Johan 12:48 - Zanniat Bible

⁴⁸ Aisu khai i hnawltu le i thurelhnak a pom lotu in thukhantu pakhat nai i. I ponghnak heh ni hnuataber nia ah thukhantu ah cang tuh i!

Dân Thar NT (BSI)

⁴⁸ Mi atu khawm kyi mumâknin, ky chawngril ngyi pawm makmi chu atak rang â bo lom luka â awm, ky chawngril ha, hâ chawng rêlê ha, ni rikip ni tika chu atak rang la bo iat.

Khualsim Bible

⁴⁸ Kamah ma hnongih ka aanka a cosang lo tu cu thuṭhentu a ngei; ni netatleng ah ka aanmi ni thuṭhentu a ṭuan leh thok.

Falam Common Language Bible

⁴⁸ Zokhal i hnongtu le ka thu simmi a pom lotu cu thuṭhentu pakhat a nei. Ka ṭongmi hi ni neta bik ni ah a thuṭhentu ah a cang ding!

Johan 12:48 ပူးပေါင်းရင်းမြစ်များ

Isaiah 53:3

Amah tu kin zohsuamhnak le kin hnawlhnak i. Urhnak le harsahnak tuar i. Aisu inkhai a kian tal khai nuam tlang lo i. Zaikhai ilo i tiin um sanhnak menma i.

Matthai 10:15

Thutak ning rel ing. Thukhanhnak nia ah Pathian in cia khua mite tahin Sodom le Gomorrah khua mite vumah ninghiohnak tam deuh nai tuh sawn i,” tiin rel i.

Matthai 21:42

Jesuh in anite hnenah, “Lai Thianghlim ai a tihnak tu siar awng lo isim? Lai Thianghlim in: ‘Inn satute in santlai lo i tiin a hnawlhnak lungto khiah A thupui ber lungto ah cang so i; Hemi tu Bawipa ai bawnhnak i, kin mithmuh ah a mawi ngai i,’ ti i.

Matthai 25:31

Jesuh in, “Mi Fapa tu kumpibawi bangin a songlawihnak le vancungmi hmuahhmuah thawn a hleng fangin kumpibawi tohkham vumah to tuh i.

Marka 12:10

Lai Thianghlim songah: ‘Inn satute in santlai lo ti ai a hnawlhnak lungto heh, A thupui ber lungto ah cang sawn lehlam i.

Marka 16:16

Aisu khai ituseh sang ai baptisma co lekhaw ohnak ngah tuh i. Ikhalselai sang hlah lekhaw hnawl i tuh i.

Marka 8:31

Cen Jesuh in a hnuahlunte zirh ai, “Mi Fapa tu tuarhnak a roh ngai tawk tuhai upate, suangbawite le Danthiam mite in hnawl tuhai rek tuh i, ikhalselai ni thumhnak ah tho leh tuh i,” tiin ti i.

Luka 10:16

Cen Jesuh in a hnuahlunte hnenah, “Ning thu a ngaitute tu i thu a ngaitute i. Ning hnawltute tu i hnawltute i. Cen kaimah i hnawltute tu i hlattu khai hnawl i,” tiin ti i.

Luka 17:25

Ikhalselai hmasaber ah amah in tuarhnak harsa ngai tawk tuhai tun san minungte in hnawl tuh i.

Luka 20:17

Jesuh in phatak niu in sik ai amahte hnenah, “Ilekhaw, Lai Thianghlim songah ‘Inn satute in santlai lo tiin a hnawlhnak lungto heh a thupuimi lungto ah cang lehlam i,’ tiin nganhnak khiah a sullam ziang tica i?

Luka 7:30

Ikhalselai Farasite le Danthiam mite in amahte caah Pathian tumtekhnak khiah pom tlang lo ai John ai baptisma a lang nuam lotute i.

Luka 9:22

Cen amahte hnenah, “Mi Fapa heh a roh ngai in tuar tuhai upate, suangbawi upate le Danthiam mite in hnawl tuh i. Ani tu rek tuh i; ikhalselai ni thumhnak ah thoruai leh tuh i,” tiin ti i.

Luka 9:26

Mi pakhat in kaimah le i thuzirhhnak zakthipui lekhaw Mi Fapa inkhai a songlawihnak le a Pa le vancung mithiangte ai songlawihnak thawn a hleng leh fangin zakthipui tuh ve i.

Johan 11:24

Martha in, “I, ni hnuataber nia ah tho leh tuh i ti ling ing,” tiin sawn i.

Johan 5:45

Kai tu Pathian hmaiah kin mawhhluktu tuh i, tiin i ruat mah ih. A vumah umlamhnak ning naihnak ber Moses rori heh ning mawhhluktu tuh i.

Johan 6:39

Cen i hlattu ai daihhnak tu hemi i: I pehnak hmuahhmuah khiah pakhat khai paitiar loin, ni hnuataber nia ah amahte veksen in thoruai tuh sio ing.

Johan 8:47

Pathian hnenin a hlengtu in Pathian ai ponkam ngai i. Ikhalselai ning tu Pathian hnenin a hleng mi ning ilo manin a thu ngai ning nuam lohnak i,” tiin ti i.

Tirhthalahle 17:31

Zaimantifangin a ril cia mi pakhat in lailung mite veksen heh dikcanghnak thawn thukhan tuhin ni tiam zo i. Cia thu tu thudik i, ti khiah mi zongzong hnenah larruaihnak ah ciami pa tu thihhnak in thoruai leh zo i,” tiin ti i.

Tirhthalahle 3:23

Ciami prophet a hlun nuam lotu heh Pathian miphun songin hnawthnak tuar tuhai siatsuahhnak tawk tuh i,’ ti i.

Rom Pawlpi Hemih Paul Laikuat 2:16

Ciamanin i phuanghnak Thuthangpha bangin hebang thinlung umdan heh Pathian in minung thupruk ruathnak thu a khan nia ai umdan tuh i.

2 Korin 4:3

Ciatih imanin Thuthangpha kin phuanghnak heh thup lekhaw a pairal lai betbo mite caah thup in um i.

2 Thesalon 1:8

Pathian a hnawltu le kin Bawipa Jesuh ai Thuthangpha a sang nuam lotute heh mai thawn cawh tuh i.

Hebru 10:25

Hmunkhat ai kin pumkhawm dehnak heh com hlah sing ih. Mihrek in com napui Bawipa ai Ni a nong zianzo manin, kin tu pakhat le pakhat thazang pe dun tuh amam ising.

Hebru 12:25

Ciamanin ning hnenah thu a reltu ai thu el tuh loin ralring tu ih. Pathian thuthang laivum ai amahte relhnak rin a eltu heh luat lo i. Vancung ai a reltu ai thu amam heh ngai hlahle singkhaw zaitlukin kin luat tuh lo amam i!

Hebru 2:3

Ciatih ilekhaw kin in hetluk in nunohnak thawmlian heh zaikhai siar hlah lesingkhaw akontih in cawhhnak in kin luat thil tuh i? Bawipa amah rori in he nunohnak thu heh a hmasaber ah than ai amah a lingtu hmuahhmuah in a dik zia heh kin hnenah larruai zo i.

Hebru 4:12

Pathian thu tu nung ai hat ngai fawn i. Ralvang nak hnih san tahin san sawn i. Nunhnak le rauhla a tawkdunhnak le hngeuhhngeuh le ruhhling pehdunhnak tian hlehpet thai i. Minung thinlung ai daihhnak le ruathnak khai ling sio i.

1 Piter 1:5

Ni hnuataber nia ah larruai tuhin tunai dahciahnak nunohnak heh sanghnak thawmin Pathian huham ai kilkhawlhnak ningmah in co tuh i si.

2 Piter 3:3

A hmasaber ah ning ling tuhhnak tu: ni hnuataber can ah mi hrekkhat in amahte taksa hiamhnak in uk mite suak tlang tuh i, tihnak i. Ciamite in hnihsarelhnak in ning hmang tuhai,

2 Piter 3:7

Ikhalselai tunai a umhnak lai le van tu mai in siatsuah tuhin Pathian ai thupehnak thotho in a zuah lai mite i. Pathian a zohsuamtute thukhan nia le hnawmralhnak tawk tlang nia hrangah a zuahhnak tepawl i.

1 Samuel 10:19

Kai tu ning harsahnak le ning rimsuhnak songin ning otu ning Pathian ing. Ikhalselai tunnia ah kai tu i hnawl tlang ai kumpibawi i ngen tlang i si. Ciamanin ning phun ṭen le ning hin ṭen in i hmaiah ding tu ih,” tiin rel i.

1 Samuel 8:7

Ciafangin Bawipa in, “Na hnenai amahte relhnak hmuahhmuah heh ngai tu. Nangmah na hnawl ilo i. Kaimah amahte kumpibawi i hnawl tlang sawn i.