khuahacang in ning hnen kawihnak can hleng tuh i.

Luka 21:20

Jesuh in, “Ralkapte in Jerusalem kulh tlang sio ning hmu fangin hnawm cing tuh ihang ti ling tuh i si.

Luka 6:23

Ciatih bang i fangin ning thinnuam in um tu ilai lungawi in lam tu ih; zaimantifangin ning ca ahcen tuarman tampui vancung ah dah cia in um zo i. Ciabangte tu ning pupate in khai prophette vumah bawn awng zo i.

2 Thesalon 1:8

Pathian a hnawltu le kin Bawipa Jesuh ai Thuthangpha a sang nuam lotute heh mai thawn cawh tuh i.

2 Piter 3:7

Ikhalselai tunai a umhnak lai le van tu mai in siatsuah tuhin Pathian ai thupehnak thotho in a zuah lai mite i. Pathian a zohsuamtute thukhan nia le hnawmralhnak tawk tlang nia hrangah a zuahhnak tepawl i.