Joel 2:12 - Zanniat Bible

¹² Bawipa in, “Tun rori ah Ning thinlung veksen in rong ul in, Mithli far le lungsia in, i hnenah let tu ih.

Khualsim Bible

¹² “Acuhmanah atu ahhin, nan thinlung ngeih hmawh in ka hemah caw ul in, ṭapthah in, cun lungzuur in kirṭhan uh;

Falam Common Language Bible

¹² Bawipa in, “Atu rori ah Nan thinlung zatein rawl ul in, Mitthli tla le riahsia in, Ka hnenah ra kir uh.

Joel 2:12 ပူးပေါင်းရင်းမြစ်များ

2 Samuel 24:10

Ikhalselai ciatihin mipumsiarhnak a bawn ngah fangin, David tu a thinnuam lo ze ai Bawipa hnenah, “Thil sual ngai bawn ngah zo ing. Aw Bawipa, i sualhnak i ngaithiam tu hram. Mivoi thil tidan bawn ing,” tiin ngen i.

2 Sansiarnak 30:6

Kumpibawi le a kuthnia ai tlangsuakte ai thupehnak bangin Judah ram le Israel ram songah mi hlat tlang ai sawmhnak lai khiah hetihin ngan i: “Israel mite u le naute, Assyria mite in kin ram heh neh napui ning tu ning luat i. Tun tu Abraham ai Pathian, Isaac ai Pathian le Jacob ai Pathian Bawipa hnenah let tlang tu ilai, amah khai ning hnenah let tuh ve i.

2 Sansiarnak 6:27

aw Bawipa, vancung in ngai sah tulai Israel mite na minungte ai sualhnak tu ngaithiam tu hram law. A dikcang bawn tuhin nangmah in zirh tulai, na minungte hnenah a zomzet in amahte ai tuhin na pehnak hemi ramah vanruah siruai tu hram law.

Esther 4:16

“Feh tulai Susa Khuapui ai Judah mite hmuahhmuah ko tu; rong ul tu ilai kaimah ca sawngen tu ih. Ni thum le zan thum song zaikhai ai lo le ding loin um tu ih. Kai le i hnenai um tu nupangte khai ciatihin um tuh ve i ing. Cia hnuaah, dan ilo napui, Kumpibawi hnenah kawi tuh ing. Ciamanin i thi lekhaw thi tuh ing,” tiin ti i.

Suahhlannak 33:5

Cen Bawipa in Moses hnenah, “Israel mite hnenah, ‘Ning tu milungruh pawl i si. Camkhatniu rin ning hnenah vak inglai ning siatsuah ngah tuh sek ing. Ciamanin ning sui le ngun hawk tusek ih. Cia hnuaah ning vumah ziang bawn tuh ing ti ling tuh ing,’ ti i, tiin rel tuh i si,” tiin ti i.

Isaiah 22:12

Cungnungber Bawipa in kap le ai tuhin le ning sam met tuh sio in le buri hnikpon sil tuhin ning ko i.

Isaiah 58:4

Mi thihnai suakruai ning kih lo i; tawng dun ai hau tlang i si. Hemi bang ning rong ulhnak manin ning sawngenhnak ngai tuh i vuah i sim?

Jeremiah 3:22

Bawipa a zamtute khai, let tu ih; Ning cakruai tuhai rinsantlak ah ning bawn tuh i. Ningmah in, “I, Bawipa hnenah let i ing, zaimantifangin amah khiah Pathian i.

Jeremiah 36:7

Bawipa hnenah sawngen tlang ai amahte nuncan pha lohnak hlumhnak ahkhai cang thai pang i. Zaimantifangin he minungte vumah Bawipa in a kihkul a thinrawhnak le a thintokhnak hlengruai tum i,” tiin ti ing.

Jeremiah 4:1

Bawipa in, “Aw Israel mite, let ning nuam lekhaw i hnenah let tu ih. I ningdulhnak milim bia heh lon ai i hmaiah rintlak le kho ngai in um le i sikhaw,

Jeremiah 4:2

kaimah hming sal in cukcamhnak ning bawn fangin thudik le dikcanglairelhnak le dikfelhnak thawn bawn le i sikhaw ning caah pha tuh hlen i. Ciatihin miphun hmuahhmuah in amahte vumah hmuifu pe tuhin i ngen tuhai thang i phat tlang tuh i,” ti i.

Ezekiel 33:11

Phantakniu in rel tu; Cungnungber Bawipa kaimah, a nungmi Pathian ing, cia bangin rel ing: misual pakhat a thi hmu heh i hiam phun ilo i. Sualhnak com ai a nung hmu i nuam sawn i. Aw Israel, thilpha lo na bawnhnak com tuhang. Zaimanin a thi na nuam i?

Daniel 9:3

Bawipa Pathian hnenah thin takin sawngen ing; rong ul in, buri hnikpon sil in vutkuang lakah to in ngen hnelhno ing.

Hosea 12:6

Ciamanin Jacob ai tesinfate, ning Pathian rinsan tu ilai tunah amah hnenah let tu ih. Rintlak le dikcang niu in nung tu ilai, ning Pathian naṭuan tuh heh thinfual in iang tu ih.

Hosea 12:7

Bawipa in, “Israel mite tu Canaan mite bang thotho in hrokhrawl i. Amahte thil laitu khiah a dik lo cuaitehhnak in zawl nuam i.

Hosea 14:1

Aw Israel mite, Bawipa ning Pathian hnenah let tu ih. Ning sualhnak manin ning bah zo ai ning tlu zo i.

Hosea 6:1

Mipui in, “Bawipa hnenah let ngasing ih. Kin hlikhlai dek zo napui amah thotho in kin cakruai leh tuh i. Kin tuahmawh zo napui amah thotho in kin hmaihma kin tuam sah leh tuh i.

Joel 1:13

Aw suangbawite, puleng ai naruaihtute, Buri hnikpon sil in kap tu ih. Biakinn ah feh tu ilai zanvar in kap tu ih. Ning Pathian sel tuhin rong le Cabitti bo zo sek i.

Zekhariah 7:3

suangbawite le prophette thuzawt tuhin hlat i. A thuzawthnak tu, “Biakinnpui siatsuah sek manin kum tampui song kin bawn awng zohnak bangin hla nga hla ah rong ul in lungsia in um tuhlai i ing maw?” ti i.

Zekhariah 7:5

Bawipa in, “Hemi ram minung le suangbawite heh rel tu: kumpui kum sawmsarih song, hla nga hla le hla sarih hla ah rong ul tlang ai lungsia in a um tlang khiah kaimah i upat manin ilo i.

Malakhi 1:9

Suangbawite, kin vumah phathnak bawn tu, tiin Bawipa khiah ngen tucuk ih. Ning sawngenhnak ngai tuh hrimhrim lo ai ciami tu ningmah mawh manin i tuh i.

Tirhthalahle 26:20

Hmasaber ah Damascus khua ah, cen Jerusalem ah, cia hnuaah Judea ram song hmuahhmuah le Gentile mi hnen ahkhai feh ai, ‘Ning sual sir tu ilai Pathian hnenah let tu ih; cen ning sual sir larruaihnak thil khiah bawn tu ih,’ tiin thurel betbo ing.

Thuṭhentule 2:4

Ciatihin Vancungmi ai relhnak a za fangin Israel mite tu kap tlang murhmo i.

Thuṭhentule 20:26

Ciafangin Israel mite hmuahhmuah Bethel ah feh ai lungsia thinpem in kap tlang dekdo i. Bawipa hmaiah zan lam tian rong ai loin to tlang i. Cen rualrem hibawlhnak le maitai hibawlhnak khiah Bawipa hnenah sel tlang i.

1 Samuel 7:3

Ciafangin Samuel in, “Ning thinlung taktak in Bawipa ben ning nuam lekhaw ramdang khuavangte le Astartes khuavang nu ai zukte heh lon tusek ih. Ning nunhnak a veksen in Bawipa hnenah pe tusek ilai amah lek bia tu ih. Ciatihin Filistin mite in nehhnak songin Bawipa in ning luatruai tuh i,” tiin ti i.

1 Samuel 7:6

Ciamanin Mizpah ah taikhawm tlang sio i. Ti cawi ai Bawipa hnenah hibawlhnak ah ti burh tlang i. Cen sunnivui rong ul tlang i. “Bawipa vumah kin sual i,” tiin amahte sualhnak phuang tlang i. Mizpah ah Israel mite ai thunaihnakte heh Samuel in khan sah i.